Peluarakoa 8:8 - Wunta Mempori

⁸ Ka i'amba i Pirao moboi ira i Musa ka i Haruni ka ipotae, ”Ipekakaimo ndi Ondae i Ue, ka Dopoko'olaio tumpa atuudo inso ndi ongkue ka inso a mpaliliku; ka akumo umeheako ira tongku atuu melako, ka dompesomba ndi Ondae i Ue”

Peluarakoa 8:8 ပူးပေါင်းရင်းမြစ်များ

1 Mokole 13:6

Ka i'amba i mokole motaeakono nabi atuu, ”Po'emamo pompehohawa-Do Ue, Ue Alamu ka pekakaiakunemo, ka kupokompokuleo mbo'u kaeku.” Nabi atuu mo'emaomo pompehohawa-Do i Ue, ka i'amba kaeno mokole atuu ipokompokuleomo kana se'eluno.

Po'unde-unde 66:3

Pepaumo ndi Ondae Ue Ala, ”Tedoa mongkokongiri luwuno wineweu-Miu; hangano pabawa-Miu anu tedoa langkai luwuno iwali-Miu mpetuundu ndi Omiu.

Peluarakoa 10:16

Mompari-pariomo i Pirao moboi ira i Musa ka i Haruni ka ipotae, ”Tehala akumo ndi Ondae i Ue, Ue Alamiu, ka ndi omiu.

Peluarakoa 10:17

Onaemo pu'uno, pohona mbo'u andio i oniniakune halaku ka ipekakaimo ndi Ondae i Ue, Ue Alamiu atuu, ka Dopoko'olaio matea andio inso ndi ongkue.”

Peluarakoa 10:18

Meluarakoomo i Musa bintao i Pirao ka ipekakai ndi Ondae i Ue.

Peluarakoa 14:5

Mansano pinauako mokole i wita Masiri, nine to Isaraeli atuu mpolai iramo, tebaliomo aroano i Pirao saru luwuno pegawaino a tongku atuu, ka dompotae, ”Hapake anu wineweuto andio, ranta ka tompo'inee ira to Isaraeli melako inso a mpope'ataato?”

Peluarakoa 32:11

Sine i Musa mo'arahako mokomolusao aroa-Do i Ue, Ue Alano, ipotae, ”Tembio Ue tekuda-Miu kai tensila a bawaa-Miu, anu Iwawa iramo mpeluarako inso i wita Masiri a langkaino pabawa-Miu ka kae-Miu anu moroso?

Peluarakoa 5:2

Sine ipotae i Pirao, ”isemake i Ue atuu anu asalakono aku merorongeakono pau-Do ka kupo'inee ira to Isaraeli melako? Nahi kuto'ori Ira i Ue atuu ka nahi aku umeheako ira to Isaraeli melako.”

Peluarakoa 8:15

Sine mansano kumitao i Pirao memate iramo tumpa, ipokomoteao aroano nahi behe merorongeako ira, kana anu pinau-Do i Ue.

Peluarakoa 8:29

Ka i'amba motae i Musa, ”Kanandio-andio aku meluarako bintakomiu ueku, aku mekakai ndi Ondae i Ue. Tisomo lale uso atuudo ta pinoko'olai inso ndi omiu, a mpegawaimiu ka a palilimiu. Polomokoa sipegaupi mbo'u nahi eheako ira tongku atuu domelako mpopesombaako pesomba ndi Ondae i Ue.”

Peluarakoa 8:32

Sine pohona mbo'u andio i Pirao kongko motea aroano; nahi eheako ira tongku atuu domelako.

Peluarakoa 8:9

Ipotae i Musa ndi Pirao, ”Omiu pakosio tempono ba te'ipia kupekakaiakomiu, mekakaiako ira pegawaimiu ka palilimiu ka dometampula tumpa atuudo inso ndi omiu ka inso a luwuno rahamiu, sangkadio anu mempo'ia a ngkoro Nili.”

Peluarakoa 9:27

Montenaomo mia i Pirao moboi ira i Musa ka i Haruni, ka ipotae, ”Tehala akumo ntu'u andio, Ondae i Ue anu mentee. Ongkue ka paliliku, mensala kamimo.

Peluarakoa 9:28

Pekakaimo ndi Ondae i Ue! Sompoomo kupompemarasai hangano ruundu ka usa uwoi watu anu tedoa marombo andio. Akumo mo'ineekomiu ka imelako, siimo imempo'ia tehine mbo'u.”

Peluarakoa 9:33

Meluarakoomo i Musa inso a ngkota atuu bintao i Pirao, itandeomo kaeno ndi Ondae i Ue, menaa-naaomo rundu ka usa uwoi watu nahi te'uwu mbo'u i tolino.

Podoaa 21:7

Ka do'amba tongku atuu me'aiwa ndi Musa ka dompotae, ”Ntehala kamimo, hangano mpepauki kamimo umewai Ira i Ue ka omue.” Pekakaimo ndi Ondae i Ue, ka Doliahako ira ule andio inso ndi omami. Ka i'amba i Musa mekakaiako ira tongku atuu.

WINEWEUDO TINENA 8:24

Sumangki i Simo, ”Omiumo mekakaiakune ndi Ondae i Ue, ka si mansa gagi luwuno hapa anu ipauakunemo atuu.”

1 Samueli 12:19

Luwuno tongku atuu mpotaeakono i Semueli, ”Ipekakaia kami luwuno tetenaamiu andio ndi Ondae i Ue, Ue Alamiu, kasi kimemate nde hangano mpo'ema kami mokole mami, kimentiangiakonomo wineweu mosa'o andio hala mami.”