Peluarakoa 3:18 - Wunta Mempori

¹⁸ Tewala domperorongeakono pinaumu, lakomo saru luwuno mia memotota'udo to Isaraeli ndi mokole i wita Masiri, ka impotae ndi onae: Ondae i Ue, Ue Alado to Ibarani, hawe Iramo ndi omami; onaemo pu'uno, mpo'ema kami ndi omiu, i'eheakamimo melako i pada one otolu oleo pelempaa olaino, kami melako pompesombaako pesomba ndi Ondae i Ue, Ue Ala mami.

Peluarakoa 3:18 ပူးပေါင်းရင်းမြစ်များ

Tegagia 12:1

Mepau Iramo i Ue ndi Burahima, ”Lakomo inso i witamu, inso a mpepaekompomu ka inso a rahano amamu i wita anu Aku tumisoakomu.

Tegagia 14:13

Ka i'amba asa mia anu tola hawe ka itutuluo teweweu andio ndi Burama, to Ibarani atuu, anu mo'ia umpeda a ngkeu tarabantino i Mamere, to Amori, pepaekompono i Esikoli ka i Anere. Ondae atuu wali-wali pe'asano i Burama.

Tegagia 15:1

Ka i'amba haweomo pau-Do i Ue ndi Burama a laro asa pongkita, ”Siimo doito, Burama, Ongkuemo kantamu; tambomu ta tedoa langkai.”

Tegagia 17:1

Tempono i Burama tinuwuno sio pulu ka osio nta'u, Ondae i Ue mepopokita ndi Burama ka Dopepau ndi onae, ”Ongkuemo Ue Ala Anu Tedoa Pabawa, tuwumo i aro-Ku saru nahina tataano.

Tegagia 48:3

Motae i Yako ndi Yusupu, ”Ondae Ue Ala Anu Tedoa Pabawa mepopokita Iramo ndi ongkue i Lusi i wita Kana'a ka Doronso aku,

2 Tawarika 30:12

Kae-Do Ue Ala mo'angga ndi Yehuda mokobobotolio aroado ka domeweweuo parentano mokole ka luwuno petewawa, menunu saru pau-Do i Ue.

Po'unde-unde 110:3

Sorodadumu tetinda ira melako a oleo peteaamu, mperamba-rambaako memporia, tempono towea da a laro mpe'anakaa, tontoru tempo monguramu gagiomo omue me'ueo.

Peluarakoa 10:3

Lumako iramo i Musa ka i Haruni me'aro ndi Pirao ka dopotae ndi onae, ”Kanandiomo pau-Do i Ue, Ue Alado to Ibarani: Da tehine ke, ka u'amba me'urumako i aro-Ku? Potola iramo bawaa-Ku ka domelako mpesomba ndi Ongkue.

Peluarakoa 17:5

Mepau Iramo i Ue ndi Musa, ”Pelempamo i arodo tongku atuu ka powawa perongamu ba te'opia mia i olodo mia memota'u to Isaraeli; wawo mbo'u a ngkaemu tuko anu pinakemu mowombaako koro Nili ka lakomo.

Peluarakoa 19:1

Oleo amba-ambano wula ko'otolu umarido mpeluarako to Isaraeli inso i wita Masiri, mehawe ira i pada one Sinai.

Peluarakoa 25:22

I ra'aimo Aku tepohaweakomu; inso i wawono ulo pesintuwua atuu i olono orua kerubi iwawono burua songka atuu, Aku mepauakomu mongkona luwuakoano anu Aku tumenaakomu ka domempinauako to Isaraeli.”

Peluarakoa 3:12

Onaemo ka Dopepau i Ue, ”Aku koa kumongkomiko! Ndiomo petondoni ndi omue, nine ongkue anu tumenako; Tewala uwawa iramo tongku atuu mpeluarako inso i wita Masiri, komiu mpesomba ndi Ondae Ue Ala i torukuno andio.”

Peluarakoa 3:16

Lakomo, pumpu ira mia memotota'u to Isaraeli ka pauako ira: Ondae i Ue, Ue Alado uempu'umiu, i Burahina, i Saki ka i Yako, mepopokita iramo ndi ongkue, ka Dopepau: Kuperiokomiumo, kanatuu koa mbo'u hapa anu wineweudo ndi omiu i wita Masiri.

Peluarakoa 30:36

Asa ntia dupa atuu gilio ranta ka imotutu, ka u'amba numaao asa ntia i arono burua po'iangano songka i larono Kema Tepotowoa, a mpo'ianga Aku tepohaweakomu. Dupa atuu asalakono gagi tedoa mempori ndi omiu.

Peluarakoa 30:6

Meda pontunua dupa atuu asalakono naao i arono pelingo anu i arono burua pedandia, i arono ulo pesintuwua anu i wawono watu buriano songka, po'ianga Aku tepohaweakomu.

