Penani Maramba 5:2 - Wunta Mempori

² Ongkue moturi, sine aroaku mewangu. Rongeomo, pinehohawaku motingko-tingko. ”Ungkahiomo tondo, uai, pinehohawaku, marapatiku, rinorondoku, hangano uluku buke tontoru, ka wuuku buke te'itino tontoru wongi!”

Penani Maramba 5:2 ပူးပေါင်းရင်းမြစ်များ

Tegagia 29:20

Ka i'amba i Yako mo'angga i larono opitu nta'u ka iwineeako i Raheli. Sine, tempo opitu nta'u atuu ituduo kana ba opia oleo koa hangano tedonta aroano ndi Raheli.

Po'unde-unde 119:1

Me'uraomo mia anu tuwuno nahina tataano, anu tuwu montonda Taura-Do i Ue.

Po'unde-unde 81:10

’Si hina i olomu pinesombai susua, ka si pesomba a mpinesombai susua.

Powadi 23:26

Hei anaku, weeakunemo aroamu, po'ineeomo matamu sanaakono luwuno pesalaaku.

Penani Maramba 1:16

Omue tedoa montama, pinehohawaku, tedoa mompadii aroa; morini ntu'u poturiato.

Penani Maramba 2:10

Pinehohawaku mompu'u mepau ndi ongkue, ”Pewangumo pinehohawaku, pinetekosiku, aiwamo!

Penani Maramba 2:14

Marapatiku i olo-olono watu a mpewunia i laano torukuno, popokitaomo rupamu, poporongeomo suaramu! Molino ntu'u suaramu ka tekosi rupamu!”

Penani Maramba 2:8

Rongeomo! Pinehohawaku! Kitaomo, onae hawe, melonso-lonso a wawo ntorukuno, melonso-lonso a wawo pongku.

Penani Maramba 3:1

A wawo dasaku tempono wongi ku'ungkeo huleno aroaku. Ku'ungkeo, sine nahi kuhaweo.

Penani Maramba 4:7

Omue tekosi ntu'u, pinehohawaku, nahina tataamu.

Penani Maramba 4:9

Omue mokompondendeo aroaku, uai, umbungkoroiku, omue mokompondendeo aroa asa mpiro mata, saru asa ntii oluti ramba-rambano we'umu.

Penani Maramba 5:11

Kana wulaa, wulaa mpena, uluno, wuuno nahi moleo, mo'ito kana paa-paa.

Penani Maramba 5:6

Pinehohawaku ku'ungkahiakono tondo, sine pinehohawaku mewoliliomo, lumako. Kana malimpu aku mansano moliu. Ku'ungkeo, sine nahi kuhaweo, kupoboio, sine nahi sangkio.

Penani Maramba 6:9

Sine onaemo asa-asano marapatiku, linolaroku, asa-asano anano ineno, ana mpinehohawano anu me'anaakono. Domengkitao ana beine ka mpotaeakono me'ura, luwuno kombiado mokole ka luwuno samburue me'unde-undeo.

Penani Maramba 7:9

Paumu mo'ahi kana anggoro!” Oo, anggoro atuu waa tetutu a mpinehohawaku mewaa ntededei a wiwido mia tekonai mpoturi!

Penani Maramba 8:7

Uwoi anu hadio nahi pokompepateo pompehohawa, luwuno korono nahi polio molomoo. Maupo ipeweengakono mia luwuno arataa a rahano tiano pompehohawa, onae ta kongko tinetewehi.

Yesaya 50:6

Kupeweengakono bungkuku a mia anu mentunduhi aku, ka kombisiku a mia anu mebutao danggoku. Nahi kuwunio rupaku tempono kutinata ka inonui.

Yesaya 52:14

Kana'umpe hadio mia ira ntededengke mengkitao – tedoa mosa'o rupano, komba kana mia mbo'u, ka tadeno komba kana mia mbo'u –

Danieli 8:18

Kontongaano mepau saru ongkue, tebangku akumo tepo'opo a wita te'onto penaa. Ka i'amba tumengku aku ka weweu aku wali mentade.

Sakaria 4:1

Mala'eka anu mepau saru ongkue atuu wali hawe, wangu aku kana asa mia anu winangu inso a mpoturino.

I MATIU 7:8

Hangano sompo mia anu mo'ema, montarima ka sompo mia anu mo'ungke, mohawe ka sompo mia anu metingko-tingko, inungkahiako tondo.

I MATIU 8:17

Igagi mongkona atuu ka i'inihii pau anu pinohaweno Nabi Yesaya, ”Ondaemo anu tumembio molemato ka hakito.”

I MARAKUSU 1:35

Mo'o-mo'oru ntu'u, da wongi-wongi, mewangu Ira ka Dolako i bungkuno. Lumako Ira a mpo'ianga boni-boni ka Dopekakai i ra'ai.

I LUKASI 22:44

Tedoa Ira doito ka komoro-morosono Dopekakai. Ko'iso-Do kana iti-itino rea anu nte'i'iti a wita.

I LUKASI 6:12

I tempo atuu lumako Iramo i Yesu a pongku ka Dopekakai ka asa wongi atuu Dopekakai ndi Ondae Ue Ala.

I LUKASI 9:32

Tempo atuu i Peturu ka wali-walino ntekoturi iramo ka mansado ntelike domengkita Ira i Yesu a laro maramba-Do: ka orua mia anu mentade umpeda ndi Ondae atuu.

I YOHANE 10:4

Tewala iluarako iramo luwu bimbano, onae melempa i arodo ka bimba atuudo mentondao, hangano domento'orio suarano.

GALATIA 2:20

maupo kanatuu tuwu aku, sine komba da ongkueku mbo'u anu tuwu, tendeano Ondae i Kerisituu anu tuwu i laroku. Ka tuwuku anu kutuwuako a ngkoroiku kanandio-andio, onaemo tuwu hangano pompe'ala-ala ndi Ondae Ana-Do Ue Ala anu mehohawa akumo ka meweengakono koroi-Do hangano ongkue.

EPESU 5:14

Onaemo pu'uno ka ipinau, ”Impewangumo, hei omiu anu mpoturi ka impewangumo inso i olodo mia mate ka Ondae i Kerisituu Ira wantahi komiu.”

MENGKAAA 14:4

Ondaemo mia anu nahi domengkokoburutiakono beine koroido, hangano memempori ira kana ana beine moondo. Ondaemo mia anu mentonda Ira i Ana Bimba atuu ba isuamo koa Dolako. Ondae mentinolosi inso i olodo mia kana pesomba amba-ambano tia-Do Ue Ala ka tia-Do i Ana Bimba atuu.

MENGKAAA 3:20

Kitao, mentade Aku i arono pewowa ka metingko-tingko; tewala hinao mia anu rumongeo suara-Ku ka umungkahia-Kune pewowa, Aku koa mewinso tepohaweakono ka Aku mongkaa meronga saru onae, ka onae meronga saru Ongkue.

MENGKAAA 3:4

Sine i Saradisi hinao ba opia mia anu nahi domeregeio sangkado; ondae ira mpelempa saru Ongkue mpesangka mopute, hangano pototodo kanatuu.