Peluarakoa 27:9 - Wunta Mempori

⁹ ”Omue asalakono moweweu kintalano Kema Mempori. I selatano kintala atuu asalakono wineweu sawu pelingo po'oloti inso a lena alusu anu kinoloro banano, asa etu hiku ondauno i apano anu asa atuu.

Peluarakoa 27:9 ပူးပေါင်းရင်းမြစ်များ

1 Mokole 6:36

Iweweuo kintala i larono saru otolu dede watu pina'o ka asa dede sobo keu arasi.

1 Mokole 8:64

A oleo anu mengkena, i tongano kintala anu i arono raha-Do i Ue. Hangano i tu'aimo ipompesombaako pesomba tinunu, pesomba kaanga ka luwuno taba pesomba tekaduduia, hangano meda pontunua pesomba mala anu i aro-Do i Ue atuu, kodei lahi pumpuano pesomba tinunu, pesomba kaanga ka luwuno taba pesomba tekaduduia atuu.

2 Tawarika 33:5

Iwangu ira mbo'u meda pontunua pesomba tiado ihino langi a orua kintalano raha-Do i Ue.

2 Tawarika 4:9

Iweweuo mbo'u kintalado sando mpesomba, kintala langkai ka luwuno pewowano kintala atuu. Luwuno pewowa atuu i'apiiakono mala.

Po'unde-unde 100:4

Pewinsomo telalo a mpewowa langkai-Do saru penani pontarimakasi, a laro kintala-Do saru po'unde-unde, pontarimakasimo ndi Ondae ka unde-undeomo nee-Do!

Po'unde-unde 116:19

a kintalano Raha-Do i Ue, i tonga-tongamu, hei Yerusale! Haleluya!

Po'unde-unde 84:10

Ikitaomo kantamami, oo Ue Ala, Ikitaomo rupado mia anu inurapi-Miu!

Po'unde-unde 92:13

Mia mentee ta mentumba kana keu kuruma, ta tuwu mewalo kana keu arasi i Libano;

Peluarakoa 27:10

Luwuno karuno rua pulu ka empehino karuno atuu rua pulu koa mbo'u, luwuno asalakono inso a mala. Luwuno kai a ngkaruno atuu ka luwuno ponsombuno inso a nsalaka.

Peluarakoa 35:17

pelingo po'oloti a kintala, karuno, empehino, ka pelingo a mpewowa langkai i kintala atuu,

Peluarakoa 36:17

I wiwino asa sawu tenda anu i tompano ntu'u a nsawu sinombu amba-ambano, wineweu lima pulu bolono anu kinoloro ka lima pulu mbo'u bolono wineweu i wiwino asa sawu tenda a nsawu sinombu ko'orua.

Peluarakoa 39:40

sawu pelingo olotino kintala, karuno saru empehino, sawu pelingo tiano pewowa langkai kintala, kolorono ka pandorano ka luwuno parewano tiano anggaa mowangu Kema mempori, Kema Tepotowoa atuu,

Peluarakoa 40:33

I Musa moweweu kintala i limbuo Kema Mempori ka meda pontunua pesomba atuu ka mompasa sawu pelingo a mpewowa langkai i kintala atuu. Kanatuumo ipoko'umario i Musa anggaa atuu.

Peluarakoa 40:8

Asalakono poweweu kintala lumimbuo Kema Tepohawea atuu ka ponaakono sawu pelingo a mpewowa langkai kintala atuu.

Yehesikieli 40:14

Isongkao mbo'u bansalano pewowa langkai atuu: nomo pulu hiku ka lumimbuo bansalano pewowa langkai atuu hinao kintala.

Yehesikieli 40:17

Ka i'amba wawa aku a kintala i bungkuno, mentee ntu'u, lumimbuo kintala atuu hinao ba opia bolongko, porokono tolu pulu. Bolongko atuudo winangu i wawono asa horo watu.

Yehesikieli 40:20

ka mentee ntu'u, hinao pewowa langkai anu me'aro i utara ka tewinso kintala i bungkuno. Onae sumongkao ondauno ka maluano.

Yehesikieli 40:23

A kintala i larono hinao asa pewowa langkai anu tepo'aro saru pewowa langkai i utara mengkena teweweuno saru pewowa langkai i sabaano oleo; isongkao inso a mpewowa langkai atuu hawe a mpewowa langkai utara olono asa etu hiku.

Yehesikieli 40:28

Ka i'amba wawa aku a kintala i larono telalo a mpewowa langkai selata. Isongkao pewowa langkai atuu; songkano mengkena saru anu susua.

Yehesikieli 40:32

Ka i'amba wawa aku i sabaano oleo kintala i larono ka isongkao pewowa langkaino; songkano mengkena saru anu susua.

Yehesikieli 40:44

I bungkuno pewowa langkai te'alaako i larono hinao orua bolongko a kintala i larono; asa i apano pewowa langkai utara saru arono me'aro i selata, asa mbo'u i apano pewowa langkai selata saru arono me'aro i utara.

Yehesikieli 42:3

Tepo'aro saru anu rua pulu hiku inso a kintala i larono ka saru horo watu a kintala i bungkuno hinao tambi anu tepopo'aro ka metuda otolu.

Podoaa 3:26

luwuno sawu pelingo po'oloti kintala ka sawu pelingo pewowano kintala anu lumimbuo Kema Mempori ka meda pontunua pesomba ka kolorono, tewinso luwuno anggaa anu hinao penggoeno saru luwuno atuu.

Podoaa 4:26

luwuno sawu pelingo olotino kintala ka sawu pelingo a mpewowa langkaino kintala anu lumimbuo Kema Mempori ka meda pontunua pesomba, saru kolorono ka luwuno parewano anggaado. Ondae asalakono me'anggao luwuno anggaa anu tekona menggoe saru luwuno atuu.

Podoaa 4:32

luwuno karuno a kintala lumimbuo, luwuno empehino, luwuno pandorano, ka luwuno kolorono, saru luwuno parewano ka luwuno anu tewinso anggaado. Asalakono itisoako ira nte'o'asa parewa anu asalakono domentandeo.