Peluarakoa 3:8 - Wunta Mempori

⁸ Onaemo ka Kupetii ta motola ira inso a ngkaedo to Masiri ka tumaate ira mpeluarako inso ia wita atuu lumako ia wita anu moiko ka malua, asa wita anu hadio ntu'u susu ka siu hoani, a mpo'iangado to Kana'a, to Heti, to Amori, to Perisi, to Hewi ka to Yebusi.

Peluarakoa 3:8 ပူးပေါင်းရင်းမြစ်များ

Tegagia 11:5

Ka i'amba Ondae i Ue metii kumitao kota ka menara anu winangudo anano mia atuu.

Tegagia 11:7

Laluopo Topetii ka Toposisinggeo paudo i ra'ai, ranta nahi dontepoto'ori mbo'u paudo.”

Tegagia 15:13

Pau-Do i Ue ndi Burama, ”To'oriomo ntu'u nine inulemu ira megagi mia mehawe i asa wita, anu komba tiado, ka nine ira mempine'ata ka binobarasai i larono pato etu nta'u.

Tegagia 15:14

Sine tongku anu ta me'ata ira, Aku humukuo. Umarino atuu ira mpeluarako mpowawa arataa anu hadio.

Tegagia 18:21

Moikoopo Kupetii ka kumitao, ba mentee ntu'u mpelelu iramo kana peraali anu hawe ndi Ongkue; tewala naahi, Aku koa tumo'orio.”

Tegagia 43:11

Ka i'amba i Isaraeli, amano motaeakono, ”Tewala kanatuu, weweuomo andio: Alaomo ka wawaomo a mia atuu hasilino wita andio anu lalu moiko a laro mponaapamiu gandu gagi pesomba: tedei solika ka tedei siu hoani, hulu ka hulu ladanu, sanggore makademia ka wua badama.

Tegagia 46:4

Ongkue isa'a kumongkomiko lumako i Masiri ka Ongkue koa mbo'u anu wawako mekule. Kaeno i Yusupu anu ta piio matamu te'ipua.”

Tegagia 50:24

I Yusupu motaeako ira pepaekompono, ”Nahi tehine mbo'u akumo mate. Sine Ondae Ue Ala manasa Ira mekakaakomiu ka wawa komiu mpeluarako inso i wita andio a wita anu Dodandiakonomo sumpa ndi Burahima, ndi Saki ka ndi Yako.”

1 Tawarika 1:15

to Hewi, to Araki, to Sini,

Nehemia 9:8

Ihaweo aroano metenunu ndi Omiu ka Komiu mowutu pedandia saru onae, Komiu weeako ira inuleno witado to kana'a, to Heti, to Amori, to Perisi, to Yebusi ka to Girigasi. Umariomo I'ihiio dandi-Miu, hangano mentee Komiu.

Po'unde-unde 12:5

Dompotae, ”Saru elomami, omami mponangi! Wiwimami bisa mompau hapamo koa! Nde isemake uemami?”

Po'unde-unde 12:6

Hangano pompokonsiia a mia molema, hangano pompemasusano mia mongkokolaro, kanandio-andio Akumo mentade, pau-Do i Ue; Aku moweeakono pongkadudui a mia anu kumekewoio.

Po'unde-unde 34:8

Mala'eka-Do i Ue mpekema lumimbu ira mia anu dumoitoako Ira, ka do'amba mpotola ira.

Po'unde-unde 91:15

Tewala onae mebooli ndi Ongkue, Aku sumangki, Aku kumongkomio a laro ma'isoa, Aku motolao ka moweeakono pompelangkai.

Peluarakoa 12:41

Umarino pato etu ka tolu pulu nta'u, kona i oleo atuu, mpeluarako iramo luwu baresino bawaa-Do i Ue inso i wita Masiri.

Peluarakoa 12:51

I oleomo atuu Ondae i Ue wawa ira baresido to Isaraeli mpeluarako inso i wita Masiri.

Peluarakoa 13:5

Tewala Dowawa komiumo i Ue a witado to Kana'a, to Heti, to Amori, to Hewi ka to Yebusi, wita anu umari dinandi-Do mesumpa ndi ondae uempu'umiu Ira weeakomiu, wita anu tedoa hadio susu ka siu hoani, asalakono komiu meweweuo pesomba i larono wula koa andio.

Peluarakoa 3:17

Gagi mepau Akumo: Aku tumaatekomiu mpeluarako inso a marasaiamiu i wita Masiri lumako a witado to Kana'a, to Heti, to Amori, to Perisi, to Hewi ka to Yebusi, ia asa wita anu tedoa hadio ntu'u susu ka siu hoani.

Peluarakoa 34:11

Sine omue, pe'inimo a anu Kutenaakomu oleo andio. Kitao, Aku sumaari ira inso i aromiu, to Amori, to Kana'a, to Heti, to Perisi, to Hewi ka to Yebusi.

Peluarakoa 5:23

Hangano mompu'u kulako me'aro ndi Pirao, mepau ia nee-Miu, ibobarasai iramo bawaa andio ka ranta nahi hori motola ira bawaa-Miu.”

Yesaya 36:17

ranta ka kuhawe ka wawa komiu a asa wita kana witamiu, wita anu hinao gandu ka uwoi anggoro, wita anu hinao lere anggoro ka roti.

Yesaya 64:1

Ande-andeno Iberio langi ka Ipetii, ranta luwuno torukuno lelu i aro-Miu,

Yeremia 11:5

Ba kanandio Aku umihiio sumpa anu Kupedandiakonomo a uempu'umiu Aku weeako ira wita anu hadio ntu'u susu ka siu hoanino, kana teweweuno a tempo andio.” Ka ku'amba sumangki, ”Ami, oo Ue!”

