Peluarakoa 4:12 - Wunta Mempori

¹² Onaemo pu'uno, lakomo, Aku koa tumulungio elomu mepau ka paguruakomu, hapa anu ta pinaumu.”

Peluarakoa 4:12 ပူးပေါင်းရင်းမြစ်များ

Po'unde-unde 105:26

Dotenao i Musa, tetenaa-Do ka i Haruni anu Dobinikiomo;

Po'unde-unde 143:10

Ipaguru akumo weweuo po'ehe-Miu, hangano Omiumo Ue Alaku! Po'ineeomo Penaa-Miu anu moiko atuu tumaate aku a wita anu merete!

Po'unde-unde 32:9

Si kana ngara ke bagali anu nahina akalano, anu asalakono inatoraako koloro ka sama, tewala naahi, onae nahi ta umpedaakomu.

Peluarakoa 3:12

Onaemo ka Dopepau i Ue, ”Aku koa kumongkomiko! Ndiomo petondoni ndi omue, nine ongkue anu tumenako; Tewala uwawa iramo tongku atuu mpeluarako inso i wita Masiri, komiu mpesomba ndi Ondae Ue Ala i torukuno andio.”

Peluarakoa 4:13

Sine i potae i Musa, ”Tabea-Miu Ue, Ipontenamo isemamo koa anu Komiu tumenao.”

Peluarakoa 4:15

Asalakono kau pepau ndi onae ka pauakono hapa anu ta pinaumu; Aku koa tumulungio elomu ka elono mepau. Aku koa paguruakomiu hapa anu ta wineweumiu.

Peluarakoa 4:16

Onae anu ta mepauakomu a tongku atuu. Gagi kanandio onae ta gagi puu mpepaumu ka omue ta rumekeko kana Ue Ala ndi onae.

Yesaya 49:2

Doweweuo ngangaku kana ponai montaso ka mekaria aku a pokongkomino kae-Do. Dopokogagi aku ana mpana anu montaso ka wuni aku a laro ngkadu pana-Do.

Yesaya 50:4

Ondae Ue Ala Dopoweeakunemo elono asa mia ana guru, kai butu pau kupolio moweeakono roso mia anu telusa molema. Mo'oru me'eu mo'oru Dopokomontasoo porongeku ka kuporonge kana asa ana guru.

Yeremia 1:9

Ka Do'amba i Ue weroo kae-Do umanggao ngangaku. Ondae i Ue mepau ndi ongkue, ”Menteeano Kunaao luwuno pau-Ku a laro ngangamu.

Podoaa 16:28

Umarino atuu motaeomo i Musa, ”Anumo kanandio komiu mento'orio, nine ongkue tinena-Do i Ue weweuo luwuno wineweu andio, ka mongkona atuu komba tinooku ongkueku.

I MARAKUSU 13:11

Ka tewala mewinawa komiu ka pineweengako, si mensalalaro ta hapa anu asalakono komiu mempauo, sine imempauomo hapa anu imewineeako i tempo koa mbo'u atuu, hangano komba omiu anu mpepau tendeano Penaa Mempori.

I LUKASI 11:1

Pohona Ondae i Yesu kontongaa-Do mekakai i aasa po'ianga. Mansa-Do menaa-naa mekakai, motaemo aasa ana guru-Do ndi Ondae, ”Ue, Ipaguru kamimo mpekakai, mengkena kana anu ipaguruako ira i Yohane a ana guruno.”

I YOHANE 14:26

sine Pontarero, onaemo Penaa Mempori, anu ta tinena-Do i Ama a neeKu, Ondaemo anu Ira paguruakomiu luwuakoano ka Ira mopoto'oriakomiu luwuno anu Kupauakomiu.

EPESU 6:19

saru mbo'u ongkue, nde tewala ku'ungkahio ngangaku, ka kupinoweeako pau anu mentee, ka kumosia paleleo rahasiano Lele Mawongkoa,

Winali 18:18

Asa nabi Aku tumenaako ira i olono pepaekompodo, kana ongkue andio. Aku numaao pau-Ku a laro ngangano, ka onae ta pauako ira luwuno anu Kuparentaakono.