Penani Maramba 1:4 - Wunta Mempori

⁴ Padii akumo i bungkumu, aiwamo topontuturako! Dowawa akumo mokole a laro bolongko mpo'iangado. Kami memaroa mpebooli ka memawongko hangano omue, kami umunde-undeo pompehohawamu laluaopo sekono anggoro! Lano tekona dompehohawako!

Penani Maramba 1:4 ပူးပေါင်းရင်းမြစ်များ

Po'unde-unde 111:4

Luwuno wineweu anu kinohali-haliako Doweweuo gagi pepopoto'ori, Ondae i Ue atuu me'aroa ka mompehohawa.

Po'unde-unde 119:32

Aku melulu tumondao luwuno parenta-Miu, hangano Ipokonsanaao aroaku.

Po'unde-unde 119:60

Montuturako aku ka nahi kupe'ara-arai me'ini a luwuno parenta-Miu.

Po'unde-unde 149:2

Po'ineeomo to Isaraeli domemawongkoakono anu mokogagi ira, po'ineeomo nana'oteno Sioni domengkokora-koraakono mokoledo!

Po'unde-unde 42:4

Uwoi mataku gagi kaangaku meene ka wongi, hangano i larono asa oleo mia mpotae ndi ongkue, ”Isua Ira Ue Alamu?”

Po'unde-unde 48:9

Hapa anu kimerongeomo, onaemo anu sinakosiimami, i kota-Do Ueno luwuakoano, i kota-Do Ue Alato; Ondae Ue Ala mokorosoo ranta nahina tampulaano. Sela

Po'unde-unde 63:5

Kanatuumo aku umunde-unde Komiu asa ntinuwuku ka pauo nee-Miu saru kae tetande.

Penani Maramba 3:4

Dasaraipo kubinta ira, kutepohaweakono huleno aroaku; ku'inio ka nahi kupotolao, ranta kuwawao a rahado ineku, a bolongkono mia anu me'anaakune.

Penani Maramba 4:10

Mo'ahi ntu'u pompehohawamu, uai, umbungkoroiku! Tedoaopo mo'ahi pompehohawamu sekono anggoro, ka tedoaopo mana mo'ahi woono lanamu sekonopo luwuno mina-mina.

Yesaya 25:8

Matea nahi Ira mokohinao mbo'u; ka Ondae Ue Ala Ira pahihio uwoi mata inso a luwuno rupa; ka mokoko'iiado bawaa-Do Ira moko'olaio inso i asa wawontolino, hangano Dopauomo i Ue.

Yesaya 45:25

sine luwuno inuleno i Isaraeli ira mpohawe moleoa ka mpo'unde ndi Ondae i Ue.’ ”

Yesaya 61:3

ka moweeako ira ramba-ramba ulu gagi euno awu, lana pakea a mpogawea gagi euno sawu po'inombo, penani po'unde-unde gagi euno roso anu molema, ka dompotaeako ira mia ”keu tarabanti menteea,” anu pinaho-Do i Ue ka mopokitao maramba-Do.

Yesaya 63:7

Aku tumutuluo pompehohawa-Do i Ue anu nahi bali, luwuno wineweu-Do i Ue anu telele, anu wineweu-Do i Ue ndi ontae ka moikoa anu langkai a nsukudo to Isaraeli, anu wineweu-Do ndi ondae menunu saru pompehohawa-Do ka pompehohawa-Do nahi bali anu langkai.

Yeremia 31:3

Inso olai Ondae i Ue mepopokita ndi onae: Omue Kupehohawaakomu pompehohawa anu nahina tampulaano, onaemo pu'uno Kupotilaloakono pompehohawa-Ku ndi omue.

Hosea 11:4

Kudiiako ira koloro pontulungi winutuako pompehohawa. Ndi ondae Ongkue kana mia anu montande pasanga inso a wuku asedo; me'odo Aku moweeako ira kaanga.

Sepanya 3:14

Peboo-boolimo, hei ana beine Sioni, peboo-boolimo, hei Isaraeli! Po'undemo ka mawongkomo tompaano aroamu, hei ana beine Yerusale!

Sakaria 9:9

Peboo-boolimo temeroku, hei ana beine Sioni, peboo-boolimo, hei ana beine Yerusale! Kitao, mokolemu hawe ndi omue; onae moleo ka poponangi. Onae mauru ka mesawi a asa kalide, kalide lakino anu mongura.

I MATIU 25:10

Sine, tempono dontepusa melako mpo'oli, haweomo umbu ngkoroi atuu ka ondae anu ntetinda iramo mpewinso mperonga saru onae a bolongko pelimbua petaoa, ka i'amba tinondo pewowa.

I LUKASI 2:10

Ka i'amba mala'eka atuu motaeako ira, ”Si medoito, hangano menteeano kupopoto'oriakomiu mawongkoa langkai tiado luwuno tongku:

I LUKASI 22:19

Ka Do'amba umalao roti, montarima kasi, sumiba-sibao ka Doweeako ira, Dopotae, ”Ndiomo koroi-Ku anu imewineeako; imeweweuomo andio gagi rorambe-Ku.”

I YOHANE 12:32

ka Ongkue, tewala tinande Aku inso i tolino, Aku dumii ira luwu mia me'aiwa ndi Ongkue.”

I YOHANE 6:44

Nahina maupo te'asa mia anu moko'aiwa ndi Ongkue, tewala nahi Dopadiio i Ama anu tumena Aku, ka onae Aku wanguo a pokotampulaano wawontolino.

EPESU 2:6

ka ndi Ondae i Kerisituu Yesu Dowangu kitamo mbo'u ka mowee kita po'ianga meronga saru Ondae i suruga,

EPESU 6:24

Pe'aroaa kumongkomi ira luwu mia anu mehohawaako ira pompehohawa anu nahi tampula Ondae Ueto i Yesu Kerisituu.

PILIPI 3:3

hangano ontaemo mia mpetindi, anu mpesomba hangano Penaa-Do Ue Ala, ka tompo'undeakono ndi Ondae i Kerisituu Yesu ka nahi tompe'ala-alao anu mongkona tuwu ntolino.

PILIPI 4:4

Impo'undemo mpiha ndi Ondae i Ue! Pohonapo mbo'u kupauo: Impo'undemo!

IBARANI 12:1

Hangano ontae hadio sakosii, kana seru anu lumimbu kita, aiwamo ka tobintao luwuno tinembi ka hala anu tedoa rumerenggoti kita, ka tompo'asao mpiha aroato mpegolo a mpegoloa anu tomentinenaako.

1 PETURU 1:8

Maupo napi hori mengkita Ira, sine impehohawa Ira. Impe'ala-ala Ira, maupo nahi imengkita Ira kanandio-andio. Memawongko komiu hangano po'unde anu maramba ka anu nahi pinokopau,