Penani Maramba 5:16 - Wunta Mempori

¹⁶ Luwuno pauno moiko luwu, luwuakoano ndi onae tekosi. Kanatuumo pinehohawaku, kanatuumo waliku, hei ana beine i Yerusale.

Penani Maramba 5:16 ပူးပေါင်းရင်းမြစ်များ

2 Samueli 1:23

I Saulu ka i Yonata anu pinehohawa, ka pinesanaa, a ntumuwu ka matedo nahi teponsia. Magasi irapo sekono rajawali, moroso irapo sekono singa.

Po'unde-unde 119:103

Mo'ahi ntu'u dandi-Miu atuu a eloku, mo'ahiopo sekono siu hoani a ngangaku.

Po'unde-unde 148:13

Po'ineeomo luwuno me'unde-undeo nee-Do i Ue, hangano butu nee-Do anu maramba, maramba-Do lumaloio tolino ka langi.

Po'unde-unde 19:10

Doitoako Ira i Ue atuu mempori, hinao mpiha ranta nahina tampulaano; luwuno songka-Do i Ue atuu mentee, luwuno moleo,

Po'unde-unde 45:2

Aroaku luluaako luwuno pau tekosi, aku mohaweo powadiku ndi mokole; eloku kana penano asa mia puu mpoburi anu pande ntu'u.

Po'unde-unde 89:6

Po'ineeomo langi ka ipaleleo luwuno pabawa-Miu, oo Ue, ka petenunu-Miu a laro tepumpuado anu mempori.

Penani Maramba 1:16

Omue tedoa montama, pinehohawaku, tedoa mompadii aroa; morini ntu'u poturiato.

Penani Maramba 1:2

Po'ineeomo ka iwoo-wooakune wiwino, hangano pompehohawamu mo'ahiopo sekono anggoro.

Penani Maramba 1:5

Ongkue lano mo'ito, sine tekosi, hei ana beine i Yerusale, kana luwuno kemado to Kedari, kana luwuno sawu pelingono i Solema.

Penani Maramba 2:1

Ongkue bunga rosi inso i Saroni, sisi bonse i lembo-lembono.

Penani Maramba 2:16

Ongkuemo me'ueo pinehohawaku, ka ongkue onae me'ueo anu mompakambi bimba i tonga-tongano sisi bonse.

Penani Maramba 2:3

Kana keu apeli i olodo keu a ntobu, kanatuumo pinehohawaku i olodo mangalitau. Itotono inengoino aku mingki mentoro, wuano ipemo'ahio langiraku.

Penani Maramba 4:3

Kana asa beri pita kirimisi wiwimu, ka tekosino ngangamu. Kombisimu kana bansino wua delima i asambalino soumbumu.

Penani Maramba 6:3

Ongkuemo me'ueo pinehohawaku, ka ongkue onae me'ueo, anu mompakambi bimba a ntonga-tongano sisi bonse.

Penani Maramba 7:9

Paumu mo'ahi kana anggoro!” Oo, anggoro atuu waa tetutu a mpinehohawaku mewaa ntededei a wiwido mia tekonai mpoturi!

Yeremia 15:16

Mansano hinawe luwuno pau-Miu, kumawongkoakono. Pau-Miu atuu gagi ineheku, ka mawongkono aroaku, hangano ongkue wawao nee-Miu, oo Ue, Ue Alano luwuakoano.

Yeremia 3:20

Kahinaano, kana asa beine anu nahi petenunu a ntamano, kanatuu koa mbo'u omiu nahi mpetenunu ndi Ongkue, hei suku Isaraeli, kanandiomo pau-Do i Ue.

Hosea 3:1

Mepau Iramo i Ue ndi ongkue, ”Lakomo mbo'u, pekokonoomo beine anu hinao pinehohawano ka ineheno monsosabo, kana mbo'u Ondae i Ue mehohawa ira to Isaraeli, maupo dompewolili a luwuno pinesombai susua ka ineheno kukisi kisimisi pesomba kaanga.”

GALATIA 2:20

maupo kanatuu tuwu aku, sine komba da ongkueku mbo'u anu tuwu, tendeano Ondae i Kerisituu anu tuwu i laroku. Ka tuwuku anu kutuwuako a ngkoroiku kanandio-andio, onaemo tuwu hangano pompe'ala-ala ndi Ondae Ana-Do Ue Ala anu mehohawa akumo ka meweengakono koroi-Do hangano ongkue.

PILIPI 3:8

Tendeano luwuakoano kutuduo rugi, hangano ponto'ori mongkona Ondae i Kerisituu Yesu, Ueku, marambaopo sekono luwuno. Hangano koa Ondae kupotolaomo luwuno atuu ka tumuduo rompo, ka kuhawe Ira koa i Kerisituu,

YAKOBU 2:23

Hangano mesala kanandio inihiiomo pauno Wunta Mempori anu motae, ”Ka i'amba mompe'ala-alaomo i Burahima ndi Ondae Ue Ala, ka Ondae Ue Ala mototoiakono mongkona atuu gagi menteea.” Onaemo pu'uno i Burahima ka inineeako, ”Sambe'e-Do Ue Ala.”

YAKOBU 4:4

Hei omiu, mia anu nahi mpetenunu! Nahi imento'orioke, nine pesambe'ea saru wawontolino onaemo pe'iwalia saru Ondae Ue Ala? Gaagi ba isema mingki gagi sambe'eno wawontolino andio, ipokogagio koroino iwali-Do Ue Ala.