Peluarakoa 4:13 - Wunta Mempori

¹³ Sine i potae i Musa, ”Tabea-Miu Ue, Ipontenamo isemamo koa anu Komiu tumenao.”

Peluarakoa 4:13 ပူးပေါင်းရင်းမြစ်များ

Tegagia 24:7

Ondae i Ue, Ue Alano asa wawo langi, Dopoboi akumo inso a rahado amaku ka inso i witado pepaekompoku, ka mepau Iramo ndi ongkue, saru mesumpa, kanandio, ’A inulemu Aku meweengakono wita andio.’ Ondaemo anu montena Mala'eka-Do melempa i aromu, ranta ka upokompo'alaakono inso i ra'ai beineno anaku.

Tegagia 41:35

Ondae asalakono mepumpuo luwuno kaanga i larono luwuno ta'u moiko anu ta hawe andio ka itotono pabawamiu ueku Pirao, mehowuo gandu a luwuno kota gagi kaanga, ka menaao.

Tegagia 48:16

ka kana Mala'eka anu motola akumo inso a luwuno masolaa, Po'ineeomo Ondae anu rumonso ira mia mongura andio. Po'ineeomo neeku saru needo ueku ka amaku, i Burahima ka i Saki, telele hangano ondae ka ira tetiangi hadiodo i tolino.”

1 Mokole 19:4

Sine onae lumako i pada one asa oleo pelempaa olaino. Hawe ka ipentoro i totono keu arari. Onae mo'ema kai mate, ipotae, ”Sompoomo! Kanandio-andio, oo Ue, I'alaomo penaaku, hangano ongkue andio komba laluaopo moiko sekono uempu'uku.”

Peluarakoa 23:20

”Aku montena mala'eka melempa i aromiu, kumongkomi komiu a nsala ka wawakomiu a mpo'ianga anu Kupatindaomo.

Peluarakoa 4:1

Ka i'amba sumangki i Musa, ”Kana'umpe ba mansa nahi dompe'ala-ala aku ka nahi domerongeo pinauku, ka domansa mpotae: Ondae i Ue nahi Dopepopokita ndi omue?”

Peluarakoa 4:12

Onaemo pu'uno, lakomo, Aku koa tumulungio elomu mepau ka paguruakomu, hapa anu ta pinaumu.”

Peluarakoa 4:14

Tensilaomo tekuda-Do i Ue ndi Musa, onaemo ka Dopepau, ”Nde nahi kongkoke akamu i Haruni to Lewi atuu? Kuto'orio, nine onae pande mepau. Ka melungkaomo aiwa tepohawekomu, tewala ikitako, ta mawongko aroano.

Yeremia 1:6

Ka kusangki, ”Oo, Ue Ala, menteeano nahi kupande mepau, hangano ongkue da mongura.”

Yeremia 20:9

Tewala mompewowolo aku, ”Nahi kubehe mewowolo Ira ka nahi kubehe mbo'u mepau a nee-Do,” onaemo pu'uno i laro aroaku hinao asa kana api anu tensila, te'uko a laro wukuku. Kuperokuhiakono meteao, sine nahi kupolio.

Yunu 1:3

Sine i Yunu molai lumako i Tarasisi, olai inso i aro-Do i Ue. Onae lumako i Yapo ka ihaweo i ra'ai asa kapala anu ta melungka lumako i Tarasisi. I'owahio sewano pelempaano, ka i'amba mewuatako a ngkapala atuu lumako i Tarasisi merongaako ira, olai inso i aro-Do i Ue.

Yunu 1:6

Haweomo petewawa a ngkapala atuu tepohaweakono ka ipotae, ”Kana'umpe omue mokompoturi rodo ntu'u? Pewangumo, peboolimo ndi Ondae Ue Alamu, bara'ura Ondae Ue Ala atuu Ira merio kita, kasi tomemasola.”

I MATIU 13:41

I Ana Manusia ta tumena ira mala'eka-Do pumpuo luwuakoano anu mompopo'oo ka luwuno mia anu moweweu mosa'o inso a laro Poparentaa-Do.

I YOHANE 6:29

Sumangki Ira i Yesu, ”Ndiomo anggaa anu inehe-Do Ue Ala, onaemo ka impe'ala-ala Ira anu tinena-Do Ue Ala.”

Puu Mpobitara 2:1

Ka i'amba Mala'eka-Do i Ue lumako inso i Giliga tetutu i Bokohi ka mepau, ”Kukongkomi komiumo mpeluarako inso i Masiri ka Kuwawa komiu ia wita anu Kudandiakomiu saru sumpa ndi ue mpu'umiu. Mepau Akumo: Komba Aku balio pedandi-Ku ndi omiu ranta nahina tampulaano,