Peluarakoa 6:7 - Wunta Mempori

⁷ Aku wawa komiu a wita anu Kudandiomo, Aku weeakono i Burahima, i Saki ka i Yako. Aku weeakomiu gagi tiamiu. Ongkuemo Ue.”

Peluarakoa 6:7 ပူးပေါင်းရင်းမြစ်များ

Tegagia 26:3

Po'iamo i wita andio gagi mia mehawe. Aku kumongkomiko ka rumonsoko, hangano ndi omuemo ka a inulemu Aku meweengakono luwuno wita andio ka Aku umihiio sumpa anu Kupauomo ndi Burahima, amamu.

Tegagia 28:13

Mentade Iramo Ue i horino ka mepau, ”Ongkuemo Ue, Ue Alano i Burahima, uempu'umu, ka Ue Alano i Saki. Wita pepomboleamu andio Aku weeakomu ka a inulemu.

1 Mokole 20:28

Tetenaa-Do Ue Ala atuu umpedaakono mokoledo to Isaraeli ka ipotae, ”Kanandio pau-Do i Ue: Hangano to Arami atuu mpotae iramo: Ondae i Ue, onaemo Ue Ala i torukuno komba Ue Ala i lembono, onaemo pu'uno luwuno sorodadu anu hadio atuu, Aku meweengako ira a ngkaemu, kai mento'orio nine Ongkuemo Ue.”

1 Mokole 8:60

kai luwuno tongku i tolino tumo'orio, nine Ondaemo i Ue, Ue Ala, ka nahina anu susua.

Nehemia 1:10

Kombake luwudo andio tetenaa-Miu ka bawaa-Miu anu Ipotolaako iramo roso-Miu anu langkai ka kae-Miu anu moroso?

Po'unde-unde 100:3

To'oriomo nine butu koa Ondae i Ue, Ue Ala; Ondaemo anu mokogagi kita ka Ondaemo anu me'ue kita, bawaa-Do ka bawaano bimba pinakambi-Do.

Po'unde-unde 81:6

Gagi asa parenta tiano i Yusupu Dopakosio mongkona atuu, i tempono Dolako umewaio wita Masiri. Kurongeo pau anu nahi kuto'orio,

Peluarakoa 13:14

Tewala lembuiano mpesikeno ira anamiu, ’Hapa pengkonaano atuu?’ Pauako ira nine, ’Hangano kae-Do i Ue anu moroso wawa kita mpeluarako inso i wita Masiri, inso a mpo'ianga tepe'ataa.

Peluarakoa 13:3

Ka i'amba motaeako ira i Musa tongku atuu, ”Impelangkaio oleo andio, nde oleo andio impeluarako inso i wita Masiri, inso a mpo'ianga tepe'ataamiu; hangano kae-Do i Ue anu moroso wawakomiu mpeluarako inso i wita Masiri. Onaemo pu'uno kaanga hapamo koa anu meragi, si kinaa.

Peluarakoa 14:18

Gagi iramo mento'orio to Masiri, nine Ongkuemo Ue, i tempono Kupopokitao maramba-Ku ndi Pirao, karetano ka mia anu mpengara.”

Peluarakoa 14:4

Aku mokomoteao aroano i Pirao, kai lampui ira. Aku mokomengkaao maramba-Ku ndi Pirao ka a luwuno sorodaduno, ka domento'orio koa to Masiri, nine Ongkuemo Ue.” Onaemo ka domeweweuo.

Peluarakoa 15:16

Doitoa ka mongkokongiria umalu ira, Hangano rosono kae-Miu mansa ira merodo kana watu, ranta bawaa-Miu mpe'asatowaako, oo Ue, ranta bawaa anu tinolosi-Miu mpe'asatowaako.

Peluarakoa 15:2

Ondae i Ue rosoku ka penaniku, Ondae gagi pongkaduduiku. Ondae Ue Alaku, ku'unde-unde Ira, Ondae Ue Alado amaku, kupelangkai Ira.

Peluarakoa 16:12

”Kurongeomo pewurukido to Isaraeli; pauako iramo: Tempono ngkiniwia komiu mpongkaa bau ka mo'oru komiu memowohi mpongkaa roti, onae ka imento'oriomo, nine Ongkuemo Ue, Ue Alamiu.”

