Peluarakoa 7:11 - Wunta Mempori

¹¹ Ka i'amba i Pirao moboi ira mia anu mpoto'ori ka pande sihiri to Masiri ka dompoweweu mbo'u anu kanantuu, montonda ponto'orido.

Peluarakoa 7:11 ပူးပေါင်းရင်းမြစ်များ

Tegagia 41:8

Tisomono mo'oru maka'aliomo, ka i'amba metenaomo moboi ira luwuno mia mponto'ori mpebali-bali mata ka luwuno mia anu hinao ponto'orino i wita Masiri. I Pirao tumutuluo mo'ipino ndi ondae, sine nahina maupo te'asa mia mokopauo pengkonaano ndi Pirao.

Peluarakoa 7:12

Pada ira mpopetendeako tukodo, ka tukodo atuu gagi ule; sine tukono i Haruni tumele ira tukodo.

Peluarakoa 7:22

Sine mia mpoto'ori to Masiri, mpoweweu ira koa mbo'u montonda ponto'orido, onaemo i Pirao ka ikongko motea aroano, nahi behe rumonge ira kana anu pinau-Do i Ue.

Peluarakoa 8:18

To Masiri anu mpoto'ori atuudo montonda ponto'orido, mpoweweu ira mbo'u kanatuu mingki mpopokogagi tiporo, sine nahi domempolio. Kanatuumo tiporo hadio mpetako ira a mia ka pinotuwu.

Peluarakoa 8:3

Koro Nili atuu ta bukeako tumpa, ira mpewuatako ka mpewinso a laro langkanaemu, a bolongko poturiamu hawe a laro mpoturiamu, a laro rahado luwuno pegawaimu, ka palilimu, maupo a laro pontunua roti saru a laro ponsaloamu tarigu.

Peluarakoa 8:7

Sine mia anu mpoto'ori atuudo mpoweweu mbo'u anu kanatuu montonda ponto'orido, onaemo ka dompeluarako tumpa me'ihiio wita Masiri.

Danieli 2:2

Ka i'amba mokole metena moboi ira anu pande mebali-bali mata, pande sihiri, pande mompuu-puuri, ka luwuno Kasidimi, ka domempauakono pengkonaano mo'ipino. Me'aiwa iramo ka mpentade i arono mokole.

Danieli 2:27

I Danieli sumangki ira mokole, ipotae, ”Rahasia anu pinesikenoakomiu ueku mokole nahi domempolio pauakomiu mia anu pande mposongka, pande mobasa-basa, pande mpebali-bali mata ke pompau anu nahi manasa ta gagi.

Danieli 4:6

Moluarako akumo parenta a luwuno mia anu pande mosongka i Babeli ka domewinawa mpe'aro ndi ongkue, ka domempauakune pengkonaano mo'ipi atuu.

Danieli 5:11

Hangano a mpoparentaamiu ueku hinao asa mia anu bukeako penaado pinesombai anu mempori! I tempono poparentaado amamiu mia atuu tino'ori tedoa pande, pinewowolono molino ka ponto'orino kana ponto'orido pinesombai. Onae dopotoroomo mokole Nebukanesa, amamiu ueku gagi petewawado anu pande mpebali-bali mata, anu pande mobasa-basa, luwuno to Kasidimi ka luwuno anu mompau nahi manasa ta gagi.

Danieli 5:7

Ka do'amba mokole mebooli meroku ka domewinawa mpe'aro mia anu pande mpobasa-basa, luwuno Kasidimi ka anu mpompau anu nahi manasa ta gagi. Mokole motaeako ira mia anu pande mposongka i Babeli atuu, ”Sompo mia anu mokobasao binuri andio ka ipauakune pengkonaano, ndi onae ta pinokonaako sangka inso a nsawu wungo, a we'uno ta pinopo'enuako rante wulaa, ka a mpoparentaaku onae ta hinao pabawano gagi mia ko'otolu.”

I MATIU 24:24

Hangano mia mpompe Mesi-mesia ka mpompe nabi-nabi ira mehawe ka ira mpoweweu hadio petondoni anu langkai ka anu mengkinohali-haliako, ranta ba mansa domempolio mopo'oo ira mbo'u mia mebininiki.

GALATIA 3:1

Hei to Galatia anu mebenge-benge, isemake anu mokobulalingo komiu? Kombake Ondae i Yesu Kerisituu anu pinaso a ngkeu pinotamba atuu mempinauako komiumo a menteeano i aromiu?

EPESU 4:14

ranta komba menana'ote kita mbo'u, anu ngkoraane-ngkoramai hangano mperupa-rupa angi pompaguru, hangano pepalindodo mia anu nahi mentee a mpe'akalado anu mompopo'oo,

2 TESALONIKA 2:9

Haweno anu umewa a songka atuu onaemo po'anggano i Mosa'o, ka ta tinondaako mperupa-rupa wineweu kihohali-haliako, luwuno petondoni ka anu mengkinohali-haliako nahi mentee,

2 TIMOTIU 3:8

Mengkena kana i Yanesi ka i Yamberesi umewaio i Musa, kanandio koa mbo'u dome'ewaio menteea. Pinewowolodo mosa'o ka pompe'ala-alado nahi moroso.

2 TIMOTIU 3:9

Sine manasaomo nahi ira ntedada lahi, hangano kana mongkona i Yanesi ka i Yamberesi, benge-bengedo mbo'u ta mengkaa a luwuno mia.

MENGKAAA 19:20

Ka kona rakoomo kondehora atuu ka meronga saru onae nabi megaupi, anu mompokohinaomo hadio petondoni i arono matano, ka hangano kanandio ipopo'oo ira anu mpontarima iramo pontondoni inso a ngkodehora atuu ka anu mpesombaiomo tinahano. Oruano pinetadiako tuwu-tuwu a laro ntahi api anu kolanga-langaako walira.

1 Samueli 6:2

domempoboi ira to Pelisiti luwuno sando mpelahumoado ka mia mponto'ori, ka dompesikeno, ”Hapa anu ta wineweumami mongkona Burua Pedandia-Do i Ue? Imempaua kami kana'umpe kimewawao ba kimpokuleo a mpo'iangano.”