Peluarakoa 6:6 - Wunta Mempori

⁶ Aku mokogagi komiu bawaa-Ku ka Ongkue Ue Alamiu, ka imento'orio nine Ongkuemo Ue, Ue Ala anu motola komiu inso a mpedadaido mpo'angga a to Masiri.

Peluarakoa 6:6 ပူးပေါင်းရင်းမြစ်များ

1 Mokole 8:42

hangano ira merongeo mia mongkona nee-Miu anu langkai ka kae-Miu anu moroso saru tokia-Miu anu tetande — tewala onae aiwa mekakai i raha andio,

2 Mokole 17:36

Sine asalakono impesombamo ndi Ondae i Ue, anu tumaateakomiu roso langkai ka kae anu tetande inso i wita Masiri. Asalakono impenggolontu mpesombai Ira ka mpopesombaako pesomba ndi Ondae.

1 Tawarika 17:21

Isema kana bawaa-Miu Isaraeli, asa tongku i tolino anu Ue Alano lumako ta tumolosio gagi bawaa-Do? Mohawe Komiu nee-Miu hangano luwuno wineweu-Miu anu langkai ka mongkokongiri ka sumaari ira luwuno tongku inso i arodo bawaa-Miu anu tinolosi-Miumo inso i Masiri.

Nehemia 1:10

Kombake luwudo andio tetenaa-Miu ka bawaa-Miu anu Ipotolaako iramo roso-Miu anu langkai ka kae-Miu anu moroso?

Po'unde-unde 77:16

Saru tokia-Miu Itolosi iramo bawaa-Miu, inuleno i Yako ka inuleno i Yusupu. Sela

Po'unde-unde 81:11

Ongkuemo Ue, Ue Alamu, anu tumaateko meluarako inso i wita Masiri; pengangamo telangkai, ka Aku mokobukeo.’

Po'unde-unde 81:6

Gagi asa parenta tiano i Yusupu Dopakosio mongkona atuu, i tempono Dolako umewaio wita Masiri. Kurongeo pau anu nahi kuto'orio,

Po'unde-unde 81:7

”Kutandeomo tinembi inso a oweamu, kaeno tolaomo inso a ngkarandi tinembi;

Peluarakoa 1:11

Onaemo ka dompontiso anu mpodagai mia mpo'angga rodi anu ta dumadai ira ka dompo'angga mobea: ondae asalakono mewanguakono i Pirao kota Pitomi ka Ramese, ponaapa arataa.

Peluarakoa 12:41

Umarino pato etu ka tolu pulu nta'u, kona i oleo atuu, mpeluarako iramo luwu baresino bawaa-Do i Ue inso i wita Masiri.

Peluarakoa 12:51

I oleomo atuu Ondae i Ue wawa ira baresido to Isaraeli mpeluarako inso i wita Masiri.

Peluarakoa 13:14

Tewala lembuiano mpesikeno ira anamiu, ’Hapa pengkonaano atuu?’ Pauako ira nine, ’Hangano kae-Do i Ue anu moroso wawa kita mpeluarako inso i wita Masiri, inso a mpo'ianga tepe'ataa.

Peluarakoa 13:16

Mongkona anu kanatuu asalakono gagi petondoni a ngkaemu ka ipetako a ra'imiu, hangano kae-Do i Ue anu moroso wawa kita mpeluarako inso i wita Masiri.”

Peluarakoa 13:3

Ka i'amba motaeako ira i Musa tongku atuu, ”Impelangkaio oleo andio, nde oleo andio impeluarako inso i wita Masiri, inso a mpo'ianga tepe'ataamiu; hangano kae-Do i Ue anu moroso wawakomiu mpeluarako inso i wita Masiri. Onaemo pu'uno kaanga hapamo koa anu meragi, si kinaa.

Peluarakoa 15:13

A pompehohawa-Miu i taate ira bawaa anu tinolosi-Miu; Hangano roso-Miu i taate ira hawe a mpo'ianga-Miu anu mempori.

