Penani Maramba 7:4 - Wunta Mempori

⁴ We'umu kana menara tindu, matamu kana limbo i Hesiboni, umpeda Pewowa Langkai Batirabimi; engemu kana menara i Libano, anu me'aro i Damasi.

Penani Maramba 7:4 ပူးပေါင်းရင်းမြစ်များ

Tegagia 15:2

Sumangki i Burama, ”Oo Ue Ala, hapake anu Komiu weeakune? Aku mate nahina anaku, ka anu ta me'ueo rahaku onaemo i Eliese, to Damasi atuu.”

2 Samueli 8:6

Ka i'amba i Daudi numaa ira luwuno sorodadu mpodagai a witado to Arami i Damasi. To Arami mpetenunu ira ndi Daudi ka asalakono pompesombaako peki'ue. Ondae i Ue moweeakono poponangia ndi Daudi isuamo koa ilako.

1 Mokole 10:18

I mokole moweweu kadera poparentaa anu langkai inso a ntindu ka i'apiiakono wulaa motu'a.

1 Mokole 10:22

Hangano, a ntahi ondae mokole hadio kapalado, kapala Tarasisi anu mpebawaa saru luwuno kapalano i Hirami. Pohona i larono otolu nta'u, mehawe ira kapala Tarisisi mpowawa wulaa, salaka ka tindu, saru bange ka manu-manu mera.

1 Mokole 22:39

Anu susuano inso a nteweweuno i Ahabi ka luwuno anu wineweuno saru langkanae tindu gaja ka luwuno kota winanguno, kombake luwuno atuu teburi a wunta tutuluno mokole i Isaraeli.

1 Mokole 7:2

Onae mowangu raha langkai ”Wana Libano,” asa etu hiku ondauno, lima pulu hiku maluano ka tolu pulu hiku mantandeno, saru opaa dede karuno inso a ngkeu arasi ka luwuno sobo keu arasi i wawono karuno atuu.

1 Mokole 9:19

luwuno kota popumpuano kaanga i Salomo, luwuno kota po'iangano kareta, luwuno kota po'iangaado sorodadu mpengara, ka luwuno anu ineheno i Salomo wanguo i Yerusale, i torukuno Libano, ke a luwuno wita pinabawaino,

2 Tawarika 8:6

saru mbo'u Baalati ka luwuno kota ponaapano kaanga i Salomo, luwuno kota po'iangano kareta, luwuno kota po'iangado sorodadu mpengara ka luwuno anu ineheno wanguo i Salomo i Yerusale, i torukuno Libano, ke ia luwuno wita pinabawaino.

Po'unde-unde 144:12

Po'ineeomo nana'ote ntamato kana pinopaho anu tuwu mewalo tempono i mongura, ka nana'ote beineto kana luwuno karuno siuno, anu pina'o tiano langkanae winangu!

Po'unde-unde 45:8

Omue kumekewoio moleoa ka umo'aliaakono pinogau mosa'o; onaemo pu'uno Ondae Ue Ala, Ue Alamu, umariomo Do'urapiakomu lana po'unde lumaloi ira wali-wali pe'asa mpo'anggamu.

Penani Maramba 1:10

Tekosiomo kombisimu hangano peramba-ramba ka we'umu hangano enu-enu.

Penani Maramba 4:1

Omue tekosi ntu'u, pinehohawaku, tedoako tekosi! Kana marapati matamu i asambalino pesoumbumu. Wuumu kana bawaano bembe anu mpetuda-tuda mpetii inso a mentorukuno Gileadi.

Penani Maramba 4:4

We'umu kana menarano i Daudi, winangu ponaapa parewa mpetea. Asa nsowu kanta tendoe ndi onae luwuno kantado puu mpetea.

Penani Maramba 4:5

Kana orua anano rusa wua radamu, kana ana induano lagiwa anu tekonai mongkuri ewo i tonga-tongano sisi bonse.

Penani Maramba 6:5

Polimbaomo matamu inso ndi ongkue, hangano ongkue gagi bulalingo hangano onae. Wuumu kana bawaano bembe anu mpetuda-tuda mpetii inso i Gileadi.

Yesaya 54:4

Siimo doito, hangano nahi komohawe mokoko'ii, ka siimo mokoko'ii, hangano nahi kotinata. Hangano, omue kokumolupeo pontata tempono kontelaamu, ka nahi komewowoloo mbo'u mokoko'iia tuwu beinemu.

IBARANI 5:14

Sine kanga motea onaemo tiano mia sompoomo tinuwuno, anu hangano hinao ponto'ori moiko anu pande mosisinggeo anu moiko sekonopo anu mosa'o.