Peluarakoa 16:6

Umarino atuu, motae iramo i Musa ka i Haruni a luwudo to Isaraeli, ”Ngkiniwia andio komiu mento'orio nine Ondaemo i Ue anu wawakomiu mpeluarako inso i wita Masiri.

Peluarakoa 2:11

Tempo atuu, mangalitauomo i Musa, onae meluarako tepohaweako ira pepaekompono ta kumitao domedinadai mpo'angga. Ka ikitao asa to Masiri tumunduhio asa to Ibarani, asa mia te'inso ia pepaekompono atuu.

Peluarakoa 6:6

Aku mokogagi komiu bawaa-Ku ka Ongkue Ue Alamiu, ka imento'orio nine Ongkuemo Ue, Ue Ala anu motola komiu inso a mpedadaido mpo'angga a to Masiri.

Peluarakoa 7:17

Onaemo pu'uno, kanandiomo pau-Do i Ue: Inso anu ta gagi andio, ko tumo'orio, nine Ongkuemo Ue. Pauakono i Pirao: Kitao, tuko a ngkaeku andio, aku wombaakono uwoi i koro Nili, ka uwoi atuu ta bali gagi rea.

Yesaya 41:20

ka domengkitao luwuno mia ka mpokonto'orio, menootio ka tumo'orio, nine kae-Do i Ue anu weweuo luwuno andio ka Anu Tedoa Mempori, Ue Alado to Isaraeli, anu mokogagio.

Yesaya 49:23

Luwuno mokole ira megagi puu mpete'iamu ka kombiado megagi puu mpete'ia beine ndi omue. Ira mpesomba ndi omue ranta rupado hawe a wita ka ira mensile'io pampawu a ngkarumu, Ka kotumo'orio, nine Ongkuemo Ue, ka mia anu mensisikori Aku nahi ira mpohawe mokoko'ii.”

Yesaya 49:26

Aku weweu ira mia anu mpokonsiiko mengkaano baudo ondaedo, ka ira memolangu mpo'inu reado ondaedo, kana mia molangu mo'inu anggoro wo'ohu, ka domento'orio luwu mia hadio, nine Ongkuemo, Ue, Puu Pongkaduduimu ka Anu Tumolosiko, Anu Tedoa Moroso, Anu Kumaduduio i Yako.”

Yesaya 51:15

Hangano Ongkuemo Ue, Ue Alamu, anu bembuao tahi, ranta ka ipebunde bombano, – nee-Do Ue Alano luwuakoano.

Yesaya 60:16

Omue ko'umosoo susudo luwuno tongku ka uminuo susudo luwuno poparentaa ka kotumo'orio, nine Ongkue, Ue, Puu Pongkaduduimu, ka Puu Pontolosimu, Anu Tedoa Moroso, Ue Alano i Yako.

Yesaya 63:8

Ondae mepau, ”Mentee ntu'u, ondaemo bawaa-Ku, nana'ote anu nahi ta moweweu molengku.” Ondaemo Puu Pongkaduduido

Yeremia 30:22

Ka komiu megagi bawaa-Ku, ka Ongkue gagi Ue Alamiu.”

Yeremia 31:33

Sine, kanandiomo pedandia anu Kuweweuo saru suku Isaraeli umarino tempo atuu, kanandiomo pau-Do i Ue: Aku numaao songka-Ku a laro nsumangado ka burio i laro aroado. Aku gagi Ue Alado ka ondae gagi bawaa-Ku.

Yehesikieli 20:19

Ongkuemo Ue, Ue Alamiu. Imentuwumo montonda luwuno pompakosi-Ku saru impe'inimo a luwuno atora-Ku ka imeweweuomo atuu.

Hosea 1:10

Sine lembuino, hadiodo to Isaraeli ta kana oneno tahi, anu nahi pinokosa'u ka nahi pinokodoa. A mpo'ianga ba isua domempinauako, ”Omiu komba bawaa-Ku,” i tu'ai ira mempinauako, ”Luwuno ana-Do Ue Ala anu tuwu.”

Imama 11:44

Hangano Ongkuemo Ue, Ue Alamu; asalakono ipokomemporio koroimu ka asalakono kai memempori, hangano Ongkue andio mempori. Si meweweuo koroimu mokoburuako sompo kondehora melele anu mpebawaa i wawo wita.

