Peluarakoa 32:8 - Wunta Mempori

⁸ Tedoa ira ronga mepansia inso a nsala anu Kuparentaako ira. Mpoweweu iramo ana nsapi tinawa ka dompenggolontu mpesombaio. Mpopesombaako ira pesomba ndi onae, ka dompotae: Hei Isaraeli ndiomo Ue Alamiu anu tumaate komiu mpeluarako inso i wita Masiri.”

Peluarakoa 32:8 ပူးပေါင်းရင်းမြစ်များ

1 Mokole 12:28

Umarino mo'ema patudu, ondae mokole moweweu orua ana nsapi laki inso a wulaa. Ka i'amba motae ndi ondae, ”Sompoomo tehineno imelako i Yerusale. Hei Isaraeli, imengkitaomo pinesombaimiu anu wawakomiu mpeluarako inso i wita Masiri.”

Nehemia 9:18

Tamoako tempono dompoweweu ana nsapi tinawa ka dompotae, ’Ndiomo Ue Alamiu anu wawa komiu mpeluarako inso i Masiri’, ka mpoweweu anu tedoa mosa'o,

Po'unde-unde 106:19

Mpoweweu ira ana nsapi i Horebi, ka mpenggolontu mpesomba a ntinaha tinawa;

Po'unde-unde 78:36

Sine dopopo'ooako Ira ngangado, ka saru elodo mpegaupi ira ndi Ondae.

Peluarakoa 20:23

Si mpoweweu lahumoa pesombaamiu mpongkenao saru Ongkue; inso a nsalaka ke inso a wulaa, si mpoweweu.

Peluarakoa 22:20

Isema anu mompesombaako pesomba a pinseombai susua sangkadio ndi Ondae i Ue, asalakono pinokotampula.”

Peluarakoa 32:4

Itarimao inso a ngkaedo, ka iweweuo tinadeno mompake parewa ka iweweuo ana nsapi wulaa tinawa. Ka do'amba mpotae, ”Hei Isaraeli ndiomo Ue Alamiu, anu tumaate komiu mpeluarako inso i wita Masiri!”

Peluarakoa 34:15

Si mansa mpoweweu pedandia saru palili i wita atuu, hangano tewala mpososabo ira mpetonda a anu pinesombaido ka mpompesombaako pesomba a anu pinesombaido atuu, ba domansa me'olu komiu ka impetonda mpongkaa pesombado anu sinumbele.

Yesaya 46:6

Mia morawo wulaa inso a ngkotikano ka mongkati salaka mompake neraca. Ondae mpotambo puu mpo'angga wulaa ka ipoweweu pinesombai susua inso a mparewa atuu, ka do'amba mpesombaio, ka mpenggolontu ndi onae.

Yeremia 31:32

komba kana pedandia anu Kuwutuomo saru uempu'udo i tempono Ku'inio kaedo wawa ira mpeluarako inso i wita Masiri. Pedandia-Ku atuu domehapuomo, maupo Ongkue gagi uedo, kanandiomo pau-Do i Ue.

Imama 17:7

Siimo mbo'u dompopesombaako pesombado a onitu kana bembe, hangano mesomba a onitu bembe onaemo monsosabo. Onaemo atuu anu asalakono gagi pompakosi ranta nahina tampulaano ndi omiu hawe a inulemiu.

Winali 32:17

Ondae mpopesombaako pesomba a penaa mosa'o anu komba Ue Ala, a pinesombai anu nahi domento'orio, pinesombai wo'ohu anu napi tehine ipe'umbaako, anu nahi domedoitoakono uempu'umiu.

Winali 9:12

Ka Do'amba mepau i Ue ndi ongkue, ”Rongamo petii inso i ndi'ai, hangano tongkumu anu winawamu mpeluarako inso i wita Masiri, mosa'oomo gaudo. Ronga iramo ntu'u mepansia inso a nsala anu Kuparentaako ira. Mpoweweu iramo tinaha tinawa.”

Winali 9:16

Kukitao nine mentee ntu'u mpoweweu komiumo hala ndi Ondae i Ue, Ue Alamiu: mpoweweu komiumo asa ana nsapi tinawa. Ronga komiu mepansia inso a nsala anu Doparentaa komiu i Ue.

Yosua 22:15

Mansado mehawe ia inuleno i Rube, inuleno i Gadi, tongku Manase anu asantia atuu, mpotae iramo ia mia tuudo, kanandio,

Puu Mpobitara 2:17

Sine puu mpobitara atuu nahi domperioo koa mbo'u, hangano ponsosabo ira ka domentondao anu pinesombai susua ka mpesombaio. Ronga ira mepansia inso ia nsala anu tinondado mia mpu'udo anu mpomperorongeako songka-Do i Ue; nahi dompoweweu kana ue mpu'udo.

Puu Mpobitara 8:24

Motae mbo'u i Gideo ndi ondae, ”Asa koa kumingki umemao ndi omiu: Ipada mpeweengakono ndi ongkue tole-tole anu pinomurumiu.” Iwali atuu lano mpetole-toleako ira wulaa, nde ondae to Isumaeli.