Penani Maramba 7:13 - Wunta Mempori

¹³ Wua dudaimi tewuha woono, ka umpeda pewowato hinao mperupa-rupa wua mo'ahi, anu da sarai maupo anu tehine, anu kunaakomumo, pinehohawaku!

Penani Maramba 7:13 ပူးပေါင်းရင်းမြစ်များ

Tegagia 30:14

I tempono konsowia gandu, i Rube lumako melempa-lempa, ka ihaweo wua dudaimi a mpada, ka i'amba wawao ndi Lea, ineno. Motae i Raheli ndi Lea, ”Poweeakune ba te'opia wua dudaimino anamu atuu.”

Penani Maramba 2:3

Kana keu apeli i olodo keu a ntobu, kanatuumo pinehohawaku i olodo mangalitau. Itotono inengoino aku mingki mentoro, wuano ipemo'ahio langiraku.

Penani Maramba 4:13

Luwuno tumbamu gagi lere keu delima saru wuano anu mo'ahi, bunga pasari ka narawasutu,

Penani Maramba 4:16

Pewangumo, hei angi utara, ka aiwamo, hei angi selata, pepuurimo a laro lereku, ka itewuhalako woono rampa-rampano! Po'ineeomo pinehohawaku aiwa i lereno ka kumaano luwuno wua anu mo'ahi.

Penani Maramba 6:11

A lere kenari kupetii kumita ira tumba i lembono, kumitao keu anggoro ba mensumbo ka keu delima mensisi.

Penani Maramba 8:1

O, ande-andeno omue pepaekompoku tama, anu mo'uo a wua radano ineku, aku woo-wooko ba kuhaweko i bungkuno, ka nahi ta hina mia tumetewehi aku!

Yesaya 23:18

Ura ka tambo pebelesuno ta mempori ndi Ondae i Ue, nahi ta inontoako ke ninaa, sine saru urano atuu ta pinatindaako kaanga anu sompo ka sangka anu tekosi tiado mia anu mpo'ia i aro-Do i Ue.

I MATIU 13:52

Onaemo ka Dopotae i Yesu ndi ondae, ”Onaemo pu'uno anu monto'ori Taura anu montarima pompaguru mongkona Poparentaa Suruga atuu pinotundaako kana umbu raha anu moluarako arataa anu wo'ohu ka anu laano inso a mponaapa arataano.”

I MATIU 25:40

Ka Mokole atuu ta sumangki ira: Kupauakomiu, menteeano luwuakoano anu wineweumiu tiano asa mia inso a mpepaekompo-Ku anu tedoa mongkokolaro andio, imeweweuomo ndi Ongkue.

I YOHANE 15:8

Kanandiomo Ondae Ama-Ku Dopinokomaramba, onaemo tewala mpewua komiu hadio ka ba kanandio omiu megagi ana guru-Ku.”

1 KORINTI 16:2

A oleo amba-ambano sompo-sompo minggu po'ineeomo omiu singge mia – menunu saru hapa anu hinawemiu – impompesusua hinawemiu ka imenaao i raha, ka si amba mpopumpu, ba hawe akumo.

1 KORINTI 2:9

Sine kana hinao teburi, ”Hapa anu nahi hori kumitao mata, ka nahi hori rumongeo biri, ka anu nahi hori me'umbaako i laro aroano mia: luwuno anu pinatinda-Do Ue Ala tiado anu mehohawa Ira.”

EPESU 5:9

Hangano mewine butu mewuaako moikoa ka moleoa ka menteea,

PILIPI 1:11

bukeako wuano menteea anu inangga-Do i Yesu Kerisituu mokomarambao ka umunde-unde Ira Ue Ala.

KOLOSE 3:17

Ka luwuakoano anu wineweumiu molalo pau ke mpoweweu, imeweweuomo luwuno atuu a nee-Do Ue Yesu, saru mpontarimakasi hangano Ondae ndi Ondae Ue Ala, Amato.

1 PETURU 4:11

Tewala hinao mia anu mepau, ka ipepaumo kana mia anu mohaweo pau-Do Ue Ala; tewala hinao mia anu mompekakaako, ka iweweuakonomo roso anu Doweeakono Ue Ala, ka Dopinokomaramba Ue Ala a luwuakoano hangano Ondae i Yesu Kerisituu. Ondaemo anu me'ueo marambaa ka pabawa ranta nahina tampulaano! Ami.