Yeremia 2:7

Kuwawa komiu a wita anu mewalo ka imperapio wuano ka luwuno anu moiko inso ndi onae. Sine mansamiu mpewinso, imengkokoburutio wita-Ku; wita-Ku imeweweuomo gagi mokoburua.

Yeremia 32:22

Omiu weeako ira wita andio, kana anu Idandiakonomo sumpa a uempu'udo ka doweeako ira, asa wita anu hadio ntu'u susu ka siu hoani.

Yehesikieli 20:6

A oleo atuu Ongkue mesumpa ndi ondae Aku wawa ira inso i wita Masiri lumako i wita anu Kubinikiako ira, wita anu hadio ntu'u susu ka siu hoanino, wita anu tekosi i olono luwuno wita.

Imama 20:24

Sine, ndi omiu mepau Akumo: Omiumo anu komiu mpetorokio witado ka Ongkuemo anu weeakomiu kai mpe'ueo, asa wita anu hadio ntu'u susu ka siu hoanino. Ongkuemo Ue, Ue Alamiu anu monsia komiu inso a luwuno tongku susua.

Amosi 2:10

Kahinaano Ongkuemo anu tumaate komiu mpeluarako inso i wita Masiri ka wawa komiu i larono pato pulu nta'u i pada one, ka impetorokio witado to Amori.

Podoaa 13:18

Impepenteeomo kana'umpe pongkitamiu wita atuu, tongku anu mpo'iangario moroso ira ke molema, tedei ira ke hadio.

Podoaa 13:19

Kana'umpe mbo'u wita anu pino'iangarido, ba moiko ke mosa'o; kana'umpe luwuno kota po'iangaado, mebente ke naahi.

Podoaa 13:27

Domentutuluakono, ”Mpewinso kamimo i wita, isua itena kami. Lano wita atuu hadio ntu'u susu ka siu hoanino, ndiomo hasilino.

I YOHANE 3:13

Nahina maupo te'asa mia anu mewuatakoomo i suruga, sangkadio Ondae anu metii Iramo inso i suruga, onaemo i Ana Manusia.

I YOHANE 6:38

Hangano metii Akumo inso i suruga komba ka Kupoweweu po'ehe-Ku, sine ka Kuweweuo po'ehe-Do anu tumena Akumo.

Winali 1:25

Mpo'ala ira wua ngkeu i wita atuu ka domewawao ndi ontae. Mpowawa ira mbo'u lele ndi ontae, kanandio, ”Moiko ntu'u wita anu Doweeakita i Ue, Ue Alato.”

Winali 1:7

Impelungkamo ka imelakomo a mentorukuno witado to Amori ka a luwuno daera petengi-tengino i Araba-Yarade, i Mentorukuno, i Sepela, i Wita Nege ka i wiwi ntahi, onaemo witado to Kana'a, imelako mbo'u i Libano hawe a ngkoro Eparata, korono anu langkai atuu.

Winali 27:3

Ka i'amba a watu atuu asalakono imeburio luwuno pauno songka Taura andio, umarimiu mensaki komiu mpewinso a wita anu Doweeakomiu i Ue, Ue Alamiu, asa wita anu hadio ntu'u susu ka siu hoanino, kana anu Dodandiakomiu i Ue, Ue Alado uempu'umiu.

Winali 28:11

Ondae mbo'u i Ue Ira mokohadioo ntu'u moikoa a laro mpe'anakaamiu, hasilino pinotuwumiu ka hasilino witamiu, i wita anu dinandi-Do i Ue saru sumpa ndi ondae uempu'umiu Ira weeakomiu.

Winali 6:3

Onae kai merongeomo, hei to Isaraeli! Impetenunumo meweweuo atuu, kai moiko tumuwumiu, ka kai megagi hadio ntu'u, kana anu Dodandiakomiu i Ue, Ue Alado uempu'umiu, i asa wita anu hadio ntu'u susu ka siu hoanino.

Winali 7:1

Ondae i Ue, Ue Alamiu, Ira wawa komiu a wita, ba isua impewinso kai mpetorokio, ka Ira sumaario inso i aromiu hadio tongku: to Heti, to Girigasi, to Amori, to Kana'a, to Peresi, to Hewi, ka to Yebusi, opitu tongku anu lalu hadio ka moroso irapo sekono omiu.

Yosua 5:6

Nde patopulu nta'u tehineno to Isaraeli atuu dompelempa molaloo pada one, memate iramo luwu luwudo tongku atuu, onaemo sorodadu anu mpeluarako inso i Masiri, anu nahi domporonge pau-Do i Ue. Ndi ondae atuu Dosumpa iramo Ue, komba ira me'ineheako pewinso ia wita anu domedinandiako Ira i Ue saru mesumpa ndi ondae ue mpu'udo, ira mpeweengakono ndi ontae, wita anu tedoa hadio susu ka siu hoani.

Yosua 9:1

Mansado merongeo mokole i sumooano oleo i asa towano koro Yarade, ia mentorukuno, ia pongkuno wita, ia tompaano wiwi ntahi langkai hawe i asa mbalino torukuno Libano, po'iangaado mokoledo to Heti, to Amori, to Kana'a, to Perisi, to Hewi ka to Yebusi,

Yosua 9:7

Sine mpotae ira to Isaraeli a nto Hewi atuu, ”Bara'ura omiu andio mpo'ia komiu i olo mami, kana'umpe ntu'u kami mpoweweu pedandia saru omiu?”