Imama 11:45

Hangano Ongkuemo Ue anu wawa komiumo mpeluarako inso i wita Masiri, kai gagi Ue Alamiu. Imegagimo mempori, hangano Ongkue andio mempori.

Sakaria 13:9

Aku numaao anu asa ntia otolu atuu a laro api ka mokomempori ira kana mompokomempori salaka. Aku umara-arahako ira, kana mo'ara-arahako wulaa. Ira mpoboio nee-Ku, ka Aku sumangki ira. Aku mepau: Ondaemo bawaa-Ku, ka ira mesangki: Ondae i Ue Ondaemo Ue Alaku!”

Podoaa 15:41

Ongkuemo Ue, Ue Alamiu, anu wawa komiumo mpeluarako inso i wita Masiri, ka Ongkue gagi Ue Alamiu. Ongkuemo Ue, Ue Alamiu.”

I MATIU 22:32

Ongkuemo Ue Alano i Burahima, Ue Alano i Saki ka Ue Alano i Yako? Ondae komba Ue Alado mia memate, tendeano Ue Alano mia tuwu.”

ROMA 8:31

Onaemo pu'uno hapake anu ta pinauto mongkona luwuno atuu? Tewala Ondae Ue Ala me'alaako ndi ontae, isemake ta umewai kita?

Winali 14:2

Hangano omiumo bawaa anu mempori tia-Do i Ue, Ue Alamiu, ka omiu bininiki-Do i Ue kai megagi bawaa pinehohawa-Do inso i olono luwuno tongku anu i wawontolino.

Winali 26:18

Oleo andio Dotarima komiumo i Ue nine omiumo bawaa anu pinehohawa-Do, kana anu dinandi-Do ndi omiu, ka asalakono impe'ini a luwuno parenta-Do.

Winali 29:12

Impentade kai mpewinso i larono pedandia-Do i Ue, Ue Alamiu, sumpa dandi-Do, anu winutu-Do i Ue, Ue Alamiu, saru omiu oleo andio.

Winali 29:13

Kanandiomo Dotandekomiu gagi bawaa-Do a oleo andio ka Ondae gagi Ue Alamiu, kana anu pinau-Do ndi omiu ka anu Dodandiako saru sumpa ndi Burahima, i Saki ka i Yako, uempu'umiu.

Winali 29:5

Mepau Ira, ”Ilarono pato pulu nta'u Kuwawa komiu mpelempa lumaloo pada one. Sangkamiu nahi unsa a ngkoroimiu, ka sandalamiu nahi masola a ngkarumiu.

Winali 4:20

Sine, Do'ala komiumo i Ue ka imewinawa mpeluarako inso i wita Masiri, inso a awu pompokolonoa labu, kai megagi bawaa-Do, kana anu gagi kanandio-andio.

Winali 7:6

Hangano omiumo bawaa-Do i Ue, Ue Alamiu anu mempori. Omiumo anu bininiki-Do i Ue, Ue Alamiu inso a luwuno tongku i wawontolino kai megagi bawaa pinehoha-Do.

IBARANI 11:16

Sine kanandio-andio mpongkekewoi ira wita po'iangado anu lalu moiko onaemo aasa po'ianga suruga. Onaemo pu'uno nahi mokoko'ii-Do Ue Ala nineeako Ue Alado, hangano Dopatindaako iramo aasa kota.

1 PETURU 2:10

Omiu, anu i ndi'upua komba bawaa-Do Ue Ala, sine anu kanandio-andio megagi komiumo bawaa-Do, anu i ndi'upua nahi mempinehohawa sine kanandio-andio mpohawe komiumo pe'aroa.

MENGKAAA 21:3

Ka ku'amba rumongeo suara anu meroku inso a ngkadera poparentaa atuu motae, ”Kitaomo, kema-Do Ue Ala kongko i tonga-tongado mia ka Ira mo'ia meronga saru ondae. Ondae ira megagi bawaa-Do ka Ondae Ira gagi Ue Alado.

MENGKAAA 21:7

Ba isema monangi, onae ta humaweo luwuno andio, ka Aku gagi Ue Alano ka onae ta gagi ana-Ku.