Peluarakoa 32:9 - Wunta Mempori

⁹ Ka Do'amba mepau i Ue ndi Musa, ”Kukita iramo tongku andio. Mentee ntu'u, ondae tongku anu me'ulu watu.

Peluarakoa 32:9 ပူးပေါင်းရင်းမြစ်များ

2 Mokole 17:14

Sine nahi dobehe pomperorongeako, mpe'ulu watu ira kana uempu'udo anu nahi dompe'ala-ala Ira i Ue, Ue Alado.

2 Tawarika 30:8

Kanandio-andio, siimo impe'ulu watu kana uempu'umiu. Peweengakonomo koroimiu ndi Ondae i Ue. Aiwamo a mpo'ianga mempori anu Dopokomemporiomo ranta nahina tampulaano, ka impesombamo ndi Ondae i Ue, Ue Alamiu, ka tebinta inso a ngkoroimiu tekuda-Do anu tensila.

Nehemia 9:16

Sine ondae, uempu'umami atuu mpompelangka-langkai, memotea ulu, ka nahi domentondao luwuno parenta-Miu.

Nehemia 9:17

Nahi dobehe mentondao parenta-Miu ka nahi dompewowoloo wineweu anu kinohali-haliako anu umariomo Iweweuo i olodo. Memotea ulu ira tendeano mpedada ira mpekule a ntepe'ataa i Masiri. Sine Omiumo Ue Ala anu mo'ampuni, mompehohawa, sabara, ka nahi otu-otu pompehohawa-Do. Nahi hori binta ira.

Po'unde-unde 78:8

ka si kana uempu'udo, inule anu humapu Ira i Ue ka me'ewa, inule anu nahi rodo aroado ka nahi moroso dompe'ini ndi Ondae Ue Ala.

Peluarakoa 33:3

Komiu mpewinso a wita anu hadio susu ka siu hoani. Sine nahi Aku melempa i olomiu, kasi Kupepatekomiu a nsala, hangano omiu tongku anu me'ulu watu, kasi Kuropu komiu a nsala.”

Peluarakoa 33:5

Mepau Iramo i Ue ndi Musa, ”Pauako ira to Isaraeli: Omiu tongku anu me'ulu watu, ande-andeno melempa Aku i olomiu maupo tesarai, manasa Kuropu komiu. Kanandio-andio imelolohio peramba-ramba miu, ka Aku mokomanasao hapa anu ta wineweu-Ku ndi omiu.”

Peluarakoa 34:9

Ipotae, ”Tewala mohawe aku pompehohawa i aro-Miu, oo Ue, Ikongkomi kamimo, oo Ue. Lano tongku andio me'ulu watu, sine I'oninio sala ka hala mami, ka Ipokogagi kamimo bawaa-Miu.”

Powadi 29:1

Isema me'ulu watu, maupo mohaweomo pongkuahako, ta mepobingko sinolangi ka nahi pinokompomule mbo'u.

Yesaya 48:4

Hangano Kuto'orio, nine omue motea aroa, motea ulu ka me'ulu watu,

Yeremia 13:27

Ponsosabomu ka pekiilimu, mokoburuno pebelesumu i wawono pongku ka pada, luwuno wineweumu anu mokoburu atuu Kukitaomo. Masola komo ntu'u, hei Yerusale, hawe opiapo mbo'uke tempono ka u'amba gagi morina?

Hosea 6:10

I olodo to Isaraeli Kukitaomo luwuno mongkona anu mongkokongiri; i ra'ai pebelesuano i Eparai, i Isaraeli weweuo koroino mokoburu.

Podoaa 14:11

Pau-Do i Ue ndi Musa, ”Hawe te'ipia mbo'u domentata Aku tongku andio ka hawe te'ipia mbo'u nahi domebehe mpompe'ala-ala ndi Ongkue, maupo hinaomo luwuno anu kinohali-haliako anu Kuweweuo i tonga-tongado!

WINEWEUDO TINENA 7:51

Hei mia anu memotea ulu ka anu nahi petindi aroa ka biri, omiu wela me'ewaio Penaa Mempori, mengkena kana uempu'umiu, kanandio koa mbo'u omiu.

Winali 10:16

Onaemo pu'uno imebaliomo aroamiu ka siimo mbo'u impe'ulu watu.

Winali 31:27

Hangano kuto'orio motea aroamu ka mpe'ulu watumu. Sekonopo kanandio-andio, da tuwu aku saru omiu, memotea aroa komiumo ndi Ondae i Ue, tamoako te'ingka tewala mate akumo!

Winali 9:13

Mepau Ira mbo'u i Ue ndi ongkue, ”Kukita iramo tongku andio ka menteeano ondaemo tongku mpe'ulu watu.

Winali 9:6

Gagi imento'oriomo, nine komba hangano menteemiu Ondae i Ue, Ue Alamiu weeakomiu wita anu moiko atuu kai mpetorokio. Menteeano omiu tongku anu me'ulu watu!