Peluarakoa 23:2 - Wunta Mempori

² Omue si tonda-tonda ira mia hadio mpoweweu mosa'o, ka tewala gagi sakosii mongkona asa kara-kara, si tonda-tonda ira mia hadio mpopelengkuako songka.

Peluarakoa 23:2 ပူးပေါင်းရင်းမြစ်များ

Tegagia 19:4

Se'eluno napi dopoturi, luwuno tama i kota Sodomo hawe mengkaduo raha atuu, inso anu mongura hawe anu mota'u, tendeano luwuno palilino kota, nahi tebiniki.

Tegagia 6:12

Dokitao Ue Ala tolino atuu, ka mengkaa tedoa ntu'u mosa'o, hangano luwuno mia mpoweweu anu mosa'o i tolino.

Tegagia 7:1

Mepau Iramo i Ue ndi Noho, ”Pewinsomo a larobangka atuu, omue ka luwuno ihino rahamu, hangano omuemo anu mentee a pongkita-Ku i olodo mia tempo andio.

1 Mokole 19:10

Sangkino, ”Tedoa aku me'o'osu mo'angga ndi Omiu Ue, Ue Alano luwuakoano, hangano to Isaraeli mebintao pedandia-Miu, mpobangkuo luwuno meda pontunua pesomba ndi Omiu ka mpepateako ira ponai luwuno nabi-Miu. Butu ongkue asa-asaku anu da tuwu ka ondae mpo'ungke sala ira mpepate aku.”

Ayubi 31:34

hangano doitoku a mia hadio ka pontetewehido pe'etu mokontededengke aku, onaemo ka kupenoro-noro ka nahi kupeluarako inso a mpewowa!

Po'unde-unde 72:2

Po'ineeomo ka ibitara ira bawaa-Miu a moleoa ka mia-Miu anu ntepokonsii menunu songka!

Powadi 1:15

Hie anaku, omue si tuwu tumondao peleludo, ontoomo karumu inso a mpesalaado,

Powadi 18:5

Nahi moiko me'alaako a mia mosa'o gauno ka mia mentee nahi tinarima a mpebitaraa.

Powadi 4:14

Si pesalaio pesalaano mia mosa'o gauno, ka si tondao pesalaano mia moweweu mosa'o.

Yeremia 37:15

Luwuno mia pinemota'u andio gagi ntekuda ndi Yeremia. Domentunduhio ka mewinsoo a raha potorungkua, rahano i Yonata, puu mpoburi a poparentaa. Raha atuu pinokogagiomo torungku.

Yeremia 37:21

Mokole Sedekia mompowee parenta, ka i'amba mia mentahao i Yeremia a kintala podagaia. Sompo oleo pineweeako asa roti bonggoli inso a nsala puu mpoweweu roti, ranta luwuno roti pingko i kota atuu. Kanatuumo i Yeremia mo'ia a kintala podagaia atuu.

Yeremia 38:9

”Oo ueku mokole, mia atuudo mpoweweu mosa'o a luwuno anu wineweudo ndi nabi Yeremia tendeano onae domewinsoo a laro nsumuru. Onae ta mate mokoninggo a mpo'ianga atuu hangano nahina mbo'u roti i kota.”

Yehesikieli 9:9

Dosangki aku, ”Salado suku Isaraeli ka Yehuda tedoa langkai, ranta wita andio bukeako rea ka kota andio bukeako poweweu nahina moleoa. Hangano, dompotae, ’Wita andio Dobintaomo i Ue ka nahi Dokitao i Ue.’

Imama 19:15

Si memolengku a mpopaua kara-kara: si mpo'alaako mia mongkokolaro ke mentondao po'ehedo mia langkai potorono, sine asalakono impopau mentee kara-karado pe'asa miamiu.

Hagai 1:4

”Nde haweakoomo tempono ka impo'iangario luwuno rahamiu anu me'apiiako dopi, sekono raha-Do andio da kana howuno anu terawo?

I MARAKUSU 15:15

Ka hangano i Pilatu ineheno tumondaako ira po'ehedo mia hadio atuu, ipotolaako ira i Baraba. Sine Ondae i Yesu ibobarasai Ira ka i'amba meweengako Ira ka Dopinaso a ngkeu pinotamba.

I LUKASI 23:51

Onae nahi pemoikoo pompakosi ka wineweudo Majelisi atuu. Onae inso i Arimatea, aasa kotado to Yahudi ka onae monsisikori Poparentaa-Do Ue Ala.

WINEWEUDO TINENA 24:27

Sine mansano sompoomo orua nta'u, i Pelikisi i'euo i Parekiu Pesutu, ka hangano ta mo'ala-ala aroado to Yahudi, ipo'ineeo mpiha i Paulu a laro torungku.

WINEWEUDO TINENA 25:9

Sine i Pesutu anu mingki mo'ala-ala aroado to Yahudi, sumangkio i Paulu, ipotae, ”Beheko koake lumako i Yerusale, ka ubinitara i ra'ai i aroku mongkona kara-kara andio?”

ROMA 1:32

Hangano maupo domento'orio luwuno anu po'eheno songka-Do Ue Ala, onaemo nine sompo mia anu weweu ira anu kanandio, tekona ihinuku mate, ondae komba butu meweweuo ondaedo, sine dompemoiko ira koa mbo'u anu meweweuo.

Winali 1:17

Si mpompesusua mia i larono impompau kara-kara. Moiko mia kodei tuwuno maupo mia langkai tuwuno, asalakono imperorongeakono. Si medoito maupo ndi semamokoa, hangano pebitaraa pabawa-Do Ue Ala. Sine, kara-kara anu impemotungkoo lahi, asalakono imewawao ndi ongkue, ka kuperorongeakono.”

Winali 16:19

Si mpoposule moleoa kasi mpobiniki mia. Osi'i mbo'u impotarima pompowee nahi moleo, hangano pompowee nahi moleo mokomorawuo matano mia pande mompewowolo ka momposule kara-karano mia mentee.

Winali 24:17

Sirontuo tiano mia hawe ka nana'ote nahina amano. Si alao mbo'u sangkano asa mia tuwu beine gagi pegade.

Yosua 24:15

Sine ba impewowoloo, nahi impemoikoo mesomba ndi Ondae i Ue, impobinikimo oleo andio ke ndi sema komiu mpesomba; luwuno anu pinesombaido ue mpu'umiu i asatowano koro Yarade, ke anu pinesombaido to Amori, anu witano impo'iangario. Sine ongkue ka luwuno pe'asa rahaku kami mpesomba ndi Ondae i Ue!”

1 Samueli 15:24

Motae i Saulu ndi Semueli, ”Tehala akumo ndi Ondae i Ue hangano ku'ewaiomo songka-Do ka paumiu, hangano kudoitoako ira palili onae ka kutondaako ira po'ehedo.

1 Samueli 15:9

Sine i Saulu ka luwuno palili nahi dompepateo i Aga. Kanatuukoa mbo'u asa bawaa bembe bimba ka sapi anu tekosi ka mewalo, ana bimba ka luwuno anu masuli olino nahi domebehe mpokoropuo. Sine luwuno anu nahina olino ka anu mosa'o dompokoropuo.