Penani Maramba 5:1 - Wunta Mempori

¹ Aiwa aku a lereku, uai, umbungkoroiku, kupumpuo mire ka rampa-rampaku, kukaano inenano hoani ka siu hoaniku, ku'inuo anggoroku ka susuku. Impongkaamo, wali-waliku, impo'inumo, impo'inumo ranta molanguako pompehohawa!

Penani Maramba 5:1 ပူးပေါင်းရင်းမြစ်များ

Tegagia 37:25

Ka do'amba mpentoro ira mpongkaa. Tempono dompengkita ngkoraane, domengkita iramo puu mpebalu-balu to Sumaila anu me'aiwa inso i Gileadi. Luwuno untado mpowawa hulu, balasee, ka hulu ladana. Ondae tekonai a laro mpelempaa mewawao luwuno sangka atuu i Masiri.

Po'unde-unde 147:11

Ondae i Ue memoikoo mia anu doitoako Ira, a mia anu momperorohi a pompehohawa-Do.

Po'unde-unde 16:3

Luwuno mia mempori anu kongko i wita andio, ondaemo mia mempinelangkai anu wela gagi ku'ineheakono.

Powadi 24:13

Anaku, kaanomo siu hoani, hangano onae atuu moiko; ka te'itino siu hoani atuu mo'ahino langirano ngangamu.

Powadi 9:5

”Aiwamo, pongkaamo rotiku, ka inuomo anggoro anu kusaloomo;

Puu Pontutulu 2:5

kuweweuo luwuno lereku ka bonde po'ianga mesana-sanaa, saru mompahoakono mperupa-rupa keuno wua ngkeu;

Penani Maramba 1:13

Ndi ongkue pinehohawaku kana asa ntongo mire, te'asipako i olono wua radaku,

Penani Maramba 4:16

Pewangumo, hei angi utara, ka aiwamo, hei angi selata, pepuurimo a laro lereku, ka itewuhalako woono rampa-rampano! Po'ineeomo pinehohawaku aiwa i lereno ka kumaano luwuno wua anu mo'ahi.

Penani Maramba 4:8

Aiwamo ndi ongkue inso a ntorukuno Libano, umbungkoroiku, aiwamo ndi ongkue inso i torukuno Libano, petiimo inso a punsuno Amana, inso a punsuno Seniri, punsuno Heremoni, inso a aado singa, inso a mentorukuno po'iangado santiwali!

Penani Maramba 6:11

A lere kenari kupetii kumita ira tumba i lembono, kumitao keu anggoro ba mensumbo ka keu delima mensisi.

Penani Maramba 6:2

Pinehohawaku metiiomo a lereno, a maluano lere rampa-rampa ta mompakambi bimba a lere ka mo'opu sisi bonse.

Penani Maramba 8:1

O, ande-andeno omue pepaekompoku tama, anu mo'uo a wua radano ineku, aku woo-wooko ba kuhaweko i bungkuno, ka nahi ta hina mia tumetewehi aku!

Penani Maramba 8:13

Hei, omue anu mo'ia i lere, wali-wali mpekokoongakono suaramu, poporongeomo atuu ndi ongkue!

Yesaya 23:18

Ura ka tambo pebelesuno ta mempori ndi Ondae i Ue, nahi ta inontoako ke ninaa, sine saru urano atuu ta pinatindaako kaanga anu sompo ka sangka anu tekosi tiado mia anu mpo'ia i aro-Do i Ue.

Yesaya 5:1

Aku menaniako penani mongkona pinehohawaku, penanino pinehohawaku mongkona lere anggorono: Pinehohawaku hinao lere anggorono a laano pongku anu mewalo.

Yesaya 51:3

Hangano Ondae i Ue tumareroo Sioni, tumareroo luwuno tehoano; Ondae weweuo pada oneno kana i Paradesi ka pada maluano kana lere-Do i Ue. I tu'ai hinawe mawongkoa ka po'undea, penani po'unde-unde ka unino penani anu meroku.

Yesaya 53:11

Umarino masusano sumangano ta kumitao mewine ka gagi teende aroano; hangano ponto'orino, tetenaa-Ku, mia mentee atuu, ta mompokomentee hadio mia ka mosa'odo itembio.

Yesaya 58:11

Ondae i Ue Ira tumaateko mpiha ka mokosompoo kirenemu a wita anu morungku, ka mokowo'ohuo rosomu. Omue ta kana lere anu inuwoi moiko ka kana mata uwoi anu nahi hori mompatambo.

Yesaya 61:11

Hangano, kana tolino moluarako pinopaho, ka kana lere motuwuo inii anu rinawo, kanatuumo Ondae Ue Ala Ira motuwuo menteea ka po'unde-unde i arodo luwuno tongku.

Yesaya 65:13

Onaemo pu'uno, kanandiomo pau-Do Ue Ala, ”Menteeano, luwuno tetenaa-Ku ira mpongkaa, sine omiu komiu memarasai mokoninggo. Menteeano, luwuno tetenaa-Ku ira mpo'inu sine omiu komiu memarasai mokoranga. Menteeano, luwuno tetenaa-Ku ira memawongko, sine omiu komiu mpohawe mokoko'ii.

Yesaya 66:14

Tempono imengkitao, aroamiu ta mawongko, ka komiu kana ewo anu tuwu mewalo; ka kae-Do i Ue ta mengkaa a luwuno tetenaa-Do, ka tekuda-Do a luwuno iwali-Do.

I MATIU 25:40

Ka Mokole atuu ta sumangki ira: Kupauakomiu, menteeano luwuakoano anu wineweumiu tiano asa mia inso a mpepaekompo-Ku anu tedoa mongkokolaro andio, imeweweuomo ndi Ongkue.

I LUKASI 12:4

Kupauakomiu, hei luwuno sambe'e-Ku, si medoitoako ira anu polio mompepate koroi ka umarino atuu nahi polio mbo'u moweweu hapa-hapa.

I YOHANE 3:29

Anu me'umbuo umbu ngkoroi beine, onaemo umbu ngkoroi tama; sine sambe'eno umbu ngkoroi tama, anu mentade i horino ka anu merorongeakono, tedoa mawongko aroano rumongeo suarano umbu ngkoroi tama atuu. Onaemo mokomawongkoo aroaku, ka kanandio-andio mawongkoomo ntu'u aroaku.

WINEWEUDO TINENA 11:29

Ka do'amba ana guru memputusio ira mpopumpu pontulungi, menunu saru pompolino singge mia ka dome'oliwiako ira pepaekompo anu mpo'ia i Yudea.

EPESU 5:18

Ka si memolanguako anggoro, hangano anggoro mompokohina po'eheno koroi, sine po'ineeomo ka imebukeako Penaa,

MENGKAAA 22:17

Penaa ka umbu ngkoroi beine atuu motae, ”Aiwamo!” Ka ba isema anu rumongeo, ka ipotaemo, ”Aiwamo!” Ka ba isema anu mokoranga, ka i'aiwamo, ka ba isema anu behe, ka i'alaomo mpena uwoi tuwua!

Puu Mpobitara 14:11

Itempono domengkitao i Simeso, domebiniki iramo tolu pulu mia anu mokowalio.

Puu Mpobitara 14:20

Beineno i Simeso pineweengako ia walino anu hori tumondao.