Peluarakoa 5:1 - Wunta Mempori

¹ Ka i'amba i Musa ka i Haruni lumako me'aro ndi Pirao, ka dopotae ndi onae, ”Kanandiomo pau-Do i Ue, Ue Alado to Isaraeli: Po'inee iramo bawaa-Ku melako mpoweweu pompelangkai ndi Ongkue i pada one.”

Peluarakoa 5:1 ပူးပေါင်းရင်းမြစ်များ

1 Mokole 21:20

Motae i Ahabi ndi Elia, ”Gagi uhawe akumo, hei iwaliku?” Sumangki, ”Lano kuhawekomo, hangano upe'ataomo karoimu moweweu anu mosa'o a pongkita-Do i Ue.

Po'unde-unde 119:46

Aku mepau mongkona luwuno pepopoto'ori-Miu i arodo luwuno mokole, ka nahi aku mokoko'ii.

Peluarakoa 10:3

Lumako iramo i Musa ka i Haruni me'aro ndi Pirao ka dopotae ndi onae, ”Kanandiomo pau-Do i Ue, Ue Alado to Ibarani: Da tehine ke, ka u'amba me'urumako i aro-Ku? Potola iramo bawaa-Ku ka domelako mpesomba ndi Ongkue.

Peluarakoa 10:4

Nde tewala u'onto ira bawaa-Ku melako, tisomo Aku mopotii kosume a wita poparentaamu;

Peluarakoa 10:9

Sumangki i Musa, ipotae, ”Luwu mami, maupo mia anu mongura ka mia mota'u, saru nana'ote mami tama ka beine ka pinotuwu mami, asa bawaa bembe bimba ka sapi mami, nde kami mpoweweu pompelangkai ndi Ondae i Ue.”

Peluarakoa 3:18

Tewala domperorongeakono pinaumu, lakomo saru luwuno mia memotota'udo to Isaraeli ndi mokole i wita Masiri, ka impotae ndi onae: Ondae i Ue, Ue Alado to Ibarani, hawe Iramo ndi omami; onaemo pu'uno, mpo'ema kami ndi omiu, i'eheakamimo melako i pada one otolu oleo pelempaa olaino, kami melako pompesombaako pesomba ndi Ondae i Ue, Ue Ala mami.

Peluarakoa 33:13

Kanandio-andio, tewala mohawe aku pompehohawa i aro-Miu, Ipauakune po'ehe-Miu ranta ka kuto'ori-Komiu, ka kukongko mpiha mohawe pompehohawa i aro-Miu. Ipewowoloo tongku andio bawaa-Miu.”

Peluarakoa 4:23

Onaemo ka Kupauakomu: Po'inee iramo ana-Ku atuu ka domelako, mpesomba ndi Ongkue. Sine tewala nahi ubehe ira, Aku mepateo ana akamu anu tama.”

Peluarakoa 6:11

Sine ipotae i Musa ndi Ondae i Ue, ”Sekonopo to Isaraeli nahi domperorongeakune, kana'umpe i Pirao ta rumonge aku, ongkue mia anu nahi pande mpau.”

Peluarakoa 6:27

Asa tempo mepau Ira i Ue ndi Musa i wita Masiri.

Peluarakoa 7:16

Pauakono: Ondae i Ue, Ue Alado to Ibarani, tumena aku aiwa pauakomiu: Po'inee iramo bawaa-Ku ka domelako mpesomba ndi Ongkue i pada one. Sine ranta hawe kanandio-andio nahi ubehe momperorongeako.

Peluarakoa 7:2

Asalakono kau pauakono luwuno anu Kutenaakomu, ka i Haruni, akamu, onae anu ta mepauakono i Pirao, ka ipo'inee iramo to Isaraeli melako inso i witano.

Peluarakoa 8:1

Mepau Ira i Ue ndi Musa, ”Lakomo ndi Pirao ka pauakono: Kanandiomo pau-Do i Ue: Po'inee iramo bawaa-Ku domelako, ka dompesomba ndi Ongkue.

Peluarakoa 8:16

Mepau Iramo i Ue ndi Musa, ”Pauakono i Haruni: Weroo ka ipesepiakono tukomu a awu wita, ka awu wita atuu ta gagi tiporo asa wawo wita Masiri.”

Peluarakoa 8:17

Onaemo ka doweweuo kanatuu. I Haruni weroo kaeno ka ipesepiakono tukono a awu wita, ka tiporo atuudo mpetako ira a mia ka pinotuwu. Luwuno awu wita gagi tiporo asa wawo wita Masiri.

Peluarakoa 8:20

Mepau Iramo i Ue ndi Musa. ”Pewangumo da mo'oru ka lakomo pe'aro ndi Pirao, tempono ipeluarako lumako a ngkorono, ka pauakono: Kanandio pau-Do i Ue: Po'inee iramo bawaa-Ku domelako, ka dompesomba ndi Ongkue.

Peluarakoa 8:27

Asalakono kami melako i pada one, otolu oleo pelempaa olaino, i ra'ai kami mpopesombaako pesomba mami ndi Ondae i Ue, Ue Ala mami, kana anu Dopauakami.”

Peluarakoa 9:1

Mepau Ira i Ue ndi Musa, ”Lakomo ndi Pirao ka pohaweakono: Kanandiomo pau-Do i Ue, Ue Alado to Ibarani: Po'inee iramo ka domelako bawaa-Ku, ka dompesomba ndi Ongkue.

Peluarakoa 9:2

Nde tewala u'onto ira mbo'u melako, ka kongkomu umonto ira,

Yesaya 25:6

Ondae Ueno luwuakoano Ira mompatinda i torukuno andio tiado luwuno tongku, asa pelimbua saru ninahu anu mentaba, asa pelimbua saru uwoi anggoro motu'a, ninahu anu mentaba ka me'unto wukulaa, anggoro motu'a anu tinirisa upeno.

Yehesikieli 2:6

Sine omue, anano mia, siimo doitoako ira ke maupo luwuno paudo, maupo omue saru ewo rui ka omue mo'ia umpeda kasi-kasi molea. Siimo doito rumongeo luwuno paudo ka siimo lingkauakono rupado, hangano ondae atuu suku anu mpe'ewa.

I MATIU 10:18

Ka hangano Ongkue, komiu mewinawa i'arodo anu mempabawa ka a mokole gagi sakosii ndi ondae ka a luwuno mia anu nahi domento'ori Ira Ue Ala.

I MATIU 10:28

Ka si medoitoako ira anu mokompopepate koroi, sine anu nahi pabawa mompepate sumanga; laluaopo imedoitoako Ira anu pabawa mompepate moiko sumanga maupo koroi a laro naraka.

WINEWEUDO TINENA 4:29

Ka kanandio-andio, oo Ue, Ikitaomo kana'umpe dompokodoito kami ka Ipokomosia iramo tetenaa-Miu ka domempaleleo pau-Miu.

1 KORINTI 5:8

Onaemo pu'uno aiwamo ka tompogawe, komba saru ragi anu tehineomo, komba mbo'u saru ragi mokoburua ka mosa'oa, sine saru roti anu nahi peragi, onaemo molinoa ka menteea.