Peluarakoa 3:20 - Wunta Mempori

²⁰ Aku pakeo pabawa-Ku humukuo wita Masiri saru luwuakoano wineweu anu kinohali-haliako, anu Aku weweuo ndi ondae. Umarino atuu, ka do'amba mpo'ineekomiu melako.

Peluarakoa 3:20 ပူးပေါင်းရင်းမြစ်များ

Tegagia 15:14

Sine tongku anu ta me'ata ira, Aku humukuo. Umarino atuu ira mpeluarako mpowawa arataa anu hadio.

Nehemia 9:10

Ipopokitaomo luwuno petondoni ka luwuno anu kinohali-haliako i arono i Pirao ka luwuno pegawaino saru luwuno palili i witano, hangano Omiu tumo'orio pompelangka-langkaido ndi ondae uempu'umami. Kanandiomo Iweweuo nee-Miu telele kana anu mengkaa oleo andio.

Po'unde-unde 105:27

orua ira mokohinao luwuno petondoni-Do i olodo, ka luwuno anu kinohali-haliako i wita Hama:

Po'unde-unde 105:38

Tempono dompeluarako, to Masiri mpo'unde, hangano i'alu ira doitoa a nto Isaraeli.

Po'unde-unde 106:22

luwuno wineweu anu kinohali-haliako i wita Hama, luwuno wineweu anu mongkokongiri i wiwi Ntahi Teberau.

Peluarakoa 11:1

Mepau Iramo i Ue ndi Musa, ”Aku mompokohina mbo'u asa pohuku ndi Pirao ka a nto Masiri, umari atuu ta mo'ineekomiu inso i ndi'ai. Tempono ipo'ineekomiu, onae ta sumaarikomiu ntu'u inso i ndi'ai.

Peluarakoa 12:39

Tarigu sinalo anu mewinawado inso i wita i Masiri, domentunuo gagi roti bonggoli anu nahi peragi. Tarigu sinalo atuu nahi pinonaako ragi hangano mensinaari ira inso i wita Masiri ka mpodadusi ira, nami domente'alu popatinda kaangado.

Peluarakoa 13:3

Ka i'amba motaeako ira i Musa tongku atuu, ”Impelangkaio oleo andio, nde oleo andio impeluarako inso i wita Masiri, inso a mpo'ianga tepe'ataamiu; hangano kae-Do i Ue anu moroso wawakomiu mpeluarako inso i wita Masiri. Onaemo pu'uno kaanga hapamo koa anu meragi, si kinaa.

Peluarakoa 13:9

Ndi omiu pesomba andio, kai gagi petondoni a ngkaemiu ka ipetako a ra'imiu ka songka-Do i Ue kongko a wiwimu, hangano kae-Do i Ueanu moroso wawakomiu mpeluarako inso i wita Masiri.

Peluarakoa 15:11

Isema kana Omiu i olodo pinesombai susua, O Ue? Isema kana Omiu, maramba a laro mempori-Miu, ntengiri hangano wineweu-Miu tepalele, anu moweweu kinohali-haliako?

Peluarakoa 15:6

Kae ngkoana Miu, Ue, maramba a laro mpabawa Miu. Kae ngkoana Miu, Ue, mokoropuo iwali.

Peluarakoa 4:21

Pau-Do i Ue ndi Musa, ”Itempono ko mekule i wita Masiri, pewowoloo koa luwuno wineweu anu kinohali-haliako anu Ku peweengakonomo a ngkaemu, weweuo i arono i Pirao. Sine Aku mokomoteao aroano, kasi behe ira tongku atuu melako.

Peluarakoa 6:1

Umarino atuu mepau Ira Ue Ala ndi Musa, ”Ongkuemo Ue.

Peluarakoa 6:6

Aku mokogagi komiu bawaa-Ku ka Ongkue Ue Alamiu, ka imento'orio nine Ongkuemo Ue, Ue Ala anu motola komiu inso a mpedadaido mpo'angga a to Masiri.

Peluarakoa 9:15

Bakanaano tehineomo kae-Ku mompotii haki lele ta mepateko saru palilimu, ranta kau tampula i wawontolino.

Yesaya 19:22

Ondae i Ue Ira tumunduhi ira to masiri, Ira montunduhi ka mompokotompa; ka ira mpepokule ndi Ondae i Ue ka Ira uminduo pekakaido saru mokotompa ira.

Yesaya 26:11

Oo Ue, kae-Miu tetande, sine nahi domengkitao. Moikoano ka domengkitao po'ehe-Miu a bawaa-Miu ka domemokoko'ii! Po'ineeomo api anu rumopu ira anu umewai Komiu sumongko ira!

Yehesikieli 20:33

A nee-Ku anu tuwu, kanandiomo pau-Do Ue Ala, Aku parentaakomiu kae anu moroso, tokia anu tetande, ka tekuda anu te'uwu.

Mika 7:15

Kana i tempono upeluarako inso i Masiri, Aku mopokitao a bawaa-Ku luwuno kinohali-haliako!

WINEWEUDO TINENA 7:36

Onaemo anu wawa ira mpeluarako saru mompokohina anu mengkinohali-haliako ka hadio petondoni i wita Masiri, i Tahi Motaha ka i pada one, patopulu nta'u tehineno.

Winali 4:34

Horiokoake aasa ue ala mo'arahako aiwa ta mo'ala tiano aasa tongku inso i tonga-tongano tongku anu susua a mperupa-rupa po'arahako, petondoni, wineweu kinohali-haliako, ka peteaa, ka kae anu moroso ka tokia tetande, saru luwuno mongkokongiria langkai, kana anu wineweu-Do i Ue, Ue Alamiu ndi omiu i wita Masiri, i arono matamiu?

Winali 6:22

Ondae i Ue moweweu luwuno petondoni ka anu mengkinohali-haliako, anu langkai ka sumolangi ira to Masiri, i Pirao ka luwuno ihino rahano, tomengkitaakono matato.

Puu Mpobitara 6:8

Ondae i Ue montena nabi ia nto Isaraeli anu mompauako ira, ”Kanandiomo pau-Do i Ue, Ue Ala to Isaraeli: Ongkuemo anu wawakomiu mpeluarako te'inso i Masiri ka anu wawakomiu mpeluarako inso a tepe'ataamiu.

Puu Mpobitara 8:16

Ipumpu ira mia memota'u i kota atuu, ka ipo'ala rui pada one ka tolungo, ka ibomboako ira mia Sukoti.