Penani Maramba 5:6 - Wunta Mempori

⁶ Pinehohawaku ku'ungkahiakono tondo, sine pinehohawaku mewoliliomo, lumako. Kana malimpu aku mansano moliu. Ku'ungkeo, sine nahi kuhaweo, kupoboio, sine nahi sangkio.

Penani Maramba 5:6 ပူးပေါင်းရင်းမြစ်များ

Tegagia 42:28

Ipotaeako ira pepaekompono, ”Doiku pinokule; kitao, kongko a laro kampiliku!” Mondendeomo aroado ka pada ira memambekita saru mpondidi-ndidi ka dompotae, ”Tembio andio ka Doweweuo Ue Ala ndi ontae?”

2 Samueli 16:10

Sine dopotae mokole, ”Hapake urusuaku saru omue, hei anano i Seruya? Po'ineeomo ipontotonaa! Hangano tewala Ondae i Ue mepau ndi onae: Totonaaomo i Daudi, isemake anu ta mesikeno: tembio kau poweweu kanatuu?”

Po'unde-unde 28:1

Inso ndi Daudi. Ndi Omiu, oo Ue, kupebooli, torukuno watuku, si po'inee aku, hangano, tewala Omiu komino mpiha ndi ongkue, gagi aku kana mia metii a laro ngkaburu.

Po'unde-unde 30:7

Tempono kumanangai hori aku motae, ”Nahi aku telelu ranta nahina tampulaano!”

Po'unde-unde 69:3

Tondu aku a laro epe anu ondalo, nahina petadaa; tedonta akumo a laro uwoi a laro uwoi anu ondalo, ka mansolono mowo molomo aku.

Po'unde-unde 77:3

A oleo masusaaku ku'ungke Ira i Ue; i tempono wongi kaeku tewero ka nahi gagi telusa, aroaku nahi behe tinarero.

Po'unde-unde 80:4

Oo Ue Ala, Ipokotompa kamimo, weweuomo rupa-Miu mewanta, ka kami ntekadudui.

Powadi 1:28

I tempo atuu ira mpebooli ndi ongkue, sine nahi aku sumangki, ira memokua me'ungke aku, sine nahi aku hinawe.

Penani Maramba 5:2

Ongkue moturi, sine aroaku mewangu. Rongeomo, pinehohawaku motingko-tingko. ”Ungkahiomo tondo, uai, pinehohawaku, marapatiku, rinorondoku, hangano uluku buke tontoru, ka wuuku buke te'itino tontoru wongi!”

Penani Maramba 5:4

Pinehohawaku winsoo kaeno telalo a bolono tondo, mondendeomo aroaku.

Penani Maramba 6:1

Isuamo ilako pinehohawamu, hei tekosi i olodo beine? Te'aro isuake ilako pinehohawamu, ka tome'ungkeo mperonga?

Yesaya 12:1

I tempo atuu komotae, ”Aku mo'unde ndi Omiu, oo Ue, hangano menteeano tekuda Komiumo ndi ongkue, tekuda-Miu moriniomo ka Itarero aku.

Yesaya 50:2

Tembio tempono Ku'aiwa nahina mia, ka tempono Kupepoboi nahina anu sumangki? Nde owowalahike kae-Ku mongkadudui ke nahinake roso-Ku mompotola? Menteeano, butu pau tekuda-Ku Kupokotu'io tahi, luwuno korono Kuweweuo gagi pada one; luwuno bou manaboo hangano nahina uwoi ka memate mokoranga.

Yesaya 57:16

Mentee ntu'u, komba ranta nahina tampulaano Aku teposangki, ka komba Aku tekuda mpiha, ka si molema rosodo i aro-Ku; Ongkuemo anu weweuo penaa tuwua

Yesaya 58:2

Oleo me'eu oleo dome'ungke Aku ka inehedo mento'orio luwuno sala-Ku. Kana tongku mpoweweu anu mentee ka anu nahi bintao songka-Do Ue Alano dompesikenoakono ndi Ongkue luwuno songka anu mentee, inehedo me'umpeda ndi Ondae Ue Ala, dompotae,

Yesaya 8:17

Ka aku sumikori Ira i Ue anu wunio rupa-Do te'aro a inuleno i Yako; aku momperorohi ndi Ondae.

Ponsabangi 3:8

Maupo kupebooli ka meraali mepetulungi, Dokominoakono pekakaiku.

Hosea 5:15

Aku lumako, mekule a mpo'ianga-Ku, ranta ka domemangaku saala ka umungkeo rupa-Ku. A laro masukaraado ira mengkekewoi Aku:

Hosea 5:6

Saru asa bawaa bembe bimba ka sapi pesomba, domelako umungke Ira i Ue, sine nahi dohawe Ira; Dobinta iramo.

Sakaria 7:13

”Mengkena kana nahi domperorongeakono tempono domempinoboi, kanatuumo mbo'u Ongkue nahi Kuperorongeakono i tempono dompepoboi, pau-Do Ueno luwuakoano.

I MATIU 26:75

Onaemo ka irambeo i Peturu hapa anu pinau-Do i Yesu ndi onae, ”Napi kumokoroido manu, pentolumo uhapu Aku.” Ka i'amba lumako i bungkuno ka ipengese mompemasusa.

I MARAKUSU 14:72

Ka i tempo atuu kumokoroidoomo manu anu kompenduano. Ka ipasimpewowoloomo i Peturu, nine Dopauakonomo i Yesu, ”Napi kokoroido manu kompenduano, pentolumo uhapu Aku.” Ka i'amba mengeseomo sensedu.

MENGKAAA 3:19

Ba isema Kupehohawao, Kukuahakono ka Kusepio; onaemo pu'uno peweengakonomo aroamu ka tepidimo!

1 Samueli 28:6

Ka i'amba i Saulu mo'ema pontiso ndi Ondae i Ue, sine nahi Dosangkio i Ue, maupo a mo'ipi, telalo a Urimi, ke a luwudo nabi.