Peluarakoa 6:12 - Wunta Mempori

¹² Kanandiomo pau-Do i Ue ndi Musa ka ndi Haruni, ka tumena ira lumako a nto Isaraeli ka ndi Pirao, mokoledo to Masiri, ka domewinawa to Isaraeli mpeluarako inso i wita Masiri.

Peluarakoa 6:12 ပူးပေါင်းရင်းမြစ်များ

Peluarakoa 3:11

Sine i potae i Musa ndi Ondae Ue Ala, ”Isemake ongkue andio, ka aku tepohaweakono i Pirao ka wawa ira to Isaraeli mpeluarako inso i wita Masiri?”

Peluarakoa 3:13

Ka i'amba i Musa sumangki Ira Ue Ala, ”Sine tewala lumako aku a nto Isaraeli ka kupotaeako ira: Ondae Ue Alado uempu'umiu anu tumena aku aiwa ndi omiu, ka dompesikeno ndi ongkue; Isema nee-Do? Hapa aku sumangkiako ira?”

Peluarakoa 4:1

Ka i'amba sumangki i Musa, ”Kana'umpe ba mansa nahi dompe'ala-ala aku ka nahi domerongeo pinauku, ka domansa mpotae: Ondae i Ue nahi Dopepopokita ndi omue?”

Peluarakoa 4:10

Ka i'amba i Musa motae ndi Ondae i Ue, ”Tabea-Miu, Ue, ongkue andio, mompu'u i ndi'ipua, ka maupo umari-Miu mepau ndi ongkue, tetenaa-Miu andio, nahi kupande mpau, hangano ongkue mobea elo, nahi magasi mepau.”

Peluarakoa 6:13

Ndiomo luwuno petewawado asa mpinu'u anu mpepe'etu: i Rube, ana amba-ambano i Isaraeli, onaemo: i Heno, i Palu, i Heseroni ka i Karami. Ondaemo inuleno i Rube.

Peluarakoa 6:9

Umari atuu Ondae i Ue mepau ndi Musa,

Yesaya 6:5

Ka ku'amba motae, ”Masola akumo ntu'u! mate aku! Hangano ongkue andio asa mia anu mokoburu wiwino, ka ongkue mo'ia itonga-tongano tongku anu mokoburu wiwido, sine mataku kumita Iramo Ondae Mokole, Ueno luwuakoano.”

Yeremia 1:6

Ka kusangki, ”Oo, Ue Ala, menteeano nahi kupande mepau, hangano ongkue da mongura.”

Yeremia 6:10

Ndi semake asalakono aku mepau ka mompowee pepopoto'ori, ka dobehe mporonge? Mentee ntu'u, birino tetutuwi, nahi domporonge! Mentee ntu'u, pau-Do Ue gagi po'unde-unde, nahi dompe'eheo!

Yeremia 9:26

to Masiri, to Yehuda, to Edomi, inuleno i Amoni, to Moabi ka luwuno mia anu kumeruo wuuno a wiwi uluno, mia anu mpo'ia i pada one, hangano luwuno tongku atuu menteeano nahi dompetindi ka maupo luwuno suku Isaraeli nahi tinindi aroado.”

Imama 26:41

ka Ongkue mbo'u umewai ira ka wawa ira a witano iwalido ke tewala lembuino aroado anu motea atuu metuunduomo ka dome'owahio salado,

WINEWEUDO TINENA 7:51

Hei mia anu memotea ulu ka anu nahi petindi aroa ka biri, omiu wela me'ewaio Penaa Mempori, mengkena kana uempu'umiu, kanandio koa mbo'u omiu.

Winali 30:6

Ondae i Ue, Ue Alamu Ira balio aroamu ka aroado inulemu, ranta kai mpehohawa Ira i Ue, Ue Alamu tompaano aroamu ka tompaano tinuwumu, kai mentuwu.