Peluarakoa 20:5 - Wunta Mempori

⁵ Si mpelangkaio ke mpesomba ndi onae nde Ongkue Ue, Ue Alamu, onaemo Ue Ala anu mosiri, anu mombaloakono halano amano a anano, hawe a inuleno anu ko'otolu ka ko'opaa inso a luwuno mia anu umewai Aku.

Peluarakoa 20:5 ပူးပေါင်းရင်းမြစ်များ

2 Samueli 21:1

Tempono poparentaano i Daudi gagiomo mokoninggoa otolu nta'u metonda-tonda tehineno, ka i'amba i Daudi lumako mompesikenoako pontiso-Do i Ue. Mepau Iramo i Ue, ”Mongkona pasua rea hinao ndi Saulu ka somborino, hangano ipepate iramo to Gibeo.”

2 Samueli 21:6

po'ineeomo ipeweengakono opitu mia ana ntamano ndi omami, ka kimendoe ira i aro-Do i Ue i Gibeo, i pongku wita-Do i Ue.” Umarino atuu motae iramo mokole, ”Aku koa meweengako ira.”

1 Mokole 19:10

Sangkino, ”Tedoa aku me'o'osu mo'angga ndi Omiu Ue, Ue Alano luwuakoano, hangano to Isaraeli mebintao pedandia-Miu, mpobangkuo luwuno meda pontunua pesomba ndi Omiu ka mpepateako ira ponai luwuno nabi-Miu. Butu ongkue asa-asaku anu da tuwu ka ondae mpo'ungke sala ira mpepate aku.”

1 Mokole 21:29

”Nde ukitaomo i Ahabi tedoa me'urumako i aroku? Hangano onae me'urumakoomo i aro-Ku, nahi Aku mopotii masolaa tempono da ituwu. Ambapo a temponopo anano, Aku mompotii masolaa a somborino.”

2 Mokole 17:35

Ondae i Ue moweweu pedandia saru ondae ka moweeako ira parenta, ”Siimo impesomba a pinesombai susua, siimo impenggolontu mpesombaio, siimo impesomba ke mpopesombaako pesomba ndi onae.

2 Mokole 17:41

Kanandiomo luwuno tongku andio mpesomba ndi Ondae i Ue, sine mpesomba ira mbo'u a luwuno lahumoado; moiko luwuno anado maupo luwuno ana'uedo moweweu kana anu wineweudo uempu'udo hawe oleo andio.

2 Mokole 23:26

Sine Ondae i Ue nahi bali inso a ntekuda-Do anu langkai, anu tensila a nto Yehuda hangano luwuno wineweuno i Manase anu mokotesingkao tekuda-Do.

2 Mokole 5:18

Po'ineeomo Do'ampunio i Ue atamiu andio mongkona andio: Tewala ondae ueku mokole mewinso a raha mpelahumoaa Rimoni ira menggolontu mesomba i ra'ai, ka dopehonda a ngkaeku, ranta ongkue asalakono metonda menggolontu mesomba a laro raha mpelahumoaa Rimoni atuu, po'ineeomo Ondae i Ue umampunio atamiu andio mongkona atuu.”

2 Mokole 5:27

Sine, haki ngkuli anu umaluo i Na'ama ta metako ndi omue ka ana'uemu ranta nahina tampulaano.” Ka i'amba meluarako i Gehasi inso i arono; onae i'aluo haki ngkuli, mpute kana uwoi baku.

2 Tawarika 25:14

I Amasia mekule, umarino numangi ira to Edomi atuu. Iwawao mekule luwuno lahumoado inuleno i Seiri ka ipontadeo gagi luwuno pinesombaino. Onae menggolontu mesomba a luwuno pinesombaino atuu ka ipontunuako ira pesomba.

