Peluarakoa 7:3 - Wunta Mempori

³ Sine Aku mokomoteao aroano i Pirao ka Aku mompoko hadio petondoni ka moweweu kinohali-haliako i wita Masiri.

Peluarakoa 7:3 ပူးပေါင်းရင်းမြစ်များ

Nehemia 9:10

Ipopokitaomo luwuno petondoni ka luwuno anu kinohali-haliako i arono i Pirao ka luwuno pegawaino saru luwuno palili i witano, hangano Omiu tumo'orio pompelangka-langkaido ndi ondae uempu'umami. Kanandiomo Iweweuo nee-Miu telele kana anu mengkaa oleo andio.

Po'unde-unde 135:9

ka mokohina ira petondoni ka luwuno kinohali-haliako i tonga-tongamu, hei Masiri, umewaio i Pirao ka luwuno pegawaino.

Po'unde-unde 78:12

I arono uempu'udo Doweweu ira anu mengkinohali-haliako, i wita Masiri, i pada Soani;

Peluarakoa 11:10

Doweweuomo i Musa ka i Haruni luwuakoano petondoni kinohali-haliako i arono i Pirao. Sine Ondae i Ue mokomoteao aroano i Pirao, onaemo ka nahi eheako ira to Isaraeli melako inso ia witado.

Peluarakoa 11:9

Mepau Iramo i Ue ndi Musa, ”Nahi ta merorongeakomu i Pirao, kai tetiangi hadiono petondoni kinohali-haliako anu wineweu-Ku i wita Mesiri.”

Peluarakoa 14:4

Aku mokomoteao aroano i Pirao, kai lampui ira. Aku mokomengkaao maramba-Ku ndi Pirao ka a luwuno sorodaduno, ka domento'orio koa to Masiri, nine Ongkuemo Ue.” Onaemo ka domeweweuo.

Peluarakoa 3:20

Aku pakeo pabawa-Ku humukuo wita Masiri saru luwuakoano wineweu anu kinohali-haliako, anu Aku weweuo ndi ondae. Umarino atuu, ka do'amba mpo'ineekomiu melako.

Peluarakoa 4:21

Pau-Do i Ue ndi Musa, ”Itempono ko mekule i wita Masiri, pewowoloo koa luwuno wineweu anu kinohali-haliako anu Ku peweengakonomo a ngkaemu, weweuo i arono i Pirao. Sine Aku mokomoteao aroano, kasi behe ira tongku atuu melako.

Peluarakoa 4:29

Lumako iramo i Musa ka i Haruni pumpu ira luwu mia memotota'udo to Isaraeli.

Peluarakoa 4:7

Umarino atuu mepau Ira i Ue, ”Wali winsoo kaemu a laro lembamu.” Iwinsoo i Musa kaeno a laro lembano, mansano lumuarakono, kaeno atuu gagi tompa kana kuli ngkoroino anu mehano.

Peluarakoa 7:13

I Pirao motea aroano, onaemo ka nahi behe merorongeako ira, kana anu umariomo Dopauo i Ue.

Peluarakoa 9:16

Sine tinoo-Ku ka Kupo'ineekomiu mentuwu, onaemo ka imengkitao roso mpabawa-Ku, ka itelele nee-Ku i asa wawontolino.

Powadi 21:1

Aroano mokole kana waaano uwoi a laro ngkae-Do i Ue, Dopowaao isuamo koa inehe-Do.

Yesaya 51:9

Pekaangakomo, pekaangakomo! Pokonaomo roso, hei kae-Do i Ue! Pekaangakomo kana i tempo se'eluno ntu'u, ia tempo inule anu ndi'ipua ntu'u! Komba Omiuke anu purokio i Rahabi, anu montobo naga ranta mate?

Mika 7:15

Kana i tempono upeluarako inso i Masiri, Aku mopokitao a bawaa-Ku luwuno kinohali-haliako!

I YOHANE 4:48

Onaemo ka Dopotaeakono i Yesu, ”Tewala nahi mpongkita petondoni ka anu kinohali-haliako, nahi komiu mpompe'ala-ala.”

WINEWEUDO TINENA 2:22

Hei to Isaraeli, imerongeomo pau andio: Anu tinooku onaemo Ondae i Yesu inso i Nasare, asa mia anu Dopakosiomo Ue Ala ka anu pinokomengkaako roso ka anu mengkinohali-haliako ka luwuno petondoni ndi omiu anu wineweu-Do Ue Ala mesala ndi Ondae i tonga-tongamiu, kana anu tino'orimiu.

WINEWEUDO TINENA 7:36

Onaemo anu wawa ira mpeluarako saru mompokohina anu mengkinohali-haliako ka hadio petondoni i wita Masiri, i Tahi Motaha ka i pada one, patopulu nta'u tehineno.

ROMA 15:19

hangano pabawano luwuno petondoni ka anu mengkinohali-haliako ka hangano pabawa-Do Penaa. Kanandiomo a laro pelempaa sumompoo wita inso i Yerusale hawe i Ilirikumi kupaleleomo luwu Lele Mawongkoa-Do i Kerisituu.

ROMA 9:18

Gagi Dopehohawao ndi sema anu inehe-Do ka Dopokomoteao aroano isema anu inehe-Do.

Winali 4:34

Horiokoake aasa ue ala mo'arahako aiwa ta mo'ala tiano aasa tongku inso i tonga-tongano tongku anu susua a mperupa-rupa po'arahako, petondoni, wineweu kinohali-haliako, ka peteaa, ka kae anu moroso ka tokia tetande, saru luwuno mongkokongiria langkai, kana anu wineweu-Do i Ue, Ue Alamiu ndi omiu i wita Masiri, i arono matamiu?

Winali 7:19

Imengkitaakonomo matamiu luwuno po'ara-arahako langkai, luwuno petondoni ka anu mengkinohali-haliako, kae anu moroso ka tokia tetande anu pinake-Do i Ue, Ue Alamiu, wawa komiu mpeluarako. Kanatuumo mbo'u Ira weweuo i Ue, Ue Alamiu a luwuno tongku anu dinoitoakomiu.