PILIPI 3:9 - Wunta Mempori

⁹ ka kongko ndi Ondae komba menteeku ongkueku hangano montonda songka Taura, tendeano menteea hangano pompe'ala-ala ndi Ondae i Kerisituu, onaemo menteea anu Doweeakune Ue Ala montonda pompe'ala-ala.

PILIPI 3:9 ပူးပေါင်းရင်းမြစ်များ

Tegagia 7:23

Kanandiomo Dopokotampulao Ue Ala luwuno anu tuwu i wawontolino, moiko mia maupo pinotuwu, kondehora melele ka luwuno manu-manu i laro meene, ranta luwuno atuu pinokotampula inso i wawontolino; anu tola butu i Noho ka luwuno anu meronga saru onae a laro bangka atuu.

1 Mokole 8:46

Tewala ntehala ira ndi Omiu, hangano nahina mia anu nahi tehala, ka tekuda-Miu ndi ondae, ka Ipeweengako ira a iwali, ka domewinawa gagi mia ntinawa a witado iwali anu olai ke anu umpeda,

2 Tawarika 32:25

Sine i Hisikia nahi pontarimakasi a moikoa anu tinisoako ndi onae, hangano onae gagi mompelangka-langkai. Onae ka Yehuda saru Yerusale i'alu ira pontekudaako.

2 Tawarika 32:31

Kanandio koa mbo'u teweweuno tempono luwuno tinenado mokole i Babeli aiwa ndi onae ka dompesikenoakono mongkona petondoni kinohali-haliako anu gagiomo i witano. Sine Ondae Ue Ala bintao i Hisikia Ira umarahakono, ka itino'ori luwuno ihino aroano.

Po'unde-unde 14:3

Luwudo mepansia iramo, luwuno mpoweweu iramo anu mosa'o; nahina anu moweweu moiko, maupo te'asa mia nahina.

Po'unde-unde 143:2

Si pekara-karaakono tetenaa-Miu, hangano i olodo anu mentuwu, nahina maupo te'asa mia mentee i aro-Miu.

Po'unde-unde 19:12

Tetenaa-Miu mbo'u montarima pepopoto'ori inso ndi onae, mohawe tambo langkai saru me'ini ndi onae.

Puu Pontutulu 7:20

Menteeano, i tolino nahina mia moleo anu moweweu moiko, nahi hori moweweu hala!

Yesaya 46:13

Moleo-Ku nami olai mbo'u, hangano Kupoko'umpedaomo ka tolaa anu Kupeweengakono nahi tepotulu mbo'u; Aku mompowee pongkadudui i Sioni ka maramba-Ku ndi Isaraeli.”

Yesaya 53:11

Umarino masusano sumangano ta kumitao mewine ka gagi teende aroano; hangano ponto'orino, tetenaa-Ku, mia mentee atuu, ta mompokomentee hadio mia ka mosa'odo itembio.

Yesaya 53:6

Ontae luwu ntesaa kana bimba, ontae singge mpo'ala salato ontaeto, sine Dopotiiomo i Ue ndi onae mosa'ono wineweuto luwu.

Yesaya 6:5

Ka ku'amba motae, ”Masola akumo ntu'u! mate aku! Hangano ongkue andio asa mia anu mokoburu wiwino, ka ongkue mo'ia itonga-tongano tongku anu mokoburu wiwido, sine mataku kumita Iramo Ondae Mokole, Ueno luwuakoano.”

Yeremia 23:6

A tempo poparentaano Yehuda ta pinotola ka Isaraeli ta tuwu rodo. Ndiomo nee anu iwineeako: Ondae i Ue Moleoato.

Yeremia 33:16

I tempo atuu Yehuda ta pinotola, ka Yerusale ta tuwu rodo. Sarumo andio mia meneeakono: Ondae i Ue moleoato!

Danieli 9:24

Pinakosiomo pitu pulu meluka opitu tempo a tongkumu ka a ngkotamu anu mempori, mokotampulao gau mosa'o, mokompenaa-naao hala, pahihio sala, ka ihawe moleoa anu nahina tampulaano, umihiio pongkita ka pinau anu ta gagi, umurapio anu tedoa mempori.

I MATIU 9:13

Gagi imelakomo ka impepaguruakonomo pengkonaano pau andio: Anu inehe-Ku onaemo pe'aroa ka pompehohawa ka komba pesomba, hangano hawe-Ku komba aiwa mompoboi mia mentee, tendeano mia tehala.”

ROMA 1:17

Hangano i larono mengkaa mentee-Do Ue Ala, anu mepu'u inso a pompe'ala-ala ka metewawa a pompe'ala-ala, kana hinao teburi, ”Mia mentee ta tuwuako pompe'ala-ala.”