Peluarakoa 4:1

Ka i'amba sumangki i Musa, ”Kana'umpe ba mansa nahi dompe'ala-ala aku ka nahi domerongeo pinauku, ka domansa mpotae: Ondae i Ue nahi Dopepopokita ndi omue?”

Peluarakoa 4:23

Onaemo ka Kupauakomu: Po'inee iramo ana-Ku atuu ka domelako, mpesomba ndi Ongkue. Sine tewala nahi ubehe ira, Aku mepateo ana akamu anu tama.”

Peluarakoa 4:24

Sine a ntonga nsala, a mperatoado, hawe Ira i Ue mingki mepateo i Musa,

Peluarakoa 4:31

Onae pu'uno ka dompompe'ala-alamo tongku atuu. Mansado merongeo, nine Doperio iramo i Ue ka Dokitaomo marasaido, onaemo ka dompenggolontu mpesomba.

Peluarakoa 5:1

Ka i'amba i Musa ka i Haruni lumako me'aro ndi Pirao, ka dopotae ndi onae, ”Kanandiomo pau-Do i Ue, Ue Alado to Isaraeli: Po'inee iramo bawaa-Ku melako mpoweweu pompelangkai ndi Ongkue i pada one.”

Peluarakoa 5:3

Onaemo ka dopotae i Musa ka i Haruni, ”Ondae Ue Alado to Ibarani mepopokita Iramo ndi omami. I'eheakamimo ka kimelako mpopesombaako pesomba ndi Ondae i Ue, Ue Ala mami i pada one, otolu oleo pelempaa olaino, kasi Dopompotii haki lele ke ponai.”

Peluarakoa 7:16

Pauakono: Ondae i Ue, Ue Alado to Ibarani, tumena aku aiwa pauakomiu: Po'inee iramo bawaa-Ku ka domelako mpesomba ndi Ongkue i pada one. Sine ranta hawe kanandio-andio nahi ubehe momperorongeako.

Peluarakoa 8:1

Mepau Ira i Ue ndi Musa, ”Lakomo ndi Pirao ka pauakono: Kanandiomo pau-Do i Ue: Po'inee iramo bawaa-Ku domelako, ka dompesomba ndi Ongkue.

Peluarakoa 8:20

Mepau Iramo i Ue ndi Musa. ”Pewangumo da mo'oru ka lakomo pe'aro ndi Pirao, tempono ipeluarako lumako a ngkorono, ka pauakono: Kanandio pau-Do i Ue: Po'inee iramo bawaa-Ku domelako, ka dompesomba ndi Ongkue.

Peluarakoa 8:23

Nde Aku moweweu petondoni pontolosi anu teposisingge bawaa-Ku ka tongkumu. Tisomo petondoni anu kinohali-haliako andio, ta pinokogagi.”

Peluarakoa 9:1

Mepau Ira i Ue ndi Musa, ”Lakomo ndi Pirao ka pohaweakono: Kanandiomo pau-Do i Ue, Ue Alado to Ibarani: Po'inee iramo ka domelako bawaa-Ku, ka dompesomba ndi Ongkue.

Peluarakoa 9:13

Pau-Do i Ue ndi Musa, ”Pewangumo da mo'oru ka ulako me'aro ndi Pirao ka pauakono: Kanandiomo pau-Do i Ue, Ue Alado to Ibarani: Po'inee iramo bawaa-Ku ka domelako mpesomba ndi Ongkue.

Yesaya 64:5

Omiu tumotowoo mia anu mawongko moweweu anu mentee, ka anu rumambe-Komiu a nsala anu tiniso-Miu! Menteeano, Omiu tekuda, hangano omami mentehala mompu'u i ndi'ipua se'eluno. Nde kami koa mengkinadudui?

Yeremia 2:2

”Lako ka pebooliakonomo andio ka domerongeo palilino Yerusale: Kanandiomo pau-Do i Ue: Kurambeo petenunumu i tempono umongura, pongkekewoimu i tempono ugagi umbungkoroi, kana'umpe utondari Aku i pada one, a wita anu nahi rinawohi.

Yeremia 2:6

Nahi dompesikeno mbo'u: Isua Irake i Ue, anu tumaate kita mpeluarako inso i wita Masiri, anu wawa kita i pada one, a wita anu londa ka mpebobanga, a wita anu tedoa mokari ka wongi-wongi, a wita anu nahi dontelaloio mia ka nahi dompo'iangario mia?

Yeremia 26:5

ka saru nahi mperorongekono pinaudo tetenaa-Ku, luwuno nabi, anu nahi'otu Kutena ira ndi omiu, sine nahi mebehe mperorongeakono,

Podoaa 17:4

Umarino atuu asalakono kau naao luwuno atuu i larono Kema Tepotowoa i arono Buruano Songka, po'ianga Kuwela tepohaweakomu.

Yosua 1:17

kana kimperorongeakono songkano i Musa, kanatuu koa mbo'u kimperorongeakomiu. Butu, Ondae i Ue, Ue Alamu, Ira wela kumongkomi komiu, kana Dokongkomio i Musa.