Peluarakoa 32:4 - Wunta Mempori

⁴ Itarimao inso a ngkaedo, ka iweweuo tinadeno mompake parewa ka iweweuo ana nsapi wulaa tinawa. Ka do'amba mpotae, ”Hei Isaraeli ndiomo Ue Alamiu, anu tumaate komiu mpeluarako inso i wita Masiri!”

Peluarakoa 32:4 ပူးပေါင်းရင်းမြစ်များ

1 Mokole 12:28

Umarino mo'ema patudu, ondae mokole moweweu orua ana nsapi laki inso a wulaa. Ka i'amba motae ndi ondae, ”Sompoomo tehineno imelako i Yerusale. Hei Isaraeli, imengkitaomo pinesombaimiu anu wawakomiu mpeluarako inso i wita Masiri.”

1 Mokole 12:32

Ka i'amba i Yerobea pakosio asa oleo langkai a oleo anu kohopulu ka olima wula ko'oalu, mengkena kana oleo langkai i Yehuda, ka onaeno mewuatako a ensano pontunua pesomba atuu. Kanandiomo iweweuo i Beteli. Ipesombaakono pesomba a luwuno ana nsapi anu wineweunomo atuu. Itena ira mbo'u sando mpesomba a mpo'ianga po'unde-undea anu iweweuomo.

2 Mokole 10:20

Motae mbo'u i Yehu, ”Impesusuaomo tepumpua langkai ndi i Ba'ala!” Onaemo ka domempaleleo.

2 Mokole 10:29

Butumo koa, i Yehu nahi bintao luwuno halano i Yerobea anano i Nebati, onaemo hala mesombaia ira tinaha anano nsapi wulaa anu i Beteli ka anu i Dani, anu poko'ariano to Isaraeli mpoweweu mbo'u hala.

2 Tawarika 11:15

ka mpontoro ira sando mpesombado tiano a mpesombaa, a bembe ka a ana nsapi laki anu wineweuno.

2 Tawarika 13:8

Kanandio-andio impewowoloo nine komiu mempolio umaropio poparentaa-Do i Ue, anu a laro ngkaeno inuleno i Daudi, hangano mehadio komiu ka kongko ndi omiu anano sapi wulaa anu wineweuno i Yerobea gagi pesombaamiu.

Nehemia 9:18

Tamoako tempono dompoweweu ana nsapi tinawa ka dompotae, ’Ndiomo Ue Alamiu anu wawa komiu mpeluarako inso i Masiri’, ka mpoweweu anu tedoa mosa'o,

Peluarakoa 20:2

”Ongkuemo Ue, Ue Alamu, anu wawakomiu mpeluarako inso i wita Masiri, inso a ntepe'ataa.

Peluarakoa 20:23

Si mpoweweu lahumoa pesombaamiu mpongkenao saru Ongkue; inso a nsalaka ke inso a wulaa, si mpoweweu.

Peluarakoa 20:4

Si mpoweweu lahumoa anu mengkena hapamo koa anu i langi i wawono, ke anu i tolino i totono, ke anu mpo'ia a laro uwoi itotono tolino.

Peluarakoa 28:11

Mengkena kana puu mponggori paramata monggori sinsi pontondoni, asalakono kau nggorio needo luwuno anano i Isaraeli a orua paramata atuu. Asalakono paramata atuu tanggoakono simpi wulaa.

Peluarakoa 28:9

Omue asalakono mo'ala orua paramata kerisopara ka nggorio needo luwuno anano i Isaraeli a mparamata atuu,

Peluarakoa 32:1

Mansado mengkitao tongku atuu, nine i Musa tehineomo nahi hori metii inso i torukuno atuu, mpepumpu iramo melimbuo i Haruni ka dompotaeakono, ”Aiwa, poweweuakami Ue Ala anu ta melempa i aromami. Hangano i Musa, mia anu wawa kita mpeluarako inso i wita Masiri, nahi kimento'orio hapa anu gagi ndi onae.”

Peluarakoa 32:24

Onaemo ka kupotaeako ira, ”Isema anu hinao wulaano asalakono ilolohio ka ipeweengakono ndi ongkue. Kupetendeakono a laro api, meluarakoomo anano sapi andio.”

Peluarakoa 32:3

Ka do'amba luwuno tongku atuu melolohio tole-tole wulaa a birido ka domewawao ndi Haruni.

