Peluarakoa 8:22 - Wunta Mempori

²² Sine i oleo atuu, Kupesusuao wita Gose, po'iangado bawaa-Ku, nahi ta hina lale uso, ka uto'orio koa nine Ongkue, Ue, kongko i wita andio.

Peluarakoa 8:22 ပူးပေါင်းရင်းမြစ်များ

Tegagia 46:34

Omiu asalakono mesangki: Luwumami atamiu andio mpopekaria pinotuwu mompu'u kimengkodei hawe kanandio-andio, moiko omami maupo uempu'umami. Ba kanandio omiu moiko impo'ia i wita Gose.” Hangano luwuno puu mpopakambi bawaano bembe bimba onaemo asa anu minokoburuakodo to Masiri.

Po'unde-unde 110:2

Tuko poparentaamu Ira motolao i Ue inso i Sioni: poparentamo i olodo iwalimu!

Po'unde-unde 74:12

Sine Omiu, oo Ue Ala onaemo mokoleku inso tempo se'eluno, Omiu mongkadudui i tolino.

Peluarakoa 10:23

Mia nami dontepokita ka i larono otolu oleo, nahina mia anu meluarako inso a mpo'iangaano, hangano worikidi. Sine a mpo'iangado to Isaraeli, mewine.

Peluarakoa 12:13

Rea atuu gagi tondonino raha po'iangamiu. Tewala Kukitao rea atuu, Aku lumalokomiu. Gaagi nahi tahina pohuku matea ndi omiu tempono Kuhukuo wita Masiri.

Peluarakoa 19:5

Gagi kanandio-andio, tewala mentee ntu'u komiu mpoperorongeako pau-Ku ka mpe'ini a mpedandia-Ku, komiu megagi tongku pinehohawa-Ku inso i olodo luwuno tongku, nde asa wawontolino andio Ongkue me'ueo.

Peluarakoa 20:11

Nde onoo oleo Ondae i Ue mokogagio langi ka wawontolino, tahi ka luwuno ihino, ka menaa-naa Ira a oleo ko'opitu. Onaemo pu'uno Ondae i Ue rumonsoo oleo Saba ka mokomemporio.

Peluarakoa 7:17

Onaemo pu'uno, kanandiomo pau-Do i Ue: Inso anu ta gagi andio, ko tumo'orio, nine Ongkuemo Ue. Pauakono i Pirao: Kitao, tuko a ngkaeku andio, aku wombaakono uwoi i koro Nili, ka uwoi atuu ta bali gagi rea.

Peluarakoa 7:5

To Masiri atuu iramo mento'orio nine Ongkuemo Ue, tewala Kupotiio kae-Ku a nto Masiri ka wawa ira to Isaraeli mpeluarako inso i olodo.”

Peluarakoa 8:10

Ipotae i Pirao, ”Tisomo.” Ka i'amba motae i Musa, ”Gagiomo kana pinaumiu atuu, ka ito'orio koa ueku, nine nahina anu kana Ondae i Ue, Ue Ala mami.

Peluarakoa 8:21

Tewala nahi u'eheako ira bawaa-Ku atuu melako, Aku mompotola lale uso, ndi omue, a luwuno pegawaimu, a mpalilimu, ka a luwuno rahamu ranta a luwuno raha i wita Masiri, maupo a wita po'iado ta bukeako lale uso.

Peluarakoa 8:23

Nde Aku moweweu petondoni pontolosi anu teposisingge bawaa-Ku ka tongkumu. Tisomo petondoni anu kinohali-haliako andio, ta pinokogagi.”

Peluarakoa 9:26

Butu a mpo'iangaado to Isaraeli i wita Gose, nahi petii usa uwoi watu.

Peluarakoa 9:29

Ipotae i Musa ndi Pirao, ”Tempono kupeluarako inso i kota andio, aku tumandeo kaeku ndi Ondae i Ue. Rundu ta menaa-naa ka usa uwoi watu nahi ta metii mbo'u, onae ka uto'oriokoa, nine tolino Ondae i Ue me'ueo.

Peluarakoa 9:4

Mongkona andio, Ondae i Ue Ira moweweu teposisinggeno pinotuwudo to Isaraeli ka pinotuwudo to Masiri, onaemo pinotuwudo to Isaraeli nahi ta hina anu mate maupo te'asa.”

Peluarakoa 9:6

Kanandiomo Doweweuo i Ue tisomono; luwuakoano pinotuwudo to Masiri memate, sine pinotuwudo to Isaraeli, nahina anu mate maupo te'asa.

Yehesikieli 30:19

Aku modontaiakono pohuku Masiri. Ka ira mento'orio nine Ongkuemo Ue.”

Maleaki 3:18

Ka komiu mpepokule mengkitao teposisinggeno mia mentee ka mia mogau mosa'o, olono mia anu mesomba ndi Ondae Ue Ala ka anu nahi pesomba ndi Ondae.