Peluarakoa 4:5 - Wunta Mempori

⁵ ”Weweuomo atuu ka dompompe'ala-ala, nine Ondae i Ue, Ue Alado uempu'umiu, Ue Alano i Burahima, Ue Alano i Saki ka Ue Alano i Yako, umari Iramo mepopokita ndi omue.”

Peluarakoa 4:5 ပူးပေါင်းရင်းမြစ်များ

Tegagia 12:7

Tempo atuu Ondae i Ue mepopokita ndi Burama ka Dopepau, ”Wita andio Aku weeako ira inulemu.” Ka i'amba i tu'ai iwanguo meda pontunua pesomba ndi Ondae i Ue anu mepopokita Iramo ndi onae.

Tegagia 17:1

Tempono i Burama tinuwuno sio pulu ka osio nta'u, Ondae i Ue mepopokita ndi Burama ka Dopepau ndi onae, ”Ongkuemo Ue Ala Anu Tedoa Pabawa, tuwumo i aro-Ku saru nahina tataano.

Tegagia 18:1

Ondae i Ue mepopokita ndi Burahima umpeda a ngkeu tarabantino i Mamere, tempono onae mentoro a mpewowa kemano i tempo mokula ntu'u oleo.

Tegagia 26:2

Ka Do'amba i Ue mepopokita ndi onae saru mepau, ”Siimo lako i wita Masiri, po'iamo i wita anu Aku pauakomu.

Tegagia 28:13

Mentade Iramo Ue i horino ka mepau, ”Ongkuemo Ue, Ue Alano i Burahima, uempu'umu, ka Ue Alano i Saki. Wita pepomboleamu andio Aku weeakomu ka a inulemu.

Tegagia 48:15

Ironsoo i Yusupu, ipotae, ”Ueku i Burahima ka amaku i Saki, tuwu iramo i aro-Do Ue Ala, Ue Ala anu pakambi akumo a laro ntumuwuku hawe kanandio-andio,

Tegagia 48:3

Motae i Yako ndi Yusupu, ”Ondae Ue Ala Anu Tedoa Pabawa mepopokita Iramo ndi ongkue i Lusi i wita Kana'a ka Doronso aku,

1 Mokole 18:36

Ka i'amba tempono mompesombaako pesomba ngkiniwia, mentadeomo i nabi Elia ka ipotae, ”Oo Ue, Ue Alado i Burahima, i Saki ka i Isaraeli, po'ineeomo kai tino'ori oleo andio nine Omiumo Ue Ala i Isaraeli ka ongkue andio tetenaa-Miu, ka a mpau-Miumo kuweweuo luwuno andio.

2 Tawarika 20:20

Tisomono mo'o-mo'oru melako ira te'aro i pada one Tekoa. Mansano ira mpelungka, mentadeomo i Yosapa, ka ipotae, ”Rongeo, oo Yehuda ka palilino Yerusale! Impe'ala-ala Iramo i Ue, Ue Alamiu, ka komiu memoroso mpiha! Impe'ala-ala iramo nabi-Do, ka komiu mpehasili!”

Peluarakoa 19:9

Mepau Iramo i Ue ndi Musa, ”Onaemo pu'uno, Aku aiwa ndi omue a laro nseru anu mokapa, ka domerongeo tongku atuu ba Kupepau ndi omue, ka inso i ra'ai iramo mpe'ala-alako mpiha.” Tempono i Musa pauako Ira i Ue paudo tongku atuu,

Peluarakoa 3:15

Umarino atuu mepau Ira Ue Ala ndi Musa, ”Kanandio pauako ira to Isaraeli: Ondae i Ue, Ue Alado uempu'umiu, Ue Alado i Burahima, i Saki ka i Yako, tumena aku aiwa ndi omiu: onaemo nee-Ku ranta nahina tampulaano ka kanatuumo nee-Ku ranta mapa'api-api inulemiu.

Peluarakoa 3:16

Lakomo, pumpu ira mia memotota'u to Isaraeli ka pauako ira: Ondae i Ue, Ue Alado uempu'umiu, i Burahina, i Saki ka i Yako, mepopokita iramo ndi ongkue, ka Dopepau: Kuperiokomiumo, kanatuu koa mbo'u hapa anu wineweudo ndi omiu i wita Masiri.

