Peluarakoa 24:8 - Wunta Mempori

⁸ Ka i'amba i Musa umalao rea atuu, ka itawisiako ira bawaa ka ipotae, ”Ndiomo rea pedandia anu pinokoroso-Do i Ue saru omiu, me'empehiako luwuno songka-Do.”

Peluarakoa 24:8 ပူးပေါင်းရင်းမြစ်များ

1 Mokole 8:21

I ra'ai kupatindaomo po'iangano burua pedandia, anu me'ihi pedandia anu wineweu-Do i Ue saru uempu'uto, tempono Dowawa ira mpeluarako inso i wita Masiri.”

1 Mokole 8:9

Nahina maupo hapa anu susua a laro burua atuu, sangkadio orua lempe watu anu ninaano i Musa i larono i torukuno Hore, po'iangaa-Do i Ue moweweu pedandia saru to Isaraeli i tempono dompeluarako inso i wita Masiri.

Po'unde-unde 78:36

Sine dopopo'ooako Ira ngangado, ka saru elodo mpegaupi ira ndi Ondae.

Peluarakoa 24:6

Umarino atuu i Musa mo'ala asa ntia inso a rea atuu itawao a laro ba te'opia bolusa, asa ntia mbo'u itawisiakono pontunua pesomba atuu.

Yesaya 52:15

kanatuumo onae ta weweu ira hadio tongku mengkohali-hali, luwuno mokole ira mengkomuo ngangado mengkitao; hangano hapa anu nahi domempinauako ira mengkitao, ka hapa anu nahi domerongeo ira mpokonto'orio.

Yeremia 31:32

komba kana pedandia anu Kuwutuomo saru uempu'udo i tempono Ku'inio kaedo wawa ira mpeluarako inso i wita Masiri. Pedandia-Ku atuu domehapuomo, maupo Ongkue gagi uedo, kanandiomo pau-Do i Ue.

Yehesikieli 16:8

Ongkue telalo umpeda ndi omue ka kumitako; mentee ntu'u, omue haweomo a tempono umingki mewowali. Kuwileo hawu-Ku i wawomu ka tumutuwio pinekaria winunimu. Saru mesumpa Ongkue moweweu pedandia saru omue, kanandiomo pau-Do Ue Ala, ka saru atuu omue gagi mia-Ku.

Yehesikieli 36:25

Aku umuwuo i wawomiu uwoi molino ranta ka imegagi morina. Aku mokomorina komiu inso a luwuno mokoburua ka lahumoamiu.

Imama 8:30

I Musa mo'ala mbo'u tedei lana po'urapi ka rea anu i wawono meda pontunua pesomba atuu, ka i'amba tawisiakono i Haruni ka sangkano, a luwuno anano ka sangkado. Kanandiomo ironsoo i Haruni saru sangkano ka luwuno anano saru sangkado.

Hagai 2:5

Kanandio-andio, pokorosoomo aroamu, hei Serubabeli, kanandiomo pau-Do i Ue; Pokorosoomo aroamu, hei Yosua anano i Yosadaki, sando mpesomba langkai, impokorosoomo aroamiu, hei luwuno palili, kanandiomo pau-Do i Ue. Impo'anggamo, hangano Ongkue kumongkomi komiu, kanandiomo pau-Do Ueno luwuakoano.

Sakaria 9:11

Mongkona omue, hangano rea pedandia-Ku saru omue, Aku motola ira miamu anu mentinaha inso a ngkineke anu nahina uwoi.

I MATIU 26:28

Hangano onaemo andio rea-Ku, rea pedandia, anu inuwuako hadio mia gagi po'onini hala.

I MARAKUSU 14:24

Ka Dopotaeako Ira: ”Ndiomo rea-Ku, rea pedandia, anu inuwu tiado Mia hadio.

I LUKASI 22:20

Kanandio koa mbo'u Doweweuo umarido mpongkaa, Do'alao tonde ka Dopotae, ”Tonde andio pedandia wo'ohu hangano rea-Ku, anu ime'inuwuako.

1 KORINTI 11:25

Kanandio koa mbo'u Do'alao tonde, umari-Do mongkaa, ka Do'amba motae, ”Tonde andio onaemo pedandia wo'ohu anu tinondoniako rea-Ku; imeweweuomo andio, sompo ime'inuo, gagi rorambe-Ku!”

EPESU 1:7

Hangano ndi Ondae ka hangano rea-Do ka tompohawe tetolosia, onaemo po'ampunia hala, montonda kaeano pompehohawa-Do,

Winali 5:2

Ondae i Ue, Ue Alato Dowutuomo pedandia saru ontae i Torukuno Hore.

IBARANI 10:29

Tedoaopo lalu mobea pohuku anu asalakono ipinoweeako, anu lumolanda Ira Ana-Do Ue Ala, anu tumuduo mokoburu rea pedandia anu mokomemporio, ka anu mokongkodei Ira Penaa pe'aroa?

IBARANI 13:20

Ka Ondae Ue Alano rodoa, anu hangano rea pedandia anu nahina tampulaano Dopokule Iramo inso i olodo mia mate Puu pompakambi Langkai anu pakambi ira luwuno bimba, onaemo Ondae i Yesu, Ueto,

Yosua 24:25

I'oleo koa atuu, i Yosua moweweu pedandia saru tongku atuu ka moweweu tepo'asaa pau ka atora, ndi ondae i Sikemi

1 PETURU 1:2

onaemo mia anu mebininiki, menunu saru songka-Do Ue Ala, Amato, ka anu pinokomempori-Do Penaa, ka dompomperorongeako ndi Ondae i Yesu Kerisituu ka mentarimao tinawisiako rea-Do. Po'ineeomo pe'aroa ka rodoa ka ikohadi-hadiono ndi omiu.