Peluarakoa 5:6 - Wunta Mempori

⁶ Ia oleo koa atuu i Pirao parenta ira luwuno anu mpodagai mia mpo'angga dinadai a tongku atuu ka luwuno mandoro inso ndi ondae,

Peluarakoa 5:6 ပူးပေါင်းရင်းမြစ်များ

2 Tawarika 26:11

Hinao mbo'u sorodaduno i Usia anu polio metea, anu lumako metea a laro luwuno tepo'asaa montonda hadiono anu binurino i Yeieli, puu mpoburi ka i Ma'aseya puu mpodagai anu pinarentano i Hanania, asa mia tadulakono mokole.

Peluarakoa 1:11

Onaemo ka dompontiso anu mpodagai mia mpo'angga rodi anu ta dumadai ira ka dompo'angga mobea: ondae asalakono mewanguakono i Pirao kota Pitomi ka Ramese, ponaapa arataa.

Peluarakoa 3:7

Mepau Ira i Ue, ”Kukitaomo ntu'u marasaido bawaa-Ku i wita Masiri, ka Kurongeomo peboolido hangano wineweudo anu mpodagai mia mpo'angga. Kuto'oriomo ntu'u marasaido.

Peluarakoa 5:10

Melako iramo puu mpodagaido mia mpo'angga dinadai tongku atuu saru mandorodo anu gagi mandoro ka dompotaeako ira, ”Kanandio pauno i mokole Pirao: Nami aku moweeakomiu mbo'u seami.

Peluarakoa 5:19

Gagi dompokoto'oriomo mandoro to Isaraeli, nine ondae mpo'ia a laro masukaraa, hangano ipotaeako ira, ”Si mengkurangio hadiono watu tela, anu tinantuiomo ndi omiu sompo oleo.”

Peluarakoa 5:7

”Siimo mbo'u impoweeako ira tongku atuu seami weweuado watu tela, kana anu telaloomo andio. Po'inee ira ka domelako ondaedo mpopumpu seami,

Powadi 12:10

Mia mentee merioo tuwudo pinotuwuno, sine pe'aroano mia mosa'o gauno atuu mobobarasai.

Podoaa 11:16

Ka i'amba mepau Iramo i Ue ndi Musa, ”Pumpu iramo i aro-Ku inso i olodo luwuno mia memota'u Isaraeli pitu pulu mia, anu uto'orio gagi mia memota'uno tongku ka puu mpo'atora bawaano. Wawa iramo a Ngkema Tepotowoa, ka dompentade i ra'ai saru omue.

Winali 1:15

Umarino atuu ku'ala ira luwuno petewawa sukumiu, luwuno mia anu pande mpopewowolo ka hori iramo mpetewawa, ka kupotoro ira gagi petewawamiu. Ondae gagi petewawa asa nsowu mia, asa etu mia, lima pulu mia ka hopulu mia, saru mbo'u luwuno anu mpo'angga susua tiano sukumiu.

Winali 16:18

Luwuno puu mpobitara ka luwuno anu mpo'angga ndi ondae, asalakono potoro ira i luwuno kota anu Doweeakomiu i Ue, Ue Alamiu, montonda luwuno sukudo. Ondae asalakono mpopau kara-karado tongku atuu saru pomputusi anu mentee.

Yosua 24:1

Ka i'amba pumpu ira i Yosua luwudo tongku to Isaraeli i Sikemi. Ipoboi ira mia memota'u to Isaraeli, luwuno petewawado, puu mpobitara, ka tadulako. Ka dompentade i aro-Do Ue Ue Ala.

Yosua 24:4

Ndi Saki Kuweeakono i Yako ka i Esau. Ndi Esau Kuweeakono mentorukuno Seiri gagi tiano, i Yako ka luwuno anano lumako i wita Masiri.

Yosua 8:33

Luwudo to Isaraeli, mia memota'udo, petewawa ka puu mpobitara mpentade ira mompombali i horino burua pedandia, umaropi ira sando mpesomba inso ia tongku Lewi, mia mpowawa burua pedandia-Do i Ue, maupo mia mehawe, ka lano mia i tu'ai, tia oruano me'aro i torukuno Gerisi ka tia oruano mbo'u me'aro i torukuno Eba, kana petenano i Musa ndi'ipua, tetenaa-Do i Ue, ba ira mporonso to Isaraeli.