Peluarakoa 3:18

Tewala domperorongeakono pinaumu, lakomo saru luwuno mia memotota'udo to Isaraeli ndi mokole i wita Masiri, ka impotae ndi onae: Ondae i Ue, Ue Alado to Ibarani, hawe Iramo ndi omami; onaemo pu'uno, mpo'ema kami ndi omiu, i'eheakamimo melako i pada one otolu oleo pelempaa olaino, kami melako pompesombaako pesomba ndi Ondae i Ue, Ue Ala mami.

Peluarakoa 3:4

Mansa-Do kumitao i Ue, i Musa pansia ta paresao, mebooli Iramo Ue Ala inso ia tongano ewo rui atuu ndi onae, ”Musa, Musa!” ka isangki, ”Ndio aku.”

Peluarakoa 3:6

Mepau Ira mbo'u i Ue, ”Ongkuemo Ue Alado uempu'umu, Ue Alado i Burahima, i Saki ka i Yako.” Ka i'amba i Musa tumutuwio rupano, nde doitono kumita Ira Ue Ala.

Peluarakoa 4:1

Ka i'amba sumangki i Musa, ”Kana'umpe ba mansa nahi dompe'ala-ala aku ka nahi domerongeo pinauku, ka domansa mpotae: Ondae i Ue nahi Dopepopokita ndi omue?”

Peluarakoa 4:31

Onae pu'uno ka dompompe'ala-alamo tongku atuu. Mansado merongeo, nine Doperio iramo i Ue ka Dokitaomo marasaido, onaemo ka dompenggolontu mpesomba.

Peluarakoa 4:4

Sine pau-Do i Ue ndi Musa, ”Weroo kaemu ka u'inio ikino.” Iweroo i Musa kaeno ka irakoo, ule atuu gagi tuko a ngkaeno.

Yesaya 7:9

Ka kota poparentaado to Eparai onaemo Samaria, petewawano Samaria onaemo anano i Remalia. Tewala nahi moroso pompe'ala-alamiu, mentee ntu'u nahi komiu merodo.”

Yeremia 31:3

Inso olai Ondae i Ue mepopokita ndi onae: Omue Kupehohawaakomu pompehohawa anu nahina tampulaano, onaemo pu'uno Kupotilaloakono pompehohawa-Ku ndi omue.

I YOHANE 11:15

sine Kupo'undeakono nahi Kukongko i tempo atuu, hangano kanandio moikoopo ndi omiu, ka impokompepaguru mpompe'ala-ala. Kanandio-andio aiwamo ka tomelako ndi onae.”

I YOHANE 11:42

Kuto'orio, nine Iwela merorongea-Kune, sine hangano mia hadio anu mpentade i ndi'ai melimbu Aku, Kupauo, ka dompe'ala-alao, nine Omiumo anu tumena Aku.”

I YOHANE 20:27

Ka Do'amba motaeakono i Toma, ”Naaomo wunga ngkaekumu i ndi'ai ka kitaomo kae-Ku, tasiomo kaemu ka winsoomo a lompe-Ku ka si nahi upompe'ala-ala mbo'u, tendeano pompe'ala-alamo.”

I YOHANE 20:31

sine luwuno anu tewinso i ndi'ai binuriomo, ka impe'ala-alao, nine Ondaemo i Yesu i Mesia, Ana-Do Ue Ala, ka impohawe tuwua a nee-Do hangano pompe'ala-alamiu.

I YOHANE 5:36

Sine hinao aasa ponsakosii-Ku anu lalu mentudu sekono ponsakosiino i Yohane, onaemo luwuno anggaa anu Doweea-Kune i Ama, ka Ku'anggao. Anggaa mbo'u atuu anu inangga-Ku kanandio-andio, ka onaemo anu sumakosiio mongkona Ongkue, nine Ondae i Ama anu tumena Aku.

WINEWEUDO TINENA 7:2

Sumangki i Setepanu, ”Hei pepaekompo ka ama luwumiu, imerongeomo! Ondae Ue Ala anu Tedoa Maramba mepopokita Iramo ndi Burahima uempu'uto, tempono da ipo'ia i Mesopotamia, se'eluno napi po'ia i Harani,

IBARANI 11:16

Sine kanandio-andio mpongkekewoi ira wita po'iangado anu lalu moiko onaemo aasa po'ianga suruga. Onaemo pu'uno nahi mokoko'ii-Do Ue Ala nineeako Ue Alado, hangano Dopatindaako iramo aasa kota.