Penani Maramba 1:7 - Wunta Mempori

⁷ Tutuluakunemo, tedontaano aroaku, isua aka upompakambi bimba, isua aka upo'inee ira bimba mpepombole tempono ngkiniwia. Tembio ongkue asalakono mesoumbu umpeda a bawaano bimbado wali-walimu?

Penani Maramba 1:7 ပူးပေါင်းရင်းမြစ်များ

Tegagia 37:16

Isangkio, ”Ku'ungke ira pepaekompoku. Tulungi aku pauakune isua dopompakambi asa bawaa bembe bimba?”

Po'unde-unde 116:1

Aku mehohawa Ira i Ue, hangano Dorongeo pebooliku ka po'emaku.

Po'unde-unde 18:1

Tiano petewawado anu mpenani. Inso a ntetenaa-Do i Ue, onaemo i Daudi anu mohaweo pauno penani andio ndi Ondae i Ue, umarino Dopotolao i Ue inso a pokungkudo luwuno iwalino ka inso a ngkaeno i Saulu.

Po'unde-unde 28:1

Inso ndi Daudi. Ndi Omiu, oo Ue, kupebooli, torukuno watuku, si po'inee aku, hangano, tewala Omiu komino mpiha ndi ongkue, gagi aku kana mia metii a laro ngkaburu.

Po'unde-unde 80:1

Tiano petewawa mpenani. Montonda nanino Sisi bonse. Pesakosiino i sapi. Penani po'unde-unde.

Penani Maramba 2:16

Ongkuemo me'ueo pinehohawaku, ka ongkue onae me'ueo anu mompakambi bimba i tonga-tongano sisi bonse.

Penani Maramba 2:3

Kana keu apeli i olodo keu a ntobu, kanatuumo pinehohawaku i olodo mangalitau. Itotono inengoino aku mingki mentoro, wuano ipemo'ahio langiraku.

Penani Maramba 5:10

Mopute morina ka motaha mewanta pinehohawaku, tekongkaa i olodo asa lakasaa mia.

Penani Maramba 5:16

Luwuno pauno moiko luwu, luwuakoano ndi onae tekosi. Kanatuumo pinehohawaku, kanatuumo waliku, hei ana beine i Yerusale.

Penani Maramba 5:8

Ku'emao ntu'u, ana beine i Yerusale: tewala imehaweo pinehohawaku, hapake komiu mpotae ndi onae? Imempauakono, nine ongkue mahaki tekewoi!

Penani Maramba 6:2

Pinehohawaku metiiomo a lereno, a maluano lere rampa-rampa ta mompakambi bimba a lere ka mo'opu sisi bonse.

Penani Maramba 6:3

Ongkuemo me'ueo pinehohawaku, ka ongkue onae me'ueo, anu mompakambi bimba a ntonga-tongano sisi bonse.

Penani Maramba 8:13

Hei, omue anu mo'ia i lere, wali-wali mpekokoongakono suaramu, poporongeomo atuu ndi ongkue!

Yesaya 13:20

Onae nahi ta hori mbo'u pino'iangario, nahi ta pino'iangari mbo'u hawe a luwuno inule; to Ara nahi ira mpekema i ra'ai, puu mpopakambi nahi ira mpowawa pinotuwudo mpepombole i ra'ai.

Yesaya 26:9

Sumangaku tekewoi ndi Omiu i tempono wongi, oo, i tempono mo'oru aroaku umungke Komiumo; hangano tewala hawe Komiu bitarao tolino, palilino wawontolino ira mpepaguru hapa anu mentee.

Yesaya 40:11

Kana asa mia puu pompakambi Dopakambi ira bawaano pinotuwu-Do ka Dopumpuako ira kae-Do; ana bimba Do'awi ira, ineno bimba Dotaate ira.

Yesaya 5:1

Aku menaniako penani mongkona pinehohawaku, penanino pinehohawaku mongkona lere anggorono: Pinehohawaku hinao lere anggorono a laano pongku anu mewalo.

Yeremia 33:12

Kanandiomo pau-Do Ueno luwuakoano: a mpo'ianga andio, anu gagiomo terawo-rawo, nahina mia ke pinotuwu, ka a luwuno kotano ta hina mbo'u tongampada tiado puu mpopakambi anu mpombole ira bawaano bembe bimbado i tu'ai.

Mika 5:4

Onae ta gagi rodoa. Tewala to Asuri mpewinso a witato ka mpewinsokio luwuno benteto, kita mpontiso opitu puu mpopakambi umewaio, maupo oalu petewawado palili.

I MATIU 10:37

Ba isema mehohawao ama ke ineno laluaopo sekono ndi Ongkue, nahi pototono ndi Ongkue; ka ba'isema mehohawao anano tama ke beine laluaopo sekono Ongkue, nahi pototono ndi Ongkue.

I YOHANE 10:11

Ongkuemo Puu Pompakambi anu moiko. Puu Pompakambi anu moiko meweengakono penaano tiado luwuno bimbano;

I YOHANE 21:17

Dopotaeakono i Yesu anu kopentoluno, ”Simo, anano i Yohane, nde upehohawa Aku koake?” Masusaomo aroano i Peturu hangano pentolumo Dopotaeakono i Yesu, ”Nde upehohawa Aku koake?” Ka ipotaeako Ira, ”Ue, Ito'orio luwuakoano, Ito'orio, nine kupehohawa Komiu.” Dopotaeakono i Yesu, ”Pakambi iramo bimba-Ku.

1 PETURU 1:8

Maupo napi hori mengkita Ira, sine impehohawa Ira. Impe'ala-ala Ira, maupo nahi imengkita Ira kanandio-andio. Memawongko komiu hangano po'unde anu maramba ka anu nahi pinokopau,

1 PETURU 2:7

Onaemo pu'uno ndi omiu, anu mpompe'ala-ala, onae masuli olino, sine ndi ondae anu nahi dompompe'ala-ala, ”Watu anu domentadiomo mia mperaha, gagiomo watu siuno, gagiomo mbo'u watu tedanggia ka aasa watu tetidua.”

1 YOHANE 2:19

Lano ondae mente'inso i oloto, sine komba inso ntu'u i aroado ntewinso ndi ontae; hangano tewala inso ntu'u i aroado ntewinso ndi ontae, asalakono ira koa mperonga-ronga mpiha saru ontae. Sine ka igagi mongkona atuu, ka igagi mengkaa, nine komba luwudo inso ntu'u i aroado ntewinso ndi ontae.

MENGKAAA 7:17

Hangano Ana Bimba anu i tonga-tongano kadera poparentaa atuu, ta pakambi ira ka ta tumaate ira a mata uwoi tuwua. Ka Ondae Ue Ala Ira pahihio luwuno uwoi mata inso a matado.”

Ruti 2:21

Motaeomo i Ruti to Moabi atuu, ”Ipotaeakune mbo'u: Kongkomo rumangkuhi ira mia anu mpo'anggaakune, ranta ka i umari konsowia ia lereku.”