Peluarakoa 4:31 - Wunta Mempori

³¹ Onae pu'uno ka dompompe'ala-alamo tongku atuu. Mansado merongeo, nine Doperio iramo i Ue ka Dokitaomo marasaido, onaemo ka dompenggolontu mpesomba.

Peluarakoa 4:31 ပူးပေါင်းရင်းမြစ်များ

Tegagia 17:3

Ka i'amba menggolontuomo mesomba i Burama, ka Ondae i Ue mepau ndi onae,

Tegagia 24:26

Ka i'amba menggolontuomo mia atuu mesomba ndi Ondae i Ue,

Tegagia 29:32

I Lea mentia, ka ipe'anaakono asa ana ntama, ineeakono i Rube, hangano ipotae, ”Menteeano Dokitaomo i Ue marasaiku; kanandio-andio manasa tamo kumekewoi aku tamaku.”

Tegagia 50:24

I Yusupu motaeako ira pepaekompono, ”Nahi tehine mbo'u akumo mate. Sine Ondae Ue Ala manasa Ira mekakaakomiu ka wawa komiu mpeluarako inso i wita andio a wita anu Dodandiakonomo sumpa ndi Burahima, ndi Saki ka ndi Yako.”

1 Tawarika 29:20

Ka i'amba mepauomo i Daudi a luwuno bawaa atuu, ”Unde-unde Iramo i Ue, Ue Alamiu!” Luwuno mbo'u bawaa umunde-unde Ira i Ue, Ue Alano uempu'udo. Mpenggolontu ira ka mpesomba ndi Ondae i Ue ka ndi mokole.

2 Tawarika 20:18

Umarino atuu menggolontuomo i Yosapa saru rupano a wita. Luwuno to Yehuda ka palilino Yerusale mbo'u mpenggolontu i aro-Do i Ue ka mpesomba ndi Ondae.

2 Tawarika 32:8

Kaeno koa mia anu kumongkomio, sekono anu kumongkomi kita Ondae i Ue, Ue Alato anu mokowali kita ka meteaakita.” Palili wali merodo hangano pauno i Hisikia, mokole i Yehuda atuu.

2 Tawarika 7:3

Mansado mengkitao luwuno to Isaraeli api atuu metii ka maramba-Do i Ue buketio raha atuu, mpenggolontu iramo a horo saru rupado a wita, ka do'amba mpetuundu mpesomba ka mpenaniako po'unde-unde tia-Do i Ue, ”Hangano Ondae moiko! Menteeano nahina tampulaano petenunu ka pompehogawa-Do.”

Nehemia 8:6

I Esera wileo wunta atuu domengkitao luwuno bawaa, hangano onae mentade lalu mantande inso a luwuno mia atuu. Tempono iwileo, luwuno mia mpentade.

Ayubi 1:20

Mentadeomo i Ayubi, berio lemba meloeno, ka kumeruo uluno, ka i'amba menggolontu ka mesomba.

Peluarakoa 12:27

Asalakono imempauako ira: Onaemo atuu pesomba Pasa melangkai ira i Ue, anu lumaloo rahado to Isaraeli i wita Masiri, tempono Dohuku ira to Masiri, sine ndi ontae tetolosi luwuno rahato.” Onaemo ka dompenggolontu to Isaraeli mpesomba.

Peluarakoa 14:31

Mansado mengkitao to Isaraeli, wineweu-Do i Ue anu mongkokongiri a nto Masiri, medoito iramo tongku atuu ndi Ondae i Ue. Ka i'amba dompompe'ala-ala ndi Ondae i Ue ka ndi Musa, tetenaa-Do atuu.

Peluarakoa 19:8

Luwuno tongku atuu mesangki mperonga-ronga, ”Luwuno anu pinau-Do i Ue kami meweweuo.” Ka i'amba i Musa mohaweo sangkido tongku atuu ndi Ondae i Ue.

Peluarakoa 19:9

Mepau Iramo i Ue ndi Musa, ”Onaemo pu'uno, Aku aiwa ndi omue a laro nseru anu mokapa, ka domerongeo tongku atuu ba Kupepau ndi omue, ka inso i ra'ai iramo mpe'ala-alako mpiha.” Tempono i Musa pauako Ira i Ue paudo tongku atuu,

Peluarakoa 2:25

Ondae Ue Ala mensiroi ira to Isaraeli atuu, ka Doperio ira.

Peluarakoa 3:16

Lakomo, pumpu ira mia memotota'u to Isaraeli ka pauako ira: Ondae i Ue, Ue Alado uempu'umiu, i Burahina, i Saki ka i Yako, mepopokita iramo ndi ongkue, ka Dopepau: Kuperiokomiumo, kanatuu koa mbo'u hapa anu wineweudo ndi omiu i wita Masiri.

Peluarakoa 3:18

Tewala domperorongeakono pinaumu, lakomo saru luwuno mia memotota'udo to Isaraeli ndi mokole i wita Masiri, ka impotae ndi onae: Ondae i Ue, Ue Alado to Ibarani, hawe Iramo ndi omami; onaemo pu'uno, mpo'ema kami ndi omiu, i'eheakamimo melako i pada one otolu oleo pelempaa olaino, kami melako pompesombaako pesomba ndi Ondae i Ue, Ue Ala mami.

Peluarakoa 3:7

Mepau Ira i Ue, ”Kukitaomo ntu'u marasaido bawaa-Ku i wita Masiri, ka Kurongeomo peboolido hangano wineweudo anu mpodagai mia mpo'angga. Kuto'oriomo ntu'u marasaido.

Peluarakoa 33:10

Sompo domengkitao luwuno tongku atuu seru-Do Ue Ala menaa-naa a mpewowano Kema atuu, mpentade ira ka dompenggolontu mpesomba, sompo mia a mpewowa kemano.

Peluarakoa 34:8

I Musa mansa menggolontuu i wita ka ipesomba.

Peluarakoa 4:5

”Weweuomo atuu ka dompompe'ala-ala, nine Ondae i Ue, Ue Alado uempu'umiu, Ue Alano i Burahima, Ue Alano i Saki ka Ue Alano i Yako, umari Iramo mepopokita ndi omue.”

Sepanya 2:7

Wita atuu ta gagi tiado luwuno toreano suku Yehuda. Ira mpopakambi i ra'ai ka mpepombole a luwuno raha i Asikeloni tempono owowa oleo. Hangano Ondae i Ue, Ue Alado Ira mekakaako ira ka wali mokomoikoo teweweudo.

I LUKASI 1:68

”Inunde-unde Iramo i Ue, Ue Alado to Isaraeli, hangano hawe Ira kumitao bawaa-Do ka mowawaako ira tolaa,

I LUKASI 8:13

Anu tedonta a wita anu melaro watu atuu onaemo mia, anu mansado merongeo pau atuu, mawongko aroado mentarimao, sine ondae atuu nahi pehaka, sarai koa dompe'ala-alao ka a tempo po'ara-arahakoa mpeposuka ira.

Ruti 1:6

Nahi tehine mepatindaomo saru orua ira ponino, ira mpekule inso i wita Moabi, nde irongeo motae dopehohawa iramo i Ue bawaa-Do ka moweeako ira kaanga.