Peluarakoa 20:4 - Wunta Mempori

⁴ Si mpoweweu lahumoa anu mengkena hapamo koa anu i langi i wawono, ke anu i tolino i totono, ke anu mpo'ia a laro uwoi itotono tolino.

Peluarakoa 20:4 ပူးပေါင်းရင်းမြစ်များ

1 Mokole 12:28

Umarino mo'ema patudu, ondae mokole moweweu orua ana nsapi laki inso a wulaa. Ka i'amba motae ndi ondae, ”Sompoomo tehineno imelako i Yerusale. Hei Isaraeli, imengkitaomo pinesombaimiu anu wawakomiu mpeluarako inso i wita Masiri.”

2 Mokole 17:12

Mpesomba ira a luwuno lahumoa, maupo Dopepaumo i Ue ndi ondae, ”Si mpoweweu kanatuu!”

2 Tawarika 33:7

Inaao mbo'u tinaha lahumoa anu iweweuomo a laro raha-Do Ue Ala, kahinaano Ondae Ue Ala mepau Iramo ndi Daudi ka ndi Salomo, anano, ”A laro raha andio ka i Yerusale, anu Kubinikiomo inso i olono sukudo to Isaraeli, Aku weweuo nee-