2 Tawarika 7:19

Sine, tewala mpe'ewa komiu ka bintao luwuno pompakosi ka parenta-Ku anu umariomo Kuweeakomiu ka lumako mpesomba a mpinesombai susua saru mpenggolontu mesomba ndi onae,

Ayubi 21:19

Dompotae mia, ’Salano Donaao Ue Ala tiado anano.’ Sine po'ineeomo onaeno mia atuu anu Dohukuo Ue Ala, ka itelike.

Ayubi 5:4

Luwuno anano wela nahi tetulungi, ondae melinolanda a mpewowa langkai nahina mia anu motola ira.

Po'unde-unde 109:14

Po'ineeomo salado uempu'uno rinorambe i aro-Do i Ue, ka si pinahihi halano ineno.

Po'unde-unde 78:58

aroa-Do dompokomahakiakono luwuno po'ianga pompelangkaia, weweu Ira mahaki aroaako luwuno tinahado.

Po'unde-unde 79:8

Siimo Ipototoiakami salado uempu'umami, sine bakanaano pompehohawa-Miu ronga tumotowo kami, hangano tedoa kamimo memolema.

Po'unde-unde 81:15

i tempo koa mbo'u atuu iwalido Kupokompetuundu ira, ka i wawono luwuno iwalido Kupotiio kae-Ku;

Peluarakoa 23:24

Si mpenggolontu mpelangkaio pinesombai susua ke mpesomba ndi onae, ka si mentondao wineweudo luwuno tongku atuu, sine imempokotampulao lahumoado, ka imerawo-rawoo luwuno tugu pelahumoaado.

Peluarakoa 34:14

si mpenggolontu mpesomba a anu pinesombaido susua, hangano Ondae i Ue meneeako ”Mosiri”, Ondae, onaemo Ue Ala anu mosiri.

Powadi 8:36

Sine isema nahi hawe aku, mokorugio koroino; luwuno mia anu umo'aliaakune, mongkekewoi matea.”

Yesaya 44:15

Keuno gagi keu ponahudo mia, anu inalano gagi peraramiano, ke mokomelangao pontunu roti. Sine, iweweuo mbo'u gagi pinesombai ka ipesombaio; i'anggao gagi tinaha ka ipesomba ndi onae.

Yesaya 44:19

Nahina anu tumimbangao, nahi sompo ponto'ori ke mokonto'orio ka ipauo, ”Entongano kutunuomo a laro api ka a wawo warono mbo'u kutunuo roti, kuraramio bau, ka ku'amba kumaano. Kana'umpe ta moiko toreano kuweweuo gagi lahumoa minokoburuako? Kana'umpe aku menggolontu mesomba a ngkeu motu'i?”

Yeremia 2:9

Onaemo pu'uno Aku mekara-kara mbo'u saru omiu, kanandiomo pau-Do i Ue, ka saru ana'uemiu Aku mekara-karaako ira mbo'u.

Yeremia 32:18

Omiumo anu mopokitao pompehohawa-Miu a mapasowu-sowuno mia ka anu mombalo salado ama a luwuno anado umarino ondae. Oo Ue Ala anu langkai ka moroso, nee-Miu onaemo Ueno luwuakoano,

Yehesikieli 18:19

Sine omiu mpotae: Tembio ana nahi petonda tumembio salano amano? Hangano ana atuu moweweu moleoa ka menteea, metenunu weweuo luwuno pompakosi-Ku, ka ana atuu manasa tuwu.

Yehesikieli 18:2

”Hinao hapa saru omue, ranta ka imempauo popotundaa pau andio i wita Isaraeli: Luwuno ama mpongkaa wua momata ka ngisido anado gagi mongilu?

Yehesikieli 20:7

Ongkue mepau ndi ondae: Po'ineeomo sompo mia ka itadi ira pinesombaino anu mokoburu, ba isua ite'aro matano ka koroimu sii kokoburutiakono luwuno lahumoado to Masiri; Ongkuemo Ue, Ue Alamiu.

Yehesikieli 39:25

Onaemo pu'uno, kanandiomo pau-Do Ue Ala: Kanandio-andio, Aku momuleo teweweuno i Yako ka mehohawao luwuno suku Isaraeli. A nee-Ku anu mempori Ongkue gagi mahaki aroa.