ROMA 10:10

Hangano koa aroa mia mompe'ala-ala, ka pinokomentee, ka saru wiwi ipe'induako mia ka ikinadudui.

ROMA 16:7

Tabea ndi Andoroniku ka ndi Yuniasi, pepaekompoku mpe'asa tongku, anu hori ira tinorungku meronga saru ongkue, ondaemo mia anu tinudu i olodo luwuno tinena ka anu se'elu iramo gagi to Kerisituu sekono ongkue.

ROMA 5:21

ka ipengkena kana pabawano hala a laro matea, kanatuu pompehohawa ta pabawa hangano menteea a ntuwua anu nahina tampulaano, hangano Ondae i Yesu Kerisituu, Ueto.

ROMA 8:1

Kanatuumo kanandio-andio nahina pohuku ndi ondae anu mekongko i laro-Do i Kerisituu Yesu.

ROMA 8:3

Nde hapa anu nahi pokoweweuo songka Taura hangano telusaako tuwu ntolino, Doweweuomo Ue Ala. Ka mesala tumenao Ana-Do isa'a a ngkoroi ntolino, anu merupa kana koroi ntolino anu pinabawaino hala ka hangano hala, Dohukuomo hala a ngkoroi ntolino,

1 KORINTI 1:30

Sine hangano Ondae ka imekongko ndi Ondae i Kerisituu Yesu, anu hangano Ondae Ue Ala gagiomo ponto'orito anu mentee. Ondae mompokomentee, mompokomempori ka tumolosi kita.

2 KORINTI 5:17

Gaagi isema anu kongko ndi Ondae i Kerisituu, onae pinokogagi wo'ohu: anu tehine telaloomo, menteeano anu wo'ohu haweomo.

2 KORINTI 5:21

Ondae anu nahi Dotehala Doweweu Iramo gagi hala hangano ontae, ka tomempinokomentee ndi Ondae hangano Ondae Ue Ala.

GALATIA 2:16

Imento'orio, nine nahina maupo te'asa mia anu pinokomentee hangano iweweuo songka Taura, sine hangano pompe'ala-ala ndi Ondae i Kerisituu Yesu. Onaemo pu'uno omami mbo'u kimpe'ala-ala Iramo i Kerisituu Yesu, ka kimempinokomentee hangano pompe'ala-ala ndi Ondae i Kerisituu ka komba hangano meweweuo songka Taura. Hangano, ”nahina maupo te'asa mia anu pinokomentee” hangano iweweuo songka Taura.

Winali 27:26

’Tetotonaaomo mia anu nahi rongeo pauno songka Taura andio ka weweuo.’ Luwuno tongku atuu asalakono mpotae, ’Ami!’ ”

PILIPI 3:6

mongkona inangga ongkue anu mobobarasai bawaa, mongkona menteea a mpontondaa songka Taura nahina tataaku.

2 TIMOTIU 1:9

Ondae anu kumadudui kita ka moboiakita pepoboi mempori, komba me'empehiako wineweuto, tendeano me'empehiako tinoo ka pe'aroa-Do Ondae-Do, anu mewineeako kitamo ndi Ondae i Kerisituu Yesu se'eluno pompu'uano tempo

TITU 3:5

i tempo atuu Dokadudui kitamo, komba hangano wineweu moiko anu tomeweweuomo, sine hangano pompehohawa-Do a mpebahoa ka towali mempine'anaako ka a pompokowo'ohua anu inangga-Do Penaa Mempori,

IBARANI 6:18

hangano orua mengkaaano anu nahi bali, mongkona isua Ondae Ue Ala nahi Ira megaupi, ontae anu mpo'ungke pepekaduduia, ka tompohawe pompokoroso mentehaweo pomperorohia anu mo'ia i aroto.

YAKOBU 3:2

Hangano luwuto mensala hadio rupa; ba isema nahina salano a mpepauno, onaemo mia soompo ntu'u, anu mokompeteao koa mbo'u asa ngkoroino.

2 PETURU 1:1

Inso ndi Simo Peturu, tetenaa ka tinena-Do i Yesu Kerisituu, hawe ndi ondae anu mperonga saru omami mpohawe pompe'ala-ala hangano moleo-Do Ue Ala ka Puu Pongkaduduito, Ondae i Yesu Kerisituu.

1 YOHANE 3:4

Sompo mia anu woweweu hala, molimpai mbo'u songka-Do Ue Ala, hangano hala onaemo polimpaia songka-Do Ue Ala.