PILIPI 1:20 - Wunta Mempori

²⁰ Hangano anu tedoa kinekewoiku ka pinerorohiku onaemo nine a luwuakoano nahi aku mokoko'ii, tendeano kanakoa mpiha, kanatuu koa mbo'u kanandio-andio, Ondae i Kerisituu mengkaa Dopinokomaramba a ngkoroiku, moiko tuwuku maupo mateku.

PILIPI 1:20 ပူးပေါင်းရင်းမြစ်များ

Po'unde-unde 119:116

Ipokoroso akumo menunu saru dandi-Miu, ka kutuwu, si po'inee aku ranta mokoko'ii a laro pomperorohiku.

Po'unde-unde 119:80

Po'ineeomo aroaku ka itondao luwuno pompakosi-Miu inso i aroa, ka si kupohawe mokoko'ii.

Po'unde-unde 25:2

Ue Alaku, kupe'ala-ala Komiu; po'ineeomo ka si kupinokoko'ii; iwaliku ka si domengkokora-kora mpo'unde menggari-nggari aku.

Po'unde-unde 62:5

Mentee ntu'u, mpotoo ira mpepasiakono inso a mpentoroano anu mantande, ondae anu inehedo mpegaupi; saru ngangado domporonso, sine i laro aroado mpontotonaa ira. Sela

Powadi 10:28

Pomperorohino mia mentee ta metompaako mawongkoa, sine pomperorohino mia mosa'o gauno gagi nahina tuduno.

Powadi 23:18

Hangano oleo lembuiano mentee ntu'u hinao, ka pomperorohimu nahi ta tetadi.

Yesaya 45:17

Sekono Isaraeli Dokaduduiakono i Ue tekaduduia anu nahina tampulaano; nahi komiu memokoko'ii ke mpohawe mokoko'iia ranta nahina tampulaano.”

Yesaya 50:7

Sine Ondae Ue Ala tumulungi aku; onaemo pu'uno nahi kupohawe mokoko'iia. Onaemo ka kupokorosoo aroaku kana rosono torukuno watu hangano kuto'orio nine nahi aku mohawe mokoko'ii.

Yesaya 54:4

Siimo doito, hangano nahi komohawe mokoko'ii, ka siimo mokoko'ii, hangano nahi kotinata. Hangano, omue kokumolupeo pontata tempono kontelaamu, ka nahi komewowoloo mbo'u mokoko'iia tuwu beinemu.

I YOHANE 21:19

Ka Dopauo mongkona andio mopoto'orio kana'umpe ba imate i Peturu ka ipokomaramba Ira Ue Ala. Umari-Do mepau kanandio Dopotaeakono i Peturu, ”Tonda Akumo.”

WINEWEUDO TINENA 20:24

Sine maupo tedei nahi kuperioo penaaku, polomo koa ka kupokohaweo garesi pokotompa ka moko'umario anggaa anu Dotenaakune Ue Yesu ka kupesakosii mongkona Lele Mawongkoa pompehohawa-Do Ue Ala.

WINEWEUDO TINENA 21:13

Sine sumangki i Paulu, ”Tembio ka impengese ka ba kanandio imerago-ragoo aroaku? Hangano ongkue andio tetinda komba butu ka kupinongu, sine saru mbo'u mate i Yerusale hangano nee-Do Ue Yesu.”

WINEWEUDO TINENA 4:31

Ka tempono kontongaado mpekakai, leluomo po'iangado mpepumpu atuu ka mebukeako ira luwu Penaa Mempori, ka i'amba memosia iramo mempaleleo pau-Do Ue Ala.

ROMA 12:1

Onaemo pu'uno, pepaekompo, hangano pe'aroa-Do Ue Ala kupatudu komiu, ka impesombaakono koroimiu gagi pesomba anu tuwu, anu mempori ka anu pinemoiko-Do Ue Ala: onaemo atuu pesombamiu anu mentee ntu'u.

ROMA 5:5

Ka Pomperorohi komba mompokomasusa, nde pompehohawa-Do Ue Ala mewinsoomo i laro aroato hangano Penaa Mempori anu mewineeako kitamo.

ROMA 6:13

Ka si mpeweengakono luwuno parewa ngkoroimiu a hala ka ipinake gagi parewa poweweu mosa'oa, sine impeweengakonomo koroimiu ndi Ondae Ue Ala kana mia anu i ndi'upua mate, sine anu kanandio-andio tuwu. Ka ipeweengakonomo luwuno parewa ngkoroimiu ndi Ondae Ue Ala ka igagi parewa menteea.

