Peluarakoa 32:1 - Wunta Mempori

¹ Mansado mengkitao tongku atuu, nine i Musa tehineomo nahi hori metii inso i torukuno atuu, mpepumpu iramo melimbuo i Haruni ka dompotaeakono, ”Aiwa, poweweuakami Ue Ala anu ta melempa i aromami. Hangano i Musa, mia anu wawa kita mpeluarako inso i wita Masiri, nahi kimento'orio hapa anu gagi ndi onae.”

Peluarakoa 32:1 ပူးပေါင်းရင်းမြစ်များ

Tegagia 19:14

Ka i'amba i Lo'oti meluarako ka mepau saru orua ira anu ta gagi ponino, anu ta kumombiao orua ira anano beine, ipotae, ”Ipentademo, peluarako inso a mpo'ianga andio, hangano kota andio Ira rumopuo i Ue.” Sine, orua ira anu ta gagi ponino kumitao i Lo'oti kana mia anu kontongaano mo'o'awati.

Tegagia 21:26

Sumangki i Abimele, ”Nahi kuto'orio, isema anu moweweu kanatuu. Ka omue mbo'u nahi upauakune ka hawe oleo andio napi kuhori rumongeo.”

Tegagia 39:8

Sine, i Yusupu nahi behe ka ipotaeakono kombiano ueno atuu, ”Haweku i ndi'ai ondae ueku nahi domokolili uluakono mbo'u maupo hapa anu kongko a laro raha andio ka dopeweengakonomo luwu arataado a ngkaeku.

Tegagia 44:15

Motae i Yusupu ndi ondae, ”Poweweu hapa anu wineweumiu andio? Nahi imento'orioke nine mia kana ongkue andio manasa kuto'orio anu ta gagi?”

Tegagia 44:4

Napi olai lahi dompeluarako inso a ngkota atuu, tempono i Yusupu motaeakono mia mompekakaako a rahano, ”Lakomo lulu ira mia atuudo, ka tewala hawekomo ndi ondae, potaeako ira: Tembio moikoa imensuloakono anu mosa'o?

Po'unde-unde 106:19

Mpoweweu ira ana nsapi i Horebi, ka mpenggolontu mpesomba a ntinaha tinawa;

Peluarakoa 13:21

Ondae i Ue melempa i arodo, tempono meene hiano tondonino a nseru tumaate ira a nsala, ka i tempono woongi hinao tondonino a api anu wantahio salado, onaemo ka dompokompelempa meene ka woongi.

Peluarakoa 14:11

Ka dompotae ndi Musa, ”Nde nahina pekaburua i wita Masiri, onaekoa kau wawa kami memate i pada one andio? Hapa tinoomu wawa kami mpeluarako inso i wita Masiri?

Peluarakoa 16:3

ka dompotaeako ira, ”Aa! Laluopo Dopepate kamimo i Ue i wita Masiri, tempo atuu mpentoro kami mpotaroi kawali bukeako bau ka mpokaa roti ranta lalembula! Sekonopo i wawa kami mpeluarako hawe i pada one andio komiu mepate ira luwuno bawaa andio hangano mokoninggoa.”

Peluarakoa 20:23

Si mpoweweu lahumoa pesombaamiu mpongkenao saru Ongkue; inso a nsalaka ke inso a wulaa, si mpoweweu.

Peluarakoa 24:12

Mepau Ira i Ue ndi Musa, ”Porakemo pe'aro ndi Ongkue a wawo ntorukuno ka pesikorimo i ra'ai. Aku moweeakomu lempe watu anu me'ihiako songka ka petena, anu Kuburiomo ka domempinaguruako.”

Peluarakoa 24:18

I Musa mewinso a laro nseru ka ipotilalo morake a ntorukuno atuu. Onae mo'ia a ntorukuno atuu pato pulu oleo ka pato pulu wongi.

Peluarakoa 32:11

Sine i Musa mo'arahako mokomolusao aroa-Do i Ue, Ue Alano, ipotae, ”Tembio Ue tekuda-Miu kai tensila a bawaa-Miu, anu Iwawa iramo mpeluarako inso i wita Masiri a langkaino pabawa-Miu ka kae-Miu anu moroso?

Peluarakoa 32:22

Sumangki i Haruni, ”Siipo ari itekuda, ueku! Lano ito'orio ueku, tongku andio gaudo mosa'o!”

