Peluarakoa 9:16 - Wunta Mempori

¹⁶ Sine tinoo-Ku ka Kupo'ineekomiu mentuwu, onaemo ka imengkitao roso mpabawa-Ku, ka itelele nee-Ku i asa wawontolino.

Peluarakoa 9:16 ပူးပေါင်းရင်းမြစ်များ

2 Samueli 7:23

Isema kana bawaa-Miu Isaraeli, asa tongku i tolino, anu Ue Alano lumako ta tumolosio gagi bawaa-Do? Mohawe Komiu nee-Miu hangano luwuno wineweu-Miu anu langkai ka mongkokongiri ndi ondae, ka sumaari ira luwuno tongku ka pinesombaido anu susua inso i arodo bawaa-Miu anu tinolosi-Miumo inso i Masiri.

2 Mokole 19:35

A wongi atuu meluarakoomo Mala'eka-Do i Ue mompepate asa etu ka halo pulu ka olima nsowu mia a mpekemaado to Asuri. Tisomono, tempono dompewangu mia mo'o-mo'oru, tengkitaomo luwuno gagiomo wata ngkoroi!

1 Tawarika 16:24

Tutuluomo maramba-Do i olono luwuno tongku ka luwuno wineweu-Do anu kinohali-haliako i olono luwuno tongku.

Nehemia 9:10

Ipopokitaomo luwuno petondoni ka luwuno anu kinohali-haliako i arono i Pirao ka luwuno pegawaino saru luwuno palili i witano, hangano Omiu tumo'orio pompelangka-langkaido ndi ondae uempu'umami. Kanandiomo Iweweuo nee-Miu telele kana anu mengkaa oleo andio.

Po'unde-unde 106:8

Sine, Dokadudui ira a nee-Do, Ira mopoto'orio roso-Do.

Po'unde-unde 64:9

ka ntetiduako elodo ondaedo; luwuno anu mensakosiio ira mebitu-bitu ulu,

Po'unde-unde 76:10

i tempono Dopentade Ue Ala Ira mobitara, ka kumadudui ira luwuno anu tepokonsii i tolino. Sela

Peluarakoa 14:17

Sine lano Aku mokomoteao aroado to Masiri, ranta ka domelampui ira to Isaraeli, nde Aku mopokitao maramba-Ku ndi Pirao ka a luwuno sorodadu, kareta ka mia anu mpengara.

Peluarakoa 14:4

Aku mokomoteao aroano i Pirao, kai lampui ira. Aku mokomengkaao maramba-Ku ndi Pirao ka a luwuno sorodaduno, ka domento'orio koa to Masiri, nine Ongkuemo Ue.” Onaemo ka domeweweuo.

Peluarakoa 18:11

Kanandio-andio kuto'oriomo, nine Ondae i Ue lalu langkai pabawa-Do sekonopo luwuno lahumoa, ka Doweweu ira kanatuu hangano to Masiri mpopelangka-langkai iramo ndi ondae.”

Peluarakoa 9:15

Bakanaano tehineomo kae-Ku mompotii haki lele ta mepateko saru palilimu, ranta kau tampula i wawontolino.

Peluarakoa 9:17

Hangano da kongkomu umonto ira bawaa-Ku, ba ira melako.

Powadi 16:4

Ondae i Ue weweuo luwuakoano singge hinao tinoono, maupo mia mosa'o gauno Doweweuo tiano oleo masolaa.

Yeremia 32:20

Omiu anu mopokitao luwuno petondoni ka anu mengkinohali-haliako i wita Masiri, hawe oleo andio a nto Isaraeli ka luwuno mia, onaemo ka Iweweuo nee-Miu, kana a oleo andio.

Yehesikieli 39:21

Aku mopokitao maramba-Ku a luwuno tongku ka ira mengkitao pohuku dinontai-Ku ka kae-Ku anu tumunduhi ira.

Maleaki 1:11

Hangano mompu'u saba oleo hawe sumooano, nee-Ku langkai i olodo tongku. A sompo po'ianga ta pinesombaako dupa mana mo'ahi tiano nee-Ku ka pesomba kana mbo'u anu morina, hangano langkai nee-Ku i olodo tongku, pau-Do Ueno luwuakoano.

Maleaki 1:14

Tetotonaaomo anu mompopo'oo, anu hinao asa kondehora lakino i olodo bawaano pinotuwuno, ka ipontangaakonomo, sine ipesombaakono kondehora anu hinao tataano ndi Ondae i Ue. Hangano Ongkue andio Mokole anu langkai, pau-Do Ueno luwuakoano, ka nee-Ku dinoitoako i olodo luwuno tongku.

Podoaa 14:21

Butumo koa, hangano Ongkue anu tuwu ka hangano maramba-Do i Ue anu buke asa wawo ntolino,

ROMA 9:17

Hangano Wunta Mempori mepau ndi Pirao, ”Onaemo pu'uno ka Kupontadeko, onaemo ka Kupopokitao pabawa-Ku ndi omue, ka ipinalele nee-Ku i asa wawontolino.”

ROMA 9:22

Gaagi, tewala Ira mopokitao tekuda-Do ka mokomengkaao pabawa-Do, Ondae Ue Ala monaa sabara-Do anu langkai a luwuno parewa tekudaa-Do, anu pinatindaomo tiano matea –

Yosua 4:24

ka domento'orio luwuno mia i tolino, motae moroso kae-Do i Ue, ka domedoito mpiha ndi Ondae i Ue, Ue Alamiu”

1 PETURU 2:19

Hangano onaemo pe'aroa, tewala asa mia hangano ipokonto'orio po'ehe-Do Ue Ala sumusuruo tebobarasaia anu komba asalakono susuruano.

1 PETURU 2:8

Dontetiduario, hangano nahi domperorongeakono pau-Do Ue Ala; ka hangano atuu ondae mbo'u mempinatindaako iramo.

YUDASI 1:4

Hangano mengkaa hinao mia susua anu mewinsoomo nahi teto'ori i tonga-tongamiu, onaemo mia anu tehineomo domempinakosi ka domehinuku. Ondaemo mia anu mosa'o gaudo, anu mensala pakeo pe'aroa-Do Ue Alato ka dompoweweu po'eheno aroado, ka anu mehapuo asa-asa-Do Anu Pabawa ka Ueto, i Yesu Kerisituu.

1 Samueli 4:8

Memasola kitamo! Isema ta polio motola kita inso a ngkae-Do Ue Ala anu mongkokongiri andio? Ondaemo andio Ue Ala anu humuku ira to Masiri mperupa-rupa pohuku i pada one.