Penani Maramba 1:5 - Wunta Mempori

⁵ Ongkue lano mo'ito, sine tekosi, hei ana beine i Yerusale, kana luwuno kemado to Kedari, kana luwuno sawu pelingono i Solema.

Penani Maramba 1:5 ပူးပေါင်းရင်းမြစ်များ

Po'unde-unde 120:5

Masola akumo, hangano asalakono mo'ia kana mia hawe i Meseki, hangano asalakono mo'ia mpiha i olodo luwuno kemado to Kedari!

Po'unde-unde 149:4

Hangano Ondae i Ue memoiko ira bawaa-Do, mia anu me'urumako Doramba-ramba uluakono tekaduduia.

Po'unde-unde 45:9

Luwuno sangkamu mana mire, gaharu, ka sendana; inso a langkanae tindu pemaeno katapi mokonsanaako;

Po'unde-unde 90:17

Po'ineeomo pe'aroa-Do i Ue, Ue Alamami, metii ndi omami, ka Ipokorosoomo wineweuno kaemami, oo, pokomorosoomo wineweuno kaemami!

Penani Maramba 2:14

Marapatiku i olo-olono watu a mpewunia i laano torukuno, popokitaomo rupamu, poporongeomo suaramu! Molino ntu'u suaramu ka tekosi rupamu!”

Penani Maramba 2:7

Ku'emao ntu'u, luwuno ana beine i Yerusale, hangano lagiwa ke rusa waino anu mo'ila: si mpokontesingkao ka mpokontensilao pompehohawa se'eluno napi ineheno!

Penani Maramba 3:10

Luwuno karuno wineweu inso a nsalaka, pehondaano inso a wulaa, pentoroano mewungo, i larono domeramba-rambaakono pompehohawa luwuno ana beine i Yerusale,

Penani Maramba 3:5

Ku'emao ntu'u, luwuno ana beine i Yerusale, hangano luwuno lagiwa ke hangano luwuno rusa waino anu mo'ila: si mpokontesingkao ka meleluo pompehohawa se'eluno napi ineheno!

Penani Maramba 4:3

Kana asa beri pita kirimisi wiwimu, ka tekosino ngangamu. Kombisimu kana bansino wua delima i asambalino soumbumu.

Penani Maramba 5:16

Luwuno pauno moiko luwu, luwuakoano ndi onae tekosi. Kanatuumo pinehohawaku, kanatuumo waliku, hei ana beine i Yerusale.

Penani Maramba 5:8

Ku'emao ntu'u, ana beine i Yerusale: tewala imehaweo pinehohawaku, hapake komiu mpotae ndi onae? Imempauakono, nine ongkue mahaki tekewoi!

Penani Maramba 6:4

Omue tekosi, pinehohawaku, kana kota Tiresa, tekosi kana Yerusale, mongkokongiri kana sorodadu saru banderano.

Penani Maramba 8:4

Ku'emao ka impedandi, luwuno ana beine i Yerusale, tembio ka impokotesingkao ka mpokontensilao pompehohawa napi tempono ineheno?

Yesaya 21:16

Hangano kanandiomo pau-Do i Ue ndi ongkue, ”I larono tempo asa nta'u mbo'u, mengkena kana luwuno oleodo sorodadu mentinambo, luwuno marambano Kedari ta pingko.

Yesaya 53:2

Kana tumba onae tuwu i aro-Do i Ue ka kana haka inso a wita motu'i. Onae nahi montama ke tengkita maramba ba ikinita, ka nahina a rupano anu weweu kita ineheakono.

Yesaya 60:7

Luwuno bembe bimbano i Kedari ta tepumpu ndi omue, luwuno bimba lakinono i Nebayoti ta tepatinda tiano pesombamu; luwuno ta pinesombaako a wawo meda pontunua pesomba ndi Ongkue gagi pesomba anu Kupemoikoo, ka Aku mokomaroao raha mempori-Ku.

Yesaya 61:10

Mawongko aku ndi Ondae i Ue, sumangaku kokora-kora mawongko ndi Ondae Ue Alaku, hangano Dopokonaakune sangka tekaduduia ka sumoumbuakune lemba meloe menteea, kana umbungkoroi tama anu mompokona ramba-ramba ulu ka kana umbungkoroi beine anu mompake ramba-rambano.

Yehesikieli 16:14

Neemu telele i olodo luwuno tongku hangano tekosimu, hangano sompo ntu'u tekosimu marambaako peramba-ramba-Ku anu Kuweeakomu, kanandiomo pau-Do Ue Ala.”

Yehesikieli 27:21

To Ara ka luwuno petewawano Kedari mpo'asa ana bimba, bimba lakino, ka bembe lakino ndi omue. A laro luwuno mongkona atuu ondae mpebalu-balu saru omue.

I MATIU 10:25

Sompoomo nada asa ana guru ba ipengkenaakono guruno ka asa ata ba ipengkenaakono ueno. Tewala umbu raha nineeako i Belesebu, tamoako luwuno pe'asa rahano.

I MATIU 22:11

Tempono ipewinso mokole ta tepohaweako ira totoka atuudo, ikitao asa mia anu nahi pesangkaako sangka mpogawe.

I LUKASI 13:34

Yerusale, Yerusale, omue anu mepate ira nabi ka wunoako ira watu mia anu mentinena ndi omue! Mararu Kumingki pumpu ira anamu, mengkena kana ineno manu pumpu ira anano a ntoto panino, sine nahi imebehe.

I LUKASI 15:22

Sine amano atuu motaeako ira atano: Impotuturako mewawao ramai lemba meloe anu moiko ntu'u, impokonaakonomo atuu ka impokonaakono sinsi a wunga ngkae ka sapatu a ngkaruno.

ROMA 13:14

Sine impokogagi Iramo Ue Yesu Kerisituu gagi pepatinda parewa mpetea mewine ka si mpekariao koroimiu ka impotendeo po'eheno.

2 KORINTI 5:21

Ondae anu nahi Dotehala Doweweu Iramo gagi hala hangano ontae, ka tomempinokomentee ndi Ondae hangano Ondae Ue Ala.

GALATIA 4:26

Sine Yerusale nsuruga onaemo beine anu maradeka, ka onaemo ineto.

EPESU 5:26

ka Dopokomemporio, umari-Do mokomempori ira bahoako ira uwoi ka pau-Do,

1 YOHANE 3:1

Kitaomo, tedoa langkai pompehohawa anu Doweeakita i Ama, onaemo ka tomenineeako ana-Do Ue Ala, ka lano ontae ana-Domo Ue Ala. Onaemo pu'uno wawontolino nahi to'ori kita, hangano wawontolino nahi to'ori Ira.