ROMA 6:19

Kupauo mongkona andio a mpinewowolono mia hangano molemamiu. Hangano mengkena kana omiu impeweengakonomo luwuno parewa ngkoroimiu gagi atano mokoburua ka buuntoa anu wawa komiu a buuntoa, kanandiomo teweweumiu kanandio-andio asalakono impeweengakono parewano koroimiu gagi atano menteea anu wawa komiu a pompokomemporia.

ROMA 8:19

Hangano tedoa domengkekewoio luwuno anu tuwu mensikorio tempo domempinokomengkaa ana-Do Ue Ala.

ROMA 9:33

kana hinao teburi, ”Menteeano, Aku numaao i Sioni aasa watu tetengkua ka aasa watu tetidua, ka ba isema anu me'ala-ala Ira, nahi ta pinokoko'ii.”

1 KORINTI 15:31

Pepaekompo, sompo-sompo oleo kutepo'aroako matea. Hangano kupo'undeakomiu ndi Ondae i Kerisituu Yesu, Ueto, kupauo, nine mongkona andio mentee.

1 KORINTI 6:20

Hangano me'inoli komiumo ka olino lesoomo inowahi: Onaemo pu'uno ka impelangkaiako Ira Ue Ala koroimiu!

1 KORINTI 7:34

ka ba kanandio aroano tetia-tia. Beine anu nahina tamano ka luwuno ana beine dompo'asao aroado a mpo'ehe-Do i Ue, ka imempori koroido ka penaado. Sine baine anu hinao tamano mo'asao aroano a mpo'eheno wawontolino, ba kana'umpe ka ipokonsanaao tamano.

2 KORINTI 10:8

Tendeano, tewala laalo tedei kumawongkoakono pabawa, anu Dowee kami i Ue ka kimpowangu ka komba ka kimengkale-kale komiu, ka i larono mongkona atuu nahi aku mohawe mokoko'ii.

2 KORINTI 3:12

Hangano mpomperorohi anu kanandio, onaemo ka kimemosia mpepau,

2 KORINTI 4:10

Kimewawao mpiha mate-Do i Yesu a laro ngkoroimami, ka igagi mengkaa mbo'u tuwu-Do i Yesu a ngkoroimami.

2 KORINTI 5:15

Ka Ondae i Kerisituu mate Iramo tiado luwuno mia, ka ondae anu mentuwu, nahi domentuwu mbo'u tiano koroido ondaedo, sine tia-Do, anu mate Iramo ka winangu Iramo hangano ondae.

2 KORINTI 7:14

Kumawongkoakomiu ndi onae, ka komba impokoko'ii aku. Omami wela mpompau hapa anu mentee ndi omiu, kanandio koa mbo'u mawongkomami i arono i Titu mengkaaomo mentee.

2 KORINTI 7:4

Kupauo ntu'u a menteeano ndi omiu; sine tedoa mbo'u kupo'undeakomiu. A laro luwuno marasaiamami tetarero aku ntu'u ka tedoa aku ntu'u mo'unde.

PILIPI 1:14

Ka hadioano pepaekompo ndi Ondae i Ue mempine'ala-ala iramo hangano tinorungku aku ka dontetiangi memosia mpepau mongkona pau-Do Ue Ala ka nahi domedoito.

PILIPI 2:17

Sine maupo ka i'inuwu reaku a mpesomba ka pesomba pompe'ala-alamiu, mawongko aroaku ka mawongko aroaku saru omiu luwu.

KOLOSE 1:24

Kanandio-andio kupo'undeakono marasaiku hangano omiu, ka mokosompoo a ngkoroiku hapa anu makura a ntebobarasai-Do i Kerisituu, tiano koroi-Do, onaemo bawaa.

1 TESALONIKA 5:23

Po'ineeomo Ondae Ue Alano rodoa mokomempori komiu luwu ka po'ineeomo penaa, sumanga ka koroimiu sompo itepekaria saru nahina tataano a hawe-Do i Yesu Kerisituu, Ueto.

1 PETURU 4:16

Sine, tewala onae marasai gagi to Kerisituu, ka siimo imokoko'ii, tendeano moikoomo ipelangkai Ira Ue Ala a nee-Do i Kerisituu atuu.

1 YOHANE 2:28

Ka kanandio-andio, oo luwuno anaku impo'iamo tepo'asaako Ira i Kerisituu, ka tomemosia mpompe'ala-ala ba Dopepokomengkaa, ka siimo tontekoko'ii ndi Ondae a oleo hawea-Do.