Peluarakoa 7:23 - Wunta Mempori

²³ I Pirao mewolili, ka ipewinso a langkanaeno ka nahi behe mewowoloo mbo'u anu gagi atuu.

Peluarakoa 7:23 ပူးပေါင်းရင်းမြစ်များ

Ayubi 7:17

Nde hapake mia, ranta onae Ipelangkai ka Iperioo,

Po'unde-unde 62:10

Butu koa angi luwuno mia anu pinokongkurama, butu pegaupido mpena mia anu maramba. Tewala tinimba, ondae ntetande kontahane, mperonga-ronga ira mbo'u monongkoopo sekono angi.

Peluarakoa 7:22

Sine mia mpoto'ori to Masiri, mpoweweu ira koa mbo'u montonda ponto'orido, onaemo i Pirao ka ikongko motea aroano, nahi behe rumonge ira kana anu pinau-Do i Ue.

Peluarakoa 7:24

Sine luwudo to Masiri mpokeke i horino koro Nili mpo'ungke uwoi inuado, hangano nami moiko uwoi koro Nili dome'inuo.

Peluarakoa 9:20

Pegawaino i Pirao anu doito rumongeo pau-Do i Ue, dotena ira atado ka pinotuwudo mpewinso a raha,

Peluarakoa 9:21

sine ondae anu nahi domperioo pau-Do i Ue, dompo'inee ira ata saru pinotuwudo a tonga mpada.

Powadi 22:17

Ta'oomo birimu ka rongeomo pauno mia pande mosongka, pekokoongakonomo a ponto'oriku.

Powadi 24:32

Mengkita aku ka mepenteeo, kukitao ka mo'ala asa pepaguru.

Powadi 28:14

Me'uraomo mia anu wela doitoako Ira i Ue, sine mia anu mokomoteao aroano ta tedonta a laro masolaa.

Powadi 29:1

Isema me'ulu watu, maupo mohaweomo pongkuahako, ta mepobingko sinolangi ka nahi pinokompomule mbo'u.

Yesaya 26:11

Oo Ue, kae-Miu tetande, sine nahi domengkitao. Moikoano ka domengkitao po'ehe-Miu a bawaa-Miu ka domemokoko'ii! Po'ineeomo api anu rumopu ira anu umewai Komiu sumongko ira!

Yesaya 47:7

Horiko mepau, ”Ranta nahina tampulaano aku gagi mpiha mokole beine!” sine nahi upekokoongakono ka nahi upewowoloo pokotampulaano luwuno atuu.

Yeremia 36:24

Moiko mokole maupo luwuno pegawaino anu rumongeo luwuno pau atuu nahi domedoito ka nahi domeberio sangkado.

Yeremia 5:3

Oo Ue, nahi te'aro a menteeake mata-Miu? Itunduhi ira, sine nahi dompompemahaki; Ihuku ira, sine nahi domebehe mpontarima pongkuahako. Dompokomoteao uludo laluaopo sekono watu, ka nahi domebehe ntepidi.

Yehesikieli 40:4

Mia atuu mepau ndi ongkue, ”Hei anano mia, kitaomo saru pepenteeo ka perorongeakono ntu'u ka pekokoongakono temoiko luwuakoano anu Aku mopokitao ndi omue. Hangano, onaemo pu'uno omue winawa i ndi'ai, ka kupopokitao luwuno atuu ndi omue. Pauako iramo luwuno anu kinitamu a nsuku Isaraeli.”

Habaku 1:5

Kitaomo i olono luwuno tongku ka pekokoongakono, kohali-halimo ka kokodohomo, hangano hadio Aku weweuo i tempomu anu tewala tinutulu nahi komiu mpe'ala-alao.

Maleaki 2:2

Tewala nahi imperorongeakono ke pomperio melangkaio nee-Ku, pau-Do Ueno luwuakoano, Aku mompotii totonaa ndi omiu ka weweuo luwuno ronsomiu gagi totonaa. Mentee ntu'u, Aku tumotonaao, hangano nahi impomperio.

Winali 32:46

ipotaeako ira, ”Impekokoongakonomo luwuno pau anu kupopoto'oriakomiu a oleo andio, kai parenta ira luwuno anamiu ka dompetenunu meweweuo luwuno pauno songka Taura andio.

1 Samueli 4:20

Mansano ta ronga mate, luwuno beine anu mpentade umpedaakono, mpotae, ”Si doito, nde omue umarikomo me'anaakono asa ana ntama.” Sine nahi sangki ke maupo merio ira.