Peluarakoa 16:6

Umarino atuu, motae iramo i Musa ka i Haruni a luwudo to Isaraeli, ”Ngkiniwia andio komiu mento'orio nine Ondaemo i Ue anu wawakomiu mpeluarako inso i wita Masiri.

Peluarakoa 18:1

I Yitiro, sando mpesomba i Midia, ponino i Musa, rumongeo mongkona anu wineweu-Do Ue Ala ndi Musa ka a nto Isaraeli, bawaa-Do, ba kana'umpe Dowawa iramo to Isaraeli mpeluarako inso i wita Masiri.

Peluarakoa 2:11

Tempo atuu, mangalitauomo i Musa, onae meluarako tepohaweako ira pepaekompono ta kumitao domedinadai mpo'angga. Ka ikitao asa to Masiri tumunduhio asa to Ibarani, asa mia te'inso ia pepaekompono atuu.

Peluarakoa 3:17

Gagi mepau Akumo: Aku tumaatekomiu mpeluarako inso a marasaiamiu i wita Masiri lumako a witado to Kana'a, to Heti, to Amori, to Perisi, to Hewi ka to Yebusi, ia asa wita anu tedoa hadio ntu'u susu ka siu hoani.

Peluarakoa 3:8

Onaemo ka Kupetii ta motola ira inso a ngkaedo to Masiri ka tumaate ira mpeluarako inso ia wita atuu lumako ia wita anu moiko ka malua, asa wita anu hadio ntu'u susu ka siu hoani, a mpo'iangado to Kana'a, to Heti, to Amori, to Perisi, to Hewi ka to Yebusi.

Peluarakoa 32:11

Sine i Musa mo'arahako mokomolusao aroa-Do i Ue, Ue Alano, ipotae, ”Tembio Ue tekuda-Miu kai tensila a bawaa-Miu, anu Iwawa iramo mpeluarako inso i wita Masiri a langkaino pabawa-Miu ka kae-Miu anu moroso?

Peluarakoa 6:2

Mepopokita Akumo ndi Burahima, ndi Saki ka ndi Yako nine Ongkuemo Ue Ala anu tedoa pabawa, sine ia nee-Ku Ue napi Kupepopoto'ori.

Peluarakoa 6:29

Ipotae i Musa ndi Ondae i Ue, ”Ongkue andio komba mia anu pande mpau, kana'umpe ta rumonge aku i Pirao?”

Peluarakoa 6:8

Ka i'amba i Musa pauako ira to Isaraeli, sine nahi domperorongeakono, hangano tedungkuomo aroado ka tedoa dompemobeao tepe'atado.

Peluarakoa 7:4

Tewala nahi perorongeakomiu i Pirao, Aku motiio kae-Ku moweeako ira pohuku anu mobea a nto Masiri, ka lumuarako ira mia-Ku, bawaa-Ku, to Isaraeli inso i wita Masiri.

Peluarakoa 7:5

To Masiri atuu iramo mento'orio nine Ongkuemo Ue, tewala Kupotiio kae-Ku a nto Masiri ka wawa ira to Isaraeli mpeluarako inso i olodo.”

Yesaya 9:12

Sine tongku atuu nahi dompepokule ndi Ondae anu tumunduhi ira, ka nahi dome'ungke Ira Ueno luwuakoano.

Yesaya 9:17

Mentee ntu'u, gau mosa'o melanga kana api anu kumaano pingko ewo ka rui, ka i'amba sumongkoo tonga ewo a ntobu ranta pebotono ahu membombo i wawono.

Yeremia 21:5

Ongkue isa'a metea umewaiakomiu kae tetande ka tokia anu moroso, saru tekuda, langano tekuda ka bamburu anu langkai.

Yeremia 27:5

Ongkuemo saru roso-Ku anu langkai ka tokiaku anu tetasiako mokogagio tolino, mia ka pinotuwu anu kongko i wawontolino, ka Kupeweengakono a mia anu mentee a pongkita-Ku.

