Kupotae, ”Oo Ue, Ue Alano asa wawo langi, Ue Ala langkai pabawa-Do ka mongkokongiri, anu me'ini a mpedandia ka pompehohawa-Do a mia anu mehohawa Ira ka tumondao luwuno parenta-Do,
anu nahi bali pompehohawa-Do a sowu-sowuno mia, anu mo'onini sala, pe'ewa ka hala, sine nahi Dopo'inee ira mia anu sala toola inso a mpohuku, anu mombalo salano luwuno ama, a ana ueno, hawe a inuleno anu ko'otolu ka ko'opaa.”
Omiumo anu mopokitao pompehohawa-Miu a mapasowu-sowuno mia ka anu mombalo salado ama a luwuno anado umarino ondae. Oo Ue Ala anu langkai ka moroso, nee-Miu onaemo Ueno luwuakoano,
Ku'emao ndi Ondae Ue Alaku, ka mangakuakono halaku, kanandio, ”Oo Ue, Ue Ala anu tedoa langkai ka mongkokongiri, anu uminio Pedandia, pe'aroa ka pompehohawa ndi ondae anu mehohawa Komiu saru me'ini a parenta-Miu!
Ondae i Ue atuu tedoa sabara ka hadio ntu'u pompehohawa-Do, Do'oninio sala ka pe'ewa, sine nahi Dopotolao mia anu sala inso a mpohukua. Ondae mombalo salano ama a luwuno anano, a inule ko'otolu ka ko'opaa.
Ba isema uminio parenta-Ku ka iweweuo, onaemo anu kumekewoi Aku. Ka ba isema mehohawa Aku, Ira mehohawao Ama-Ku ka Ongkue mbo'u Aku mehohawao ka Aku mepokomengkaa ndi onae.”
Onaemo pu'uno asalakono kai mento'orio, nine Ondae i Ue, Ue Alamiu, Ondaemo Ue Ala, Ue Ala anu metenunu, anu me'ini a mpedandia ka pompehohawa a mia anu mehohawa Ira ka uminio parenta-Do, hawe asa nsowu inule.
Me'uraomo mia anu mompetea a laro po'ara-arahako, hangano tewala ipokolaloomo po'arahako, ta tumarimao ramba-ramba ulu tuwua anu dinandi-Do Ue Ala ndi ba isema anu mehohawa Ira.
Ka ndiomo pompehohawa atuu, onaemo nine asalakono ka tomentuwu montonda parenta-Do. Ka ndiomo parenta atuu, onaemo nine asalakono ka imentuwu a laro pompehohawa, kana imerongeomo inso a pompu'uano.