Peluarakoa 32:35

Kanatuumo Dohuku ira i Ue tongku atuu, hangano hapa anu wineweudo a ana nsapi wineweuno i Haruni.

Peluarakoa 32:5

Mansano kumitao i Haruni anu gagi atuu, mowanguomo meda pontunua pesomba i arono ana nsapi atuu. Ka i'amba mebooli, ”Tisomo oleo langkai-Do i Ue!”

Peluarakoa 32:7

Mepau Iramo i Ue ndi Musa, ”Te'alamo petii, hangano tongkumu anu winawamu mpeluarako inso i wita Masiri, mosa'oomo gaudo.

Peluarakoa 32:8

Tedoa ira ronga mepansia inso a nsala anu Kuparentaako ira. Mpoweweu iramo ana nsapi tinawa ka dompenggolontu mpesombaio. Mpopesombaako ira pesomba ndi onae, ka dompotae: Hei Isaraeli ndiomo Ue Alamiu anu tumaate komiu mpeluarako inso i wita Masiri.”

Yesaya 30:22

Omue komokoburuako ira tinahamu anu mewaluako salaka ke luwuno lahumoamu anu me'apiiako wulaa; onae kotumadio kana sawu hawe wulano beine saru motaeakono, ”Polaimo!”

Yesaya 46:6

Mia morawo wulaa inso a ngkotikano ka mongkati salaka mompake neraca. Ondae mpotambo puu mpo'angga wulaa ka ipoweweu pinesombai susua inso a mparewa atuu, ka do'amba mpesombaio, ka mpenggolontu ndi onae.

Yehesikieli 23:8

Onae nahi bintao pebelesuno mompu'u inso i Masiri. Hangano tempono imongura dompewowaliakonomo mia, ka ondae me'ini-inio rada moondono saru mpoweeo pebelesudo ndi onae.

Hosea 10:5

Palilino Samaria mpondidi-ndidi, medanggaraakono ana nsapi Beti-Aweni. Mentee ntu'u, palilino ira mpompemasusaakono, ka luwuno sando mpesombano ira mensabangio, hangano marambano meliahakoomo inso ndi onae.

Hosea 13:2

Maupo kanandio-andio tepahe ira ntehala, ka moweweu tiano koroino tinaha tinawa inso a nsalaka saru luwuno lahumoa, montonda saru ponto'orido; luwuno atuu wineweudo mia mpande mpoweweu. Pesombaakonomo pesomba ndi ondae!, paudo mia. Moikoomo mia woo-wooo ana nsapi!

WINEWEUDO TINENA 17:29

Hangano ontae te'inso a inule-Do Ue Ala, si tompompewowolo, nine tade-Do Ue Ala mengkena kana wulaa ke salaka ke watu, wineweu pepalindoa ka pandeno ntu'u mia.

WINEWEUDO TINENA 7:41

Ka i'amba i tempo atuu mpoweweu ira aasa kana ana nsapi ka mpesombaakono pesomba a lahumoa atuu ka dompo'undeakono hapa anu wineweudo ondaedo.

1 KORINTI 10:7

ka si tomegagi mia mpesomba a lahumoa, mengkena kana ba opia mia inso ndi ondae, kana hinao teburi, ”Ka mpentoro iramo tongku atuu ira mpongkaa ka mpo'inu; ka do'amba mpentade ka memawongko.”

Winali 9:16

Kukitao nine mentee ntu'u mpoweweu komiumo hala ndi Ondae i Ue, Ue Alamiu: mpoweweu komiumo asa ana nsapi tinawa. Ronga komiu mepansia inso a nsala anu Doparentaa komiu i Ue.

Puu Mpobitara 8:24

Motae mbo'u i Gideo ndi ondae, ”Asa koa kumingki umemao ndi omiu: Ipada mpeweengakono ndi ongkue tole-tole anu pinomurumiu.” Iwali atuu lano mpetole-toleako ira wulaa, nde ondae to Isumaeli.

Puu Mpobitara 8:27

Ka i'amba i Gideo moweweu asa epo lahumoa inso ia luwuakoano atuu, ka inaao i kotano, i Opara. I ra'ai luwudo to Isaraeli mpelahumoa, mpesombaio epo lahumoa atuu. Onaemo anu gagi sala leluno i Gideo saru pe'asa rahano.