Yeremia 32:21

Saru luwuno petondoni ka anu mengkinohali-haliako, saru kae anu moroso ka tokia anu tetande saru mongkokongiria anu langkai Iwawa iramo bawaa-Miu Isaraeli mpeluarako inso i wita Masiri.

Yehesikieli 20:33

A nee-Ku anu tuwu, kanandiomo pau-Do Ue Ala, Aku parentaakomiu kae anu moroso, tokia anu tetande, ka tekuda anu te'uwu.

WINEWEUDO TINENA 13:17

Ondae Ue Alado to Isaraeli andio Dobiniki iramo uempu'uto ka weweuo bawaa atuu gagi langkai, tempono dompo'ia i Masiri gagi mia mehawe. Saru kae-Do anu maramba Dowawa ira mpeluarako inso i wita atuu.

Winali 11:2

Pewowoloomo kanandio-andio, kupepau komba ndi ondae anamiu anu nahi domento'orio ka nahi domengkitao pohuku-Do i Ue, Ue Alamiu, pewowoloomo langkaino pabawa-Do, kae-Do anu moroso ka tokia-Do anu tetande,

Winali 15:15

Asalakono upewowoloo nine omue mbo'u i ndi'ipua ata i wita Masiri ka omue Dotolosiko i Ue, Ue Alamu. Onaemo pu'uno kuweeakomu parenta atuu a oleo andio.

Winali 26:8

Ka i'amba Ondae i Ue wawa kami mpeluarako inso i wita Masiri saru kae-Do anu moroso ka tokia-Do tetaangako, saru mongkokongiria anu langkai ka saru luwuno petondoni ka anu mengkinohali-haliako.

Winali 4:23

Impope'inandaimo, kasi mengkolupeo pedandia-Do iUe, Ue Alamiu anu wineweu-Do saru omiu, ka impoweweu tinaha kana hapamo koa anu inonto-Do i Ue, Ue Alamiu.

Winali 4:34

Horiokoake aasa ue ala mo'arahako aiwa ta mo'ala tiano aasa tongku inso i tonga-tongano tongku anu susua a mperupa-rupa po'arahako, petondoni, wineweu kinohali-haliako, ka peteaa, ka kae anu moroso ka tokia tetande, saru luwuno mongkokongiria langkai, kana anu wineweu-Do i Ue, Ue Alamiu ndi omiu i wita Masiri, i arono matamiu?

Winali 5:15

Asalakono impewowoloo nine omiu i ndi'ipua ata koa mbo'u i wita Masiri ka Dowawa komiu i Ue, Ue Alamiu mpeluarako inso i ra'ai saru kae moroso ka tokia tetande. Onaemo pu'uno, Ondae iUe, Ue Alamiu parenta komiu mpelangkaio oleo Saba.

Winali 6:12

onaemo ka impope'inandaimo kasi mengkolupe Ira i Ue, anu wawa komiu mpeluarako inso i wita Masiri, inso a ntepe'ataa.

Winali 7:19

Imengkitaakonomo matamiu luwuno po'ara-arahako langkai, luwuno petondoni ka anu mengkinohali-haliako, kae anu moroso ka tokia tetande anu pinake-Do i Ue, Ue Alamiu, wawa komiu mpeluarako. Kanatuumo mbo'u Ira weweuo i Ue, Ue Alamiu a luwuno tongku anu dinoitoakomiu.

Winali 7:8

Sine hangano Dopehohawa komiu i Ue ka Do'inio sumpa anu Dopauomo ndi ondae uempu'umiu, Dowawa komiumo i Ue mpeluarako saru kae-Do anu moroso ka tumolosi komiu inso a mpo'ianga tepe'ataa, inso a ngkaeno i Pirao, mokole i wita Masiri.

Winali 9:29

Kombake ondae atuu lano bawaa-Miu, anu mpelurako Iwawaako ira roso-Miu anu langkai ka saru tokia-Miu anu tetande?”