Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Peluarakoa 3:13 - Wunta Mempori

13 Ka i'amba i Musa sumangki Ira Ue Ala, ”Sine tewala lumako aku a nto Isaraeli ka kupotaeako ira: Ondae Ue Alado uempu'umiu anu tumena aku aiwa ndi omiu, ka dompesikeno ndi ongkue; Isema nee-Do? Hapa aku sumangkiako ira?”

အခန်းကိုကြည့်ပါ။ ကော်ပီ




Peluarakoa 3:13
16 ပူးပေါင်းရင်းမြစ်များ  

Mesikenoomo i Yako, ”Pauakune ngkuda neemiu.” Sine isangkio, ”Tembio ka upesikenoakono neeku?” Ka i'amba rumonsoo i Yako i tu'ai.


Ondae i Ue tadulako mpeteaa; Ondae i Ue, onaemo nee-Do.


Onaemo ka Dopepau i Ue, ”Aku koa kumongkomiko! Ndiomo petondoni ndi omue, nine ongkue anu tumenako; Tewala uwawa iramo tongku atuu mpeluarako inso i wita Masiri, komiu mpesomba ndi Ondae Ue Ala i torukuno andio.”


Pau-Do Ue Ala ndi Musa, ”ONGKUE ONAEMO ONGKUE.” Pau-Do mbo'u, ”Kanandiomo pauako ira to Isaraeli atuu: ONGKUEMO ONGKUE anu tumena akumo aiwa ndi omiu.”


Umarino atuu mepau Ira Ue Ala ndi Musa, ”Kanandio pauako ira to Isaraeli: Ondae i Ue, Ue Alado uempu'umiu, Ue Alado i Burahima, i Saki ka i Yako, tumena aku aiwa ndi omiu: onaemo nee-Ku ranta nahina tampulaano ka kanatuumo nee-Ku ranta mapa'api-api inulemiu.


Pauakono: Ondae i Ue, Ue Alado to Ibarani, tumena aku aiwa pauakomiu: Po'inee iramo bawaa-Ku ka domelako mpesomba ndi Ongkue i pada one. Sine ranta hawe kanandio-andio nahi ubehe momperorongeako.


Isemake anu mewuatako i suruga ka i'amba metii? Isemake anu pumpuomo angi a laro kungkuno? Isemake anu montongoomo uwoi a nsawu? Isemake anu pakosiomo luwuno tompano tolino? Isema neeno ka isema neeno anano? Omiu manasa tumo'orio!


Onaemo pu'uno bawaa-Ku ira mento'orio nee-Ku ka i tempo atuu ira mento'orio nine Ongkuemo Ondae anu mepau. Ongkuemo andio!


Onaemo pu'uno, Ondaemo i Ue anu Ira weeakomu asa petondoni: Menteeano, beine mongura atuu mentia ka ta me'anaakono asa ana ntama, ka nineeako i Imanueli.


Langkai pabawano, ka rodoa nahi ta hina otuano a wawo ngkadera poparentaano i Daudi ka a laro poparentaano, hangano i'empehiakono ka mokorosoakono moleoa ka menteea mompu'u kanandio-andio ranta nahina tampulaano. Rosono pongkekewoi-Do Ueno luwuakoano Ira weweuo mongkona andio.


A tempo poparentaano Yehuda ta pinotola ka Isaraeli ta tuwu rodo. Ndiomo nee anu iwineeako: Ondae i Ue Moleoato.


Onae ta me'anaako ana ntama ka numeeako Ira i Yesu, hangano Ondaemo anu Ira kumaduduio bawaa-Do inso a halado.”


”Menteeano, ana beine atuu ta mentia ka me'anaakono aasa ana ntama ka doneeako Ira Imanueli” – anu pengkonaano: Ondae Ue Ala kumongkomi kita.


Ondae Ue Alano i Burahima, i Saki ka i Yako, Ue Alado uempu'uto Dopokomaramba Iramo Tetenaa-Do, onaemo Ondae i Yesu anu pineweengakomiu ka nahi mentarima Ira i arono i Pilatu, maupo pohaweno i Pilatu, nine Ondae asalakono pinotola.


Ka i'amba mesikeno i Manoa ndi Mala'eka-Do i Ue atuu, ”Isema ke nee-Miu? Nde ba gaagi anu pinau-Miu atuu, kami melangkai Komiu.”


Ka i'amba beine atuu tepohawekono tamano ka ipotae, ”Haweomo ndi ongkue asa tetenaa-Do Ue Ala, rupano kana rupa mala'eka-Do Ue Ala, tedoa mongkokodoito. Nahi kusikenoo ba isua insoano, ka onae koa mbo'u nahi pauo neeno ndi ongkue.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