Peluarakoa 9:6 - Wunta Mempori

⁶ Kanandiomo Doweweuo i Ue tisomono; luwuakoano pinotuwudo to Masiri memate, sine pinotuwudo to Isaraeli, nahina anu mate maupo te'asa.

Peluarakoa 9:6 ပူးပေါင်းရင်းမြစ်များ

Po'unde-unde 78:48

tempono Dopo'ineeo bawaano kondehorado i'alu ira usa seru baku, ka pinotuwudo itiuo koliki;

Po'unde-unde 78:50

tempono Doluarakono tekuda-Do, ka nahi domempino'inee tola inso a matea, penaado Dopeweengakono a haki lele;

Peluarakoa 12:12

Nde ia wongi andio Aku melempa sumompoo wita Masiri, Aku mepate ira luwuno ana amba-ambano, moiko anano mia hawe anano pinotuwu, ka luwuno lahumoado to Masiri Aku humuku ira. Ongkuemo Ue.

Peluarakoa 12:29

Itempono ntonga wongi Ondae i Ue mepate ira ana amba-ambano i wita Masiri, mompu'u inso a ana amba-ambano i Pirao, anu mentoro a ngkadera poparentaano hawe a ana amba-ambano mia tinabua, anu mpo'ia a laro kineke pohukua, saru luwuno pinotuwu anu pine'anaako amba-ambano.

Peluarakoa 8:22

Sine i oleo atuu, Kupesusuao wita Gose, po'iangado bawaa-Ku, nahi ta hina lale uso, ka uto'orio koa nine Ongkue, Ue, kongko i wita andio.

Peluarakoa 9:25

Asa wawo wita Masiri usa uwoi watu atuu mepate ira luwuakoano anu i tonga mpada, inso a mia hawe a ngkondehora. Kanatuukoa mbo'u luwuno pinopaho, memate i dunsi ira ka luwuno keu i tonga mpada ipobangku ira.

Peluarakoa 9:26

Butu a mpo'iangaado to Isaraeli i wita Gose, nahi petii usa uwoi watu.

Peluarakoa 9:4

Mongkona andio, Ondae i Ue Ira moweweu teposisinggeno pinotuwudo to Isaraeli ka pinotuwudo to Masiri, onaemo pinotuwudo to Isaraeli nahi ta hina anu mate maupo te'asa.”

Peluarakoa 9:5

Umarino atuu, Ondae i Ue pakosio tempono, ”Tisomo Kupogagio i wita andio.”