Peluarakoa 32:23

Mpotae ira ndi ongkue, ”Aiwa, poweweua kamimo Ue Ala, anu ta melempa i aromami. Hangano i Musa mia anu wawa kitamo mpeluarako inso i wita Masiri, nahi kimento'orio hapa anu gagi ndi onae.”

Peluarakoa 32:7

Mepau Iramo i Ue ndi Musa, ”Te'alamo petii, hangano tongkumu anu winawamu mpeluarako inso i wita Masiri, mosa'oomo gaudo.

Peluarakoa 33:3

Komiu mpewinso a wita anu hadio susu ka siu hoani. Sine nahi Aku melempa i olomiu, kasi Kupepatekomiu a nsala, hangano omiu tongku anu me'ulu watu, kasi Kuropu komiu a nsala.”

Yehesikieli 20:8

Sine, ondae me'ewa ndi Ongkue ka nahi dobehe meronge Aku. Sompo mia nahi tadi ira pinesombaino anu mokoburu, ba isua ite'aro matano, ka nahi binta ira lahumoado to Masiri. Ka Kupontoo umuwuo tekuda-Ku ndi ondae, motiio tekuda-Ku ndi onae i tonga-tongano wita Masiri.

Hosea 12:13

I Yako molai a lereno i Arami, ka i Isaraeli mepe'ataako koroino ka ipohawe kombiano; ka ipohawe kombiano, onae gagi puu pompakambi.

Mika 6:4

Menteeano Ongkuemo anu tumaateko meluarako inso i wita Masiri, motolako inso a raha tepe'ataa ka tumenao i Musa wawako, saru i Haruni ka i Miriami.

Podoaa 14:22

luwuno mia anu kumitaomo maramba-Ku ka luwuno anu kinohali-haliako anu Kuweweuo i Masiri ka i pada one, sine pempulumo dome'ara-arahako Aku ka nahi domebehe merongeo pau-Ku,

I MATIU 24:43

Sine ka imento'oriomo andio: Tewala ito'orio umbu raha langku opia tempono wongi ta hawe mia monako, manasaomo ipetangkoro, ka nahi ta mo'ineeo rahano bineta.

I MATIU 24:48

Sine tewala ata atuu mosa'o ka ipotae i laro aroano:

WINEWEUDO TINENA 17:29

Hangano ontae te'inso a inule-Do Ue Ala, si tompompewowolo, nine tade-Do Ue Ala mengkena kana wulaa ke salaka ke watu, wineweu pepalindoa ka pandeno ntu'u mia.

WINEWEUDO TINENA 19:26

Kanandio-andio omiu isa'a mengkitao ka merongeo, kana'umpe i Paulu, komba butu i Epesu, sine mingki asa wawo wita Asia mbo'u ipopandei iramo ka mompokontesaa hadio mia ipotae, nine hapa anu wineweuno kaeno mia komba anu pinesombai.

WINEWEUDO TINENA 7:40

Dompotaeakono i Haruni: Poweweuakamimo ba te'opia pesombaa susua anu ta melempa i aromami, hangano i Musa andio anu wawa kamimo mpeluarako inso i wita Masiri – nahi kimento'orio hapamo anu gagi ndi onae.

Winali 31:8

Hangano Ondae i Ue anu melempa i aromu ka Ira kumongkomiko. Nahi Ira mo'ineeko ka nahi Ira bintako. Siimo doito ka siimo salalaro.”

Winali 9:1

Imerongeomo, hei to Isaraeli! Oleo andio Kosumakio Koro Yarade, komiu mpewinso saru mpetorokio witado luwuno tongku anu lalu langkai ka lalu moroso sekono omiu, saru luwuno kota langkai anu bente pekorahakoano hawe i langi.

Winali 9:9

Mansaku morake i torukuno aku tumarimao watu poburia songka, watu pedandia anu wineweu-Do i Ue saru omiu, ka mo'ia aku pato pulu oleo ka pato pulu wongi tehineno i torukuno atuu. Nahi kupongkaa roti ka nahi kupo'inu uwoi.

Yosua 7:13

Pewangumo, pokomempori iramo tongku atuudo ka upauako ira: Pokomemporio koroi miu tisomo, nde kanandio pau-Do i Ue, Ue Alado to Isaraeli: Oo, to Isaraeli, hinao sangka anu pinakosi imentadio te'inso ndi omiu.

2 PETURU 3:4

Dompotae, ”Isuake dandi mongkona hawe-Do atuu? Hangano umarino domemate ue mpu'uto, luwuakoano kongko mpiha kana amba-ambano, tempono ipinokogagi wawontolino.”