Peluarakoa 3:7 - Wunta Mempori

⁷ Mepau Ira i Ue, ”Kukitaomo ntu'u marasaido bawaa-Ku i wita Masiri, ka Kurongeomo peboolido hangano wineweudo anu mpodagai mia mpo'angga. Kuto'oriomo ntu'u marasaido.

Peluarakoa 3:7 ပူးပေါင်းရင်းမြစ်များ

Tegagia 16:11

Motaeomo mbo'u Mala'eka-Do i Ue ndi onae, ”Omue kontongaamu mentia ka kome'anaako asa ana ntama. Konumeeakono i Sumaila, hangano Dorongeomo i Ue a laro tepokonsiimu.

Tegagia 18:21

Moikoopo Kupetii ka kumitao, ba mentee ntu'u mpelelu iramo kana peraali anu hawe ndi Ongkue; tewala naahi, Aku koa tumo'orio.”

Tegagia 21:17

Dorongeo Ue Ala suarano nana'ote tama atuu, ka i'amba Mala'eka-Do Ue Ala mebooli inso i langi ndi Hagari. Ipotae ndi onae, ”Hapa anu gagi ndi omue, Hagari? Si doito, hangano Dorongeomo Ue Ala suarano nana'ote atuu inso a tepomboleano.

Tegagia 29:32

I Lea mentia, ka ipe'anaakono asa ana ntama, ineeakono i Rube, hangano ipotae, ”Menteeano Dokitaomo i Ue marasaiku; kanandio-andio manasa tamo kumekewoi aku tamaku.”

Tegagia 31:12

Ka Do'amba mepau, Pengkitamo ngkoraane ka kitaomo nine luwuno bawaano bembe bimba lakino anu malii ira bawaano bembe bimba atuu mpeloba-loba, mpeboti-boti ka mpenggori-nggori, hangano Kukitaomo luwu anu wineweuno i Laba ndi omue.

Tegagia 31:42

Ande-andeno nahi Dokongkomi aku Ue Alado amaku, Ue Alano i Burahima ka Anu Pinelangkaino i Saki, manasa kanandio-andio komiu mo'inee aku lumako saru kae mooa. Sine marasaiku ka pe'iseiku Dokitaomo Ue Ala ka Doputusiomo hieno wongi.”

2 Samueli 22:28

Tongku anu tepokonsii Ikadudui ira, sine mata-Miu umewaio luwuno mia anu mompelangka-langkai, ka Ipokongkodei ira.

2 Mokole 13:4

Sine, i Yoahasi mo'ema pompehohawa-Do i Ue ka Dorongeo i Ue, hangano Dokitaomo pompokonsii a nto Isaraeli, anu wineweuno mokoledo to Arami ndi ondae.

2 Mokole 20:5

”Pekulemo ka pauakono i Hisikia, mokoledo bawaa-Ku: Kanandiomo pau-Do i Ue, Ue Alano i Daudi, ama mpu'umu: Kurongeomo pekakaimu ka Kukitaomo uwoi matamu. Menteeano Aku koa mokotompako. A oleo ko'otolu omue kolumako a raha-Do i Ue.

Nehemia 9:9

Ikitao marasaido uempu'umami i Masiri ka rumongeo peboolido i Tahi Teberau.

Po'unde-unde 106:44

Sine, Doperioo masusa-Do, tempono Dorongeo peboolido.

Po'unde-unde 12:6

Hangano pompokonsiia a mia molema, hangano pompemasusano mia mongkokolaro, kanandio-andio Akumo mentade, pau-Do i Ue; Aku moweeakono pongkadudui a mia anu kumekewoio.

Po'unde-unde 142:3

Kupohaweo pinemasusaku i aro-Do, pompema'isoku kupauako Ira i aro-Do.

Po'unde-unde 145:19

Ondae umihiio po'eheno mia anu doitoako Ira, merorongeakono peraalido mpepetulungi ka kumadudui ira.

Po'unde-unde 22:24

omiu anu doitoako Ira i Ue, unde-unde Iramo, luwuno ana'ueno i Yako, unde-unde Iramo, ka imedoitoako Iramo, hei luwuno ana'ueno i Isaraeli!

Po'unde-unde 34:4

Unde-unde Iramo i Ue meronga ongkue, aiwamo tomperonga-ronga paleleo nee-Do!

Po'unde-unde 34:6

Kita Iramo, asalakono rupamu ta mewanta ka nahi ta kongira-ngira.

Po'unde-unde 35:22

Omiu mbo'u Isakosiiomo, Ue, si penoro-noro, oo Ue, si olai inso ndi ongkue!

Po'unde-unde 9:14

Ipehohawa akumo, oo Ue; kitaomo tedoa marasaino ongkue, hangano anu me'o'aliaakune, oo Omiu, anu tumande aku inso a mpewowa langkaino matea,

Peluarakoa 1:11

Onaemo ka dompontiso anu mpodagai mia mpo'angga rodi anu ta dumadai ira ka dompo'angga mobea: ondae asalakono mewanguakono i Pirao kota Pitomi ka Ramese, ponaapa arataa.

Peluarakoa 1:8

Umarino atuu hinao asa mokole anu da'iaopo ipoparenta i wita Masiri, anu nahi to'orio i Yusupu.

Peluarakoa 22:23

Tewala mansa impokonsii ira, ka mepetulungi ira ndi Ongkue, manasa Aku rumongeo pepetulungido.

Peluarakoa 33:13

Kanandio-andio, tewala mohawe aku pompehohawa i aro-Miu, Ipauakune po'ehe-Miu ranta ka kuto'ori-Komiu, ka kukongko mpiha mohawe pompehohawa i aro-Miu. Ipewowoloo tongku andio bawaa-Miu.”

Peluarakoa 5:10

Melako iramo puu mpodagaido mia mpo'angga dinadai tongku atuu saru mandorodo anu gagi mandoro ka dompotaeako ira, ”Kanandio pauno i mokole Pirao: Nami aku moweeakomiu mbo'u seami.

Peluarakoa 5:6

Ia oleo koa atuu i Pirao parenta ira luwuno anu mpodagai mia mpo'angga dinadai a tongku atuu ka luwuno mandoro inso ndi ondae,

Yesaya 63:9

a laro luwuno ma'isoado. Komba asa mia sarungkoroi ke tinena, tendeano Ondaemo anu kumadudui ira. Ondaemo anu tumolosi ira a laro pompehohawa-Do ka pe'aroa-Do. Dotande ira ka baba ira i larono tempo se'eluno.

Podoaa 20:16

nine mpebooli kami ndi Ondae i Ue, ka Dorongeo peboolimami, montena Ira asa mala'eka, ka tumaate kami mpeluarako inso i Masiri. Kanandio-andio mekongko kami i Kadesi, asa kota i wiwino tida witamiu.

WINEWEUDO TINENA 7:34

Kupepenteeomo ntu'u marasaido bawaa-Ku i wita Masiri ka Kurongeomo pompemasusado, ka metii Akumo motola ira; onaemo pu'uno aiwamo, omue Aku tumenako lumako i wita Masiri.

IBARANI 4:15

Hangano Sando Mpesomba Langkaito, komba sando mpesomba anu nahi pokompetonda membasaio luwuno molemato, tendeano mengkena saru ontae, inara-arahako Iramo, butu nahi Dopoweweu hala.

1 Samueli 9:16

”Tisomo tempo kanandio, Aku mo'oliwi asa mia tama ndi omue inso i wita Benami. Mia atuu urapiomo ka igagi mokoledo bawaa-Ku Isaraeli. Onae ta kumadudui ira bawaa-Ku inso a ngkaedo to Pelisiti. Nde Kukitaomo marasaido bawaa-Ku atuu hangano peboolido haweomo ndi Ongkue.”