Peluarakoa 7:19 - Wunta Mempori

¹⁹ Pau-Do i Ue ndi Musa, ”Tenao i Haruni: Alaomo tukomu, weroomo kaemu a luwuakoano uwoi i wita Masiri, a wawo ngkorono, a pangkoro, a limbo ka a luwuakoano tepumpuano uwoi, anu hinao ndi ondae, ka igagi luwu rea. I asa wawo wita Masiri ta hina rea, sekonopo uwoi a dula keu ka a ngkusi gagi rea.”

Peluarakoa 7:19 ပူးပေါင်းရင်းမြစ်များ

Tegagia 1:10

Ka do'amba Ue Ala numeeakono anu motu'i atuu wita, ka tepumpuano uwoi atuu Doneeakono tahi. Dokitao Ue Ala nine luwuno atuu moiko.

2 Mokole 4:29

Motae i Elisa ndi Gehasi, ”Peboo ntongamo, wawao tukoku a ngkaemu ka lakomo. Tewala hinao mia tepotowomu, si petabeio, ka tewala hinao mia metabeiko, siimo suloo. Naaomo tukoku i wawono nana'ote atuu.”

Peluarakoa 10:12

Mepau iramo i Ue ndi Musa, ”Tandeo kaemu a wawo wita Masiri ka domehawe kosume buketio wita Masiri mengkaano luwuakoano pinopaho a wita, anu da tebinta hangano usa uwoi watu atuu.”

Peluarakoa 10:21

Mepau Iramo i Ue ndi Musa, ”Tandeomo kaemu kontahane i langi, kai gagi worikidi tumutuwio wita Masiri, gaagi worikidi atuu tedoa dompemarasaio.”

Peluarakoa 14:16

Kanandio-andio tandeo tukomu, taangakono kaemu a wawo ntahi ka ponsiao uwoino, gaagi to Isaraeli ira mpelempa itonga-tongano tahi a motu'iano.

Peluarakoa 14:21

Ka i'amba i Musa tumangaakono kaeno a wawo ntahi, ka asa wongi atuu Ondae i Ue mepuuriakono angi anu tedoa magasi inso i sabaano oleo monsuao uwoi ntahi atuu gagi wita motu'i. Kanatuumo i teponsua uwoi atuu.

Peluarakoa 14:26

Mepau Iramo i Ue ndi Musa, ”Taangakono kaemu a wawo ntahi, ka ipepokule uwoi kuma'uwi ira to Masiri, karetado ka mia anu mpengara.”

Peluarakoa 4:9

Tewala nahi dompe'ala-alao mbo'u orua rupa anu kinohali-haliako andio, ka nahi domperorongeakono pinaumu, po'ala uwoi a ngkoro Nili, uwuo a wita anu motu'i. Uwoi inalamu ta gagi rea a wita motu'i atuu.”

Peluarakoa 8:16

Mepau Iramo i Ue ndi Musa, ”Pauakono i Haruni: Weroo ka ipesepiakono tukomu a awu wita, ka awu wita atuu ta gagi tiporo asa wawo wita Masiri.”

Peluarakoa 9:33

Meluarakoomo i Musa inso a ngkota atuu bintao i Pirao, itandeomo kaeno ndi Ondae i Ue, menaa-naaomo rundu ka usa uwoi watu nahi te'uwu mbo'u i tolino.

Yesaya 19:10

Anu mpohoru atuudo ta tedoa masusa aroado. Luwuno anu mpo'angga mentinambo ta masusa aroado.

Yesaya 5:25

Onaemo pu'uno, tesingkaomo tekuda-Do i Ue a bawaa-Do, kae-Do Dopotiio ndi ondae ka Dotunduhi ira; torukuno mpondidi-ndidi, ka wata ngkoroido kana ta'i a ntonga nsala. Maupo gagiomo luwuno andio, tekuda-Do napi temonto, ka kae-Do kongkono pinotii.

Habaku 3:8

A luwuno koronoke, oo Ue, a luwuno koronoke tekuda-Miu tensila? A ntahike tekuda-Miu tempono ipesawikio ngara-Miu ka kareta ponangia-Miu?