Penani Maramba 2:8 - Wunta Mempori

⁸ Rongeomo! Pinehohawaku! Kitaomo, onae hawe, melonso-lonso a wawo ntorukuno, melonso-lonso a wawo pongku.

Penani Maramba 2:8 ပူးပေါင်းရင်းမြစ်များ

2 Samueli 6:16

Tempono Burua-Do i Ue mewinso i kota Daudi, i Mikali ana beineno i Saulu, mentango inso a mpentangoa ka ikitao Mokole Daudi melonso-lonso, ka melense-lense i aro-Do i Ue. Onaemo pu'uno ipokongkodeio i Daudi i laro aroano.

Penani Maramba 2:17

Se'eluno napi pepuuri angi ngkiniwia ka eo-eo moliu, pekulemo, pinehohawaku, gagimo kana lagiwa, ke kana anano rusa a wawo ntorukuno pinopaho rampa-rampa!

Penani Maramba 4:16

Pewangumo, hei angi utara, ka aiwamo, hei angi selata, pepuurimo a laro lereku, ka itewuhalako woono rampa-rampano! Po'ineeomo pinehohawaku aiwa i lereno ka kumaano luwuno wua anu mo'ahi.

Penani Maramba 5:2

Ongkue moturi, sine aroaku mewangu. Rongeomo, pinehohawaku motingko-tingko. ”Ungkahiomo tondo, uai, pinehohawaku, marapatiku, rinorondoku, hangano uluku buke tontoru, ka wuuku buke te'itino tontoru wongi!”

Yesaya 35:6

I tempo atuu mia pungku ta melonso-lonso kana rusa ka ngangano mia bebe ta kokora-kora; hangano mata uwoi mesumpiri i pada one, ka korono a mpada malua.

Yesaya 44:23

Kokora-koraomo mawongko, hei langi, hangano moweweu Iramo i Ue, Kokora-koramo, hei pe'anakaano tolino! Kokora-koramo po'unde, hei luwuno torukuno, hei tobu ka luwuno keu i larono! Hangano i Yako Dotolosiomo i Ue, ka mopokitao maramba-Do i Isaraeli.

Yesaya 52:7

Tekosi ntu'u iwawono luwuno pongku pelela-lelano mia anu mowawa lele, anu mompalele lele rodoa ka paleleo lele moiko, anu paleleo lele tekadudui ka motae ndi Sioni, ”Ondae Ue Alamu moparenta gagi mokole!”

Yeremia 48:27

Kombake hieno Isaraeli gagi mia tinawa ndi omiu? Nde hinawe i olodo mia mponakoke onae, onaemo ka ubitu-bitu ulu, sompo upepau mongkona onae?

I LUKASI 6:23

Impo'undemo i tempo atuu ka imemawongkomo, hangano menteeano, tambomiu langkai i suruga; hangano kanatuu koa mbo'u uempu'udo doweweu ira nabi.

I YOHANE 10:27

Luwuno bimba-Ku domperorongeakono suara-Ku ka Kuto'ori ira ka domentonda Aku,

I YOHANE 3:29

Anu me'umbuo umbu ngkoroi beine, onaemo umbu ngkoroi tama; sine sambe'eno umbu ngkoroi tama, anu mentade i horino ka anu merorongeakono, tedoa mawongko aroano rumongeo suarano umbu ngkoroi tama atuu. Onaemo mokomawongkoo aroaku, ka kanandio-andio mawongkoomo ntu'u aroaku.

WINEWEUDO TINENA 14:10

Ka i'amba i Paulu mepau meroku, ”Pentademo temoleo!” Ka mia atuu melonso ka ipentade, ka i'amba melempa ngkoraane ngkoramai.

WINEWEUDO TINENA 3:8

Melonsoomo ka ipentade ka i'amba melempa ngkoraane ngkoramai ka itonda ira mewinso a Raha-Do Ue Ala, melempa ka ipelonso-lonso saru umunde-unde Ira Ue Ala.

MENGKAAA 3:20

Kitao, mentade Aku i arono pewowa ka metingko-tingko; tewala hinao mia anu rumongeo suara-Ku ka umungkahia-Kune pewowa, Aku koa mewinso tepohaweakono ka Aku mongkaa meronga saru onae, ka onae meronga saru Ongkue.