Yehesikieli 8:3

Ondae tumasiakono asa anu tadeno kana kae ka Do'inio wuu a uluku. Ka i'amba Penaa-Do i Ue atuu tumande aku i olono langi ka tolino saru wawa aku a laro luwuno pongkita-Do Anu Pabawa i Yerusale umpeda pewowa langkaino kintala i larono anu me'aro i utara, i ra'ai po'iangano lahumoa, anu mokomahaki aroa.

Danieli 1:2

Ondae i Ue meweengakono i Yoyakimi, mokoledo to Yehuda, ka asa ntia parewa a Raha-Do Ue Ala a ngkaeno. Luwuno atuu iwawao i wita Sineari, a raha mpesombaano. Parewa atuudo inaao a laro mponaapa arataa pinesombaano.

Danieli 3:18

Sine ande-andeno naahi, moikoano ka ito'orio ueku, oo mokole, nine nahi kami me'unde-undeo pinesombaimiu ueku, ka nahi kami mpesombaio tinaha wulaa anu pinontademiu atuu ueku.”

Imama 20:5

manasa Ongkue isa'a anu umaropio mia atuu saru asa nsomborino ka mokotampulao inso i tonga-tongano tongkuno saru luwuno mia anu tumondao mososabo, onaemo monsosabo mesombaio i Moloko.

Imama 26:1

”Si mpoweweu lahumoa pesombaamiu, si mpompontade tinaha ke tugu pelahumoaamiu, ka si mponaa watu ngginori i witamiu ka impenggolontu mpesomba ndi onae, hangano Ongkuemo Ue, Ue Alamiu.

Imama 26:29

Ka komiu mpongkaa baudo anamiu tama ka beine.

Nahumi 1:2

Ondae i Ue atuu Ue Ala anu meposiri ka puu mpombalo, Ondae i Ue atuu puu mpombalo ka bukeako tensilano tekuda, Ondae i Ue atuu puu mpombalo a luwuno anu umewai Ira ka monaa aroa a luwuno iwali-Do.

Podoaa 14:18

Ondae i Ue atuu tedoa sabara ka hadio ntu'u pompehohawa-Do, Do'oninio sala ka pe'ewa, sine nahi Dopotolao mia anu sala inso a mpohukua. Ondae mombalo salano ama a luwuno anano, a inule ko'otolu ka ko'opaa.

Podoaa 14:33

ka luwuno anamiu ira mpelakopi gagi puu mpopakambi i pada one ilarono pato pulu nta'u ka ira mentembio nahi petenunumiu ranta luwuno wata ngkoroimiu pingko i pada one.

Podoaa 25:11

”I Pineha anano i Eleasa, anano sando mpesomba Haruni momulea-Kunemo tekuda-Ku inso a nto Isaraeli, hangano mosia tumeahakono popelangkai ndi Ongkue i tonga-tongado, ranta nahi Kupingko ira to Isaraeli a laro mosiri-Ku.

I MATIU 4:9

ka ipotaeako Ira, ”Luwuno atuu aku weea-Komiu, tewala menggolontu Komiu mesombai aku.”

I YOHANE 15:18

”Tewala i'o'aliaakomiu wawontolino, impewowoloomo nine se'eluomo i'o'aliaa-Kune sekonopo omiu.

I YOHANE 7:7

Wawontolino nahi poko'o'aliaakomiu, sine i'o'aliaa-Kune, hangano mesakosii Aku mongkona onae, nine luwuno inanggano mosa'o.

I YOHANE 9:2

Ana guru-Do mpesikeno ndi Ondae, ”Guru, isemake anu moweweu hala, onaeno mia andio ke mia mota'uno, ranta ka ipine'anaako morawu?”

ROMA 1:30

Ondaemo anu mpompepaukiako, mara mpontuluri, umo'aliaako Ira Ue Ala, nahi domponto'ori gau, mpompelangka-langkai, mpehamba-hamba, mempande a wineweu mosa'o, nahi dompomperorongeako a mia mota'u,

ROMA 8:7

Hangano po'eheno tuwu ntolino onaemo umewa ndi Ondae Ue Ala, hangano nahi tondao songka-Do Ue Ala; mongkona andio lano nahi polio.

1 KORINTI 10:22

Ke kita mpokotesingkaoke mosa'ono aroa-Do i Ue? Nde memoroso kitapoke sekono Ondae?

Winali 32:21

Dompokomosiria-Kune anu komba Ue Ala, mokontesilaa-Kune aroa-Ku hangano lahumoado. Onaemo pu'uno Aku mokomosiriako ira saru anu komba bawaa, mokontesilaako ira tekudado saru tongku anu motea aroa.

Winali 32:41

tewala Ku'ahao ponai-Ku anu tesosangkilo, ka kae-Ku mo'ini pohukua, Aku koa mombalo tinoo a iwali-Ku ka humuku ira anu umo'aliaa-Kune.

Winali 4:24

Hangano, Ondae i Ue, Ue Alamiu, onaemo api anu mompokomo'ai, Ondae Ue Ala anu monsiri.

Winali 5:10

Sine, Aku mopokitao pompehohawa pokongkomi a sowu-sowuno mia, ndi ondae anu mehohawa Aku ka me'ini a luwuno parenta-Ku.

Winali 5:9

Si mpenggolontu mpelangkaio ke mpesomba ndi onae, hangano Ongkue Ue, Ue Alamiu, onaemo Ue Ala anu monsiri, anu mombalo salano ama a luwuno anano hawe a inuleno ko'otolu ka ko'opaa inso a luwuno mia anu umo'aliaaKune.

Winali 6:15

hangano Ondae i Ue, Ue Alamiu, Ondaemo Ue Ala anu mosiri i tonga-tongamiu. Kasi mansa tekuda-Do i Ue, Ue Alamiu haweako ndi omiu, ranta ka Doropu komiu inso i wawontolino.

Winali 7:10

Sine a mia anu umo'aliaako Ira, Ondae mombaloako pompepate ndi ondae. Nahi Doponaa-naa ka Doweweuo pombaloa a mia anu umo'aliaako Ira.

YAKOBU 4:4

Hei omiu, mia anu nahi mpetenunu! Nahi imento'orioke, nine pesambe'ea saru wawontolino onaemo pe'iwalia saru Ondae Ue Ala? Gaagi ba isema mingki gagi sambe'eno wawontolino andio, ipokogagio koroino iwali-Do Ue Ala.

Yosua 23:16

Tewala imelinggeio pedandia, anu Dotenaakomiumo i Ue, Ue Alamu, ka imelako mpesomba ia pinesombai susua. Tekuda-Do i Ue ta tensila ndi omiu onaemo ka imeropu inso ia wita anu mioko anu Doweakomiumo ndi omiu.”

Yosua 23:7

Sii mpe'asaako ira luwuno tongku anu da tepo'ia i olomiu atuu. Sii me'akuio neeno anu pinesombai susua ke ba mesumpa ia nee atuu. Sii mpesombaio lahumoa atuu.

Yosua 24:19

Sine i Yosua mepau ia tongku atuu, ”Nahi komiu mempolio mpesomba ndi Ondae i Ue, nde Ondaemo Ue Ala anu mempori, Ondaemo Ue Ala anu meposiri. Nahi Ira umoninio pe'ewa ka halamiu.

Puu Mpobitara 2:19

Sine ba puu mpobitara atuu mate, wali ira mpoweweu anu mosa'o, laluaopo sekono ue mpu'udo, mentondao anu pinesombai susua; mpesomba ira a anu pinesombai atuu ka mpenggolontu mpesombaio. Nahi dompenaa-naakono wineweudo ka leludo anu mpe'ulu watu.