Peluarakoa 3:12 - Wunta Mempori

¹² Onaemo ka Dopepau i Ue, ”Aku koa kumongkomiko! Ndiomo petondoni ndi omue, nine ongkue anu tumenako; Tewala uwawa iramo tongku atuu mpeluarako inso i wita Masiri, komiu mpesomba ndi Ondae Ue Ala i torukuno andio.”

Peluarakoa 3:12 ပူးပေါင်းရင်းမြစ်များ

Tegagia 15:1

Ka i'amba haweomo pau-Do i Ue ndi Burama a laro asa pongkita, ”Siimo doito, Burama, Ongkuemo kantamu; tambomu ta tedoa langkai.”

Tegagia 15:8

Motae i Burama, ”Oo Ue Ala, kana'umpeke aku tumo'orio, nine aku me'ueo?”

Tegagia 26:3

Po'iamo i wita andio gagi mia mehawe. Aku kumongkomiko ka rumonsoko, hangano ndi omuemo ka a inulemu Aku meweengakono luwuno wita andio ka Aku umihiio sumpa anu Kupauomo ndi Burahima, amamu.

Tegagia 31:3

Mepau Iramo i Ue ndi Yako, ”Pekulemo i witado uempu'umu ka a mpepaekompomu. Aku koa kumongkomiko.”

2 Mokole 19:29

Ndiomo anu ta gagi petondoni ndi omue, Hisikia: I larono ta'u andio mia mpongkaa hapa anu tuwuako onaeno, ka i larono ta'u ko'orua, hapa anu tuwu inso a mpinopaho anu amba-ambano. Sine, i larono ta'u ko'otolu, imporawomo inii, mensowimo, weweumo lere anggoro ka impongkaamo wuano.

1 Tawarika 9:20

I Pinehasi anano i Eleasari petewawado se'eluno. Ondae i Ue kumongkomio.

Po'unde-unde 86:17

Iweweuomo ndi ongkue asa petondoni moikoa, ka domengkitao mia anu umo'aliaakune ka gagi memokoko'ii, hangano Omiu, oo Ue, Itulungi akumo ka tumarero aku.

Peluarakoa 18:5

Itempono i Yitiro, ponino i Musa, saru anano ka kombiano i Musa hawe ndi onae i pada one a mpekemaano umpeda torukuno-Do Ue Ala,

Peluarakoa 3:1

I Musa mompakambi asa bawaa bembe bimbano i Yitiro, ponino, sando mpesomba i Midia. Mansano wawa ira asa bawaa bembe bimba atuu me'asambaliako i pada one, haweomo i torukuno Hore, torukuno Ue Ala.

Peluarakoa 3:13

Ka i'amba i Musa sumangki Ira Ue Ala, ”Sine tewala lumako aku a nto Isaraeli ka kupotaeako ira: Ondae Ue Alado uempu'umiu anu tumena aku aiwa ndi omiu, ka dompesikeno ndi ongkue; Isema nee-Do? Hapa aku sumangkiako ira?”

Peluarakoa 33:14

Ka i'amba mepau Ira i Ue, ”Ongkuemo anu kumongkomiko ka moweeko rodoa.”

Peluarakoa 4:12

Onaemo pu'uno, lakomo, Aku koa tumulungio elomu mepau ka paguruakomu, hapa anu ta pinaumu.”

Peluarakoa 4:15

Asalakono kau pepau ndi onae ka pauakono hapa anu ta pinaumu; Aku koa tumulungio elomu ka elono mepau. Aku koa paguruakomiu hapa anu ta wineweumiu.

Peluarakoa 8:27

Asalakono kami melako i pada one, otolu oleo pelempaa olaino, i ra'ai kami mpopesombaako pesomba mami ndi Ondae i Ue, Ue Ala mami, kana anu Dopauakami.”

Yesaya 37:30

Ndiomo anu ta gagi petondoni ndi omue, Hisikia: I larono ta'u andio mia mpongkaa hapa anu tuwu onaeno, ka i larono ta'u ko'orua, hapa anu tuwu inso a mpinopaho anu amba-ambano. Sine, i larono ta'u ko'otolu, imporawomo inii, imensowimo, impoweweumo lere anggoro, ka impongkaamo wuano.

Yesaya 41:10

siimo doito, hangano Ongkue kumongkomiko, siimo doito, hangano Ongkue andio Ue Alamu; Aku mokorosoko, tendeano Aku tumulungiko; Aku uminiakomu kae ngkoana-Ku anu mowawa ponangia.

Yesaya 43:2

Tewala omue sumaki molalo uwoi, Aku koa kumongkomiko, ke lumalo ira korono, nahi ta molomoko; tewala omue melempa molalo api, nahi ta mokomo'aiko, langano api nahi ta sumongkoko.

Yesaya 7:14

Onaemo pu'uno, Ondaemo i Ue anu Ira weeakomu asa petondoni: Menteeano, beine mongura atuu mentia ka ta me'anaakono asa ana ntama, ka nineeako i Imanueli.

Yeremia 1:8

Sii doitoako ira, hangano Ongkue kumongkomiko ka motolako, kanandiomo pau-Do i Ue.”

Podoaa 16:28

Umarino atuu motaeomo i Musa, ”Anumo kanandio komiu mento'orio, nine ongkue tinena-Do i Ue weweuo luwuno wineweu andio, ka mongkona atuu komba tinooku ongkueku.

Podoaa 23:21

Nahi tengkita masolaa ndi Yako, ka nahi tengkita urasa'o i Isaraeli. Ondae i Ue, Ue Alado kumongkomi ira ka po'undedo ndi Ondae, Mokoledo.

I MATIU 28:20

ka imempaguru iramo meweweuo luwuakoano anu Kuparentaa komiu. Ka imento'oriomo, Aku kumongkomi komiu mpiha hawe a mpokotampaano tempo.”

I MARAKUSU 16:20

Ondae mbo'u melako iramo mempaleleo Lele Mawongkoa a sompo siuno wita, ka Ondae i Ue mokowali ira a mpo'anggaado ka pau-Do atuu Dopokomorosoakono luwuno petondoni anu kumongkomi ira.

WINEWEUDO TINENA 11:21

Ka kae-Do i Ue kumongkomi ira ka hadio mia anu mpompe'ala-ala ka mpepokule ndi Ondae i Ue.

WINEWEUDO TINENA 7:7

Sine tongku anu ta me'ata ira atuu ta hinuku, pau-Do Ue Ala, ka umarino atuu ira mpeluarako inso i tu'ai ka mpesomba ndi Ongkue a mpo'ianga andio.

ROMA 8:31

Onaemo pu'uno hapake anu ta pinauto mongkona luwuno atuu? Tewala Ondae Ue Ala me'alaako ndi ontae, isemake ta umewai kita?

Winali 31:23

Ndi Yosua, anano i Nuni Ondae i Ue moweeakono parenta, pau-Do, ”Pokorosoo ka perodoo aroamu, hangano kowawa ira to Isaraeli a wita anu Kudandiakono sumpa ndi ondae, ka Aku kumongkomiko.”

IBARANI 13:5

Si megagi atano doi ka impesompoomo hapa anu hina ndi omiu. Hangano Ondae Ue Ala mepau Iramo, ”Naahi ntu'u Aku mo'ineeko ka naahi ntu'u Aku bintako.”

Yosua 1:5

Isemamokoa nahi ta hina mia moko'ewaiko asa ntinuwumu; kana Kukongkomio i Musa, kanatuu koa mbo'u Kukongkomiko. Nahi Aku mo'ineeko ka bintako.

Puu Mpobitara 6:12

Mala'eka-Do i Ue mepopokita ndi onae ka Dopepau kanandio, ”Ondae i Ue kumongkomiko, o tadulako anu mosia.”

Puu Mpobitara 6:16

Mepau Iramo i Ue ndi onae, ”Aku kumongkomiko, ranta kau nangi ira to Midia kana anu asa mia koa.”

Puu Mpobitara 6:17

Sumangki i Gideo ndi Ondae, ”Ba mohawe aku pempohohawa montonda pongkita Miu, Ipowee akumo petondoni motae Omiumo anu mepau ndi ongkue.

Puu Mpobitara 6:21

Mala'eka-Do i Ue tumasio tuko anu ia ngkae-Do, untuno dumanggio bau ka roti atuu. Melangaomo api inso ia watu atuu tumunuo bau ka roti ranta kai pingko. Umari atuu moliuomo Mala'eka-Do i Ue inso ia pongkitano.

Puu Mpobitara 7:11

ka u'amba perorongeakono hapa pinopaudo. Umari atuu ikomo mosia metii sumapoio kemado atuu.” Ka i'amba metii merongaakono i Pura, atano, hawe ia podagaia anu i arono ntu'u a mpekemaado.

1 Samueli 14:10

Sine tewala mpotae ira: ’Iporakemo ramai,’ gagi toporake, hangano Dopeweengako iramo i Ue a ngkaeto. Onaemo tondonino ndi ontae.”