Peluarakoa 3:2 - Wunta Mempori

² Ka i'amba mala'eka-Do i Ue mepopokita ndi onae a laro langano api anu meluarako inso a ewo rui. Mansano kumitao, ka tengkitaomo: ewo rui atuu melanga, sine nahi mo'ai.

Peluarakoa 3:2 ပူးပေါင်းရင်းမြစ်များ

Tegagia 21:17

Dorongeo Ue Ala suarano nana'ote tama atuu, ka i'amba Mala'eka-Do Ue Ala mebooli inso i langi ndi Hagari. Ipotae ndi onae, ”Hapa anu gagi ndi omue, Hagari? Si doito, hangano Dorongeomo Ue Ala suarano nana'ote atuu inso a tepomboleano.

Tegagia 22:11

Sine mebooliomo Mala'eka-Do i Ue inso i langi ndi onae, ”Burahima, Burahima!” Sumangki i Burahima, ”Oo Ue.”

Tegagia 48:16

ka kana Mala'eka anu motola akumo inso a luwuno masolaa, Po'ineeomo Ondae anu rumonso ira mia mongura andio. Po'ineeomo neeku saru needo ueku ka amaku, i Burahima ka i Saki, telele hangano ondae ka ira tetiangi hadiodo i tolino.”

Po'unde-unde 66:12

Ipo'inee iramo mia ntelaloio ulumami, mpolalo kamimo api ka uwoi; sine Iluarako kamimo ka mompowee koloaa.

Peluarakoa 19:18

Asa torukuno Sinai me'ahu, hangano Ondae i Ue metii i wawono a laro api. Ahuno membombo kana ahu api polabua, ka torukuno atuu reende.

Peluarakoa 23:20

”Aku montena mala'eka melempa i aromiu, kumongkomi komiu a nsala ka wawakomiu a mpo'ianga anu Kupatindaomo.

Peluarakoa 24:17

I arodo to Isaraeli, maramba-Do i Ue i punsuno torukuno tengkita kana api sumongkoo.

Peluarakoa 3:16

Lakomo, pumpu ira mia memotota'u to Isaraeli ka pauako ira: Ondae i Ue, Ue Alado uempu'umiu, i Burahina, i Saki ka i Yako, mepopokita iramo ndi ongkue, ka Dopepau: Kuperiokomiumo, kanatuu koa mbo'u hapa anu wineweudo ndi omiu i wita Masiri.

Yesaya 43:2

Tewala omue sumaki molalo uwoi, Aku koa kumongkomiko, ke lumalo ira korono, nahi ta molomoko; tewala omue melempa molalo api, nahi ta mokomo'aiko, langano api nahi ta sumongkoko.

Yesaya 63:9

a laro luwuno ma'isoado. Komba asa mia sarungkoroi ke tinena, tendeano Ondaemo anu kumadudui ira. Ondaemo anu tumolosi ira a laro pompehohawa-Do ka pe'aroa-Do. Dotande ira ka baba ira i larono tempo se'eluno.

Danieli 3:27

Luwuno anu wela sumarungkoroi ira mokole, anu mempabawa, luwuno bupati, ka anu mokowali ira mokole a pomparentaa me'aiwa mpepumpu; domengkitao nine koroido mia andiodo nahi kaano api, nine wuu a uludo nahi mo'ai, lemba meloedo nahina tebalino, tendeano maupo woono mana mo'ai nahina ndi ondae.

Sakaria 13:7

”Hei ponai, pelelumo ewaio puu pompakambi-Ku, ewaio mia anu umpeda ndi Ongkue!”, kanandiomo pau-Do Ueno luwuakoano. ”Pepateomo puu mpopakambi, ka dontesiarawo asa bawaa bembe bimba! Aku woliteo kae-Ku maupo ndi ondae anu molema.

Maleaki 3:1

Kitao, Kutenao tinena-Ku ka ipatindao sala i aro-Ku! Nahi mengkoo-kooo Ondae i Ue anu inungkemiu atuu Ira hawe a raha-Do. Mala'eka Pedandia anu rinorondomiu atuu, menteeano hawe Ira, pau-Do Ueno luwuakoano.

I MARAKUSU 12:26

Ka mongkona mbo'u pewangudo mia mate, nahi mebasao a wuntano i Musa, a laro ntutulu mongkona ntonga rui, kana'umpe unino pau-Do Ue Ala ndi onae: Ongkuemo Ue Alano i Burahima, Ue Alano i Saki ka Ue Alano i Yako?

I LUKASI 20:37

Mongkona pewangudo mia mate, ipauomo i Musa a mpau mongkona laro ewo rui, Ondae i Ue pinau Ue Alano i Burahima, Ue Alano i Saki ka Ue Alano i Yako.

I YOHANE 1:14

Pau atuu gagiomo mia, ka mo'ia i oloto, ka tomengkitaomo maramba-Do, onaemo marambaa anu Dowineeako gagi Ana-Do i Ama Anu Asa-asa, buke pompehohawa ka menteea.

ROMA 8:3

Nde hapa anu nahi pokoweweuo songka Taura hangano telusaako tuwu ntolino, Doweweuomo Ue Ala. Ka mesala tumenao Ana-Do isa'a a ngkoroi ntolino, anu merupa kana koroi ntolino anu pinabawaino hala ka hangano hala, Dohukuomo hala a ngkoroi ntolino,

Winali 33:16

ka anu lalu moiko inso i tolino saru ihino; saru mpo'ehe-Do i Ue anu kongko a laro rui. Po'ineeomo luwuno atuu metii a wawo uluno i Yusupu, a ntoro uluno mia bininiki i olono pepaekompono.

Winali 4:20

Sine, Do'ala komiumo i Ue ka imewinawa mpeluarako inso i wita Masiri, inso a awu pompokolonoa labu, kai megagi bawaa-Do, kana anu gagi kanandio-andio.

2 TESALONIKA 1:7

ka ndi omiu anu mempinokonsii Dopowee komiu sanaa aroa ka ndi omami mbo'u, i tempono Dopesabaako i Yesu inso i laro nsuruga meronga saru luwuno mala'eka-Do, a mpabawa-Do, a laro api anu kolanga-langa,

Puu Mpobitara 13:13

Sumangki Mala'eka-Do i Ue ndi Manoa, ”Beine atuu asalakono ka ipekariao koroino a luwuno anu Kupauakono.