Peluarakoa 32:7 - Wunta Mempori

⁷ Mepau Iramo i Ue ndi Musa, ”Te'alamo petii, hangano tongkumu anu winawamu mpeluarako inso i wita Masiri, mosa'oomo gaudo.

Peluarakoa 32:7 ပူးပေါင်းရင်းမြစ်များ

2 Tawarika 27:2

Onae moweweu hapa anu mentee a pongkita-Do i Ue, mengkena kana anu wineweuno i Usia, amano; butu koa nahi pewinsokio raha-Do i Ue. Sine palili da mpoweweu hala anu modontai.

Po'unde-unde 78:36

Sine dopopo'ooako Ira ngangado, ka saru elodo mpegaupi ira ndi Ondae.

Peluarakoa 19:24

Mepau Ira i Ue ndi onae, ”Lakomo, petiimo, ka u'amba mewuatako saru i Haruni, sine luwuno sando mpesomba ka palili nahi moiko dompotilalo mporake umpedaako Ira i Ue, kasi Doropu ira.”

Peluarakoa 32:1

Mansado mengkitao tongku atuu, nine i Musa tehineomo nahi hori metii inso i torukuno atuu, mpepumpu iramo melimbuo i Haruni ka dompotaeakono, ”Aiwa, poweweuakami Ue Ala anu ta melempa i aromami. Hangano i Musa, mia anu wawa kita mpeluarako inso i wita Masiri, nahi kimento'orio hapa anu gagi ndi onae.”

Peluarakoa 32:11

Sine i Musa mo'arahako mokomolusao aroa-Do i Ue, Ue Alano, ipotae, ”Tembio Ue tekuda-Miu kai tensila a bawaa-Miu, anu Iwawa iramo mpeluarako inso i wita Masiri a langkaino pabawa-Miu ka kae-Miu anu moroso?

Peluarakoa 32:4

Itarimao inso a ngkaedo, ka iweweuo tinadeno mompake parewa ka iweweuo ana nsapi wulaa tinawa. Ka do'amba mpotae, ”Hei Isaraeli ndiomo Ue Alamiu, anu tumaate komiu mpeluarako inso i wita Masiri!”

Peluarakoa 33:1

Mepau Iramo i Ue ndi Musa, ”Impelungkamo inso i ndi'ai, omue saru tongku anu winawamu mpeluarako inso i wita Masiri, a wita anu Kudandiomo mesumpa ndi Burahima, ndi Saki ka ndi Yako, kanandio: A inulemu Aku meweengakono wita andio.

Yesaya 1:4

Masola ntu'u tongku anu tehala, bawaa anu bukeako sala, inuledo mia anu melolambaha, mia anu mpoweweu mokoburu! Domebinta Ira i Ue, tumata Ira Anu Tedoa Mempori, Ue Alado to Isaraeli, ka mpewolili mpebungkui Ira.

Danieli 9:24

Pinakosiomo pitu pulu meluka opitu tempo a tongkumu ka a ngkotamu anu mempori, mokotampulao gau mosa'o, mokompenaa-naao hala, pahihio sala, ka ihawe moleoa anu nahina tampulaano, umihiio pongkita ka pinau anu ta gagi, umurapio anu tedoa mempori.

Hosea 9:9

Tedoa ondalo domepansia kana a luwuno oleo Gibea; Ira mototoio salado ka ta hinuku halado.

Winali 31:29

Hangano kuto'orio, tewala mate akumo, komiu mpoweweu tedoa mokoburu ka mepansia inso a nsala anu kutenaakomiu. I lembuino masolaa ta umalukomiu, tewala mpoweweu komiu anu mosa'o a pongkita-Do i Ue, ka mpokotesingkao tekuda-Do hangano wineweuno kaemiu.”

Winali 32:5

Mpoweweu ira mokoburu ndi Ondae, komba ana-Do mbo'u hango hinao tataado, asa ntuwua anu molengku ka mpelelengkupi.

Winali 4:16

kasi mpogau mokoburu saru mpoweweu tinaha anu kana lahumoa hapamo koa: ke merupa tama ke beine;

Winali 9:12

Ka Do'amba mepau i Ue ndi ongkue, ”Rongamo petii inso i ndi'ai, hangano tongkumu anu winawamu mpeluarako inso i wita Masiri, mosa'oomo gaudo. Ronga iramo ntu'u mepansia inso a nsala anu Kuparentaako ira. Mpoweweu iramo tinaha tinawa.”

Winali 9:8

I Hore ipokotesingkaomo tekuda-Do i Ue, tendeano tekuda Ira ntu'u i Ue ndi omiu, ranta Iramo rumopu komiu.

Puu Mpobitara 2:19

Sine ba puu mpobitara atuu mate, wali ira mpoweweu anu mosa'o, laluaopo sekono ue mpu'udo, mentondao anu pinesombai susua; mpesomba ira a anu pinesombai atuu ka mpenggolontu mpesombaio. Nahi dompenaa-naakono wineweudo ka leludo anu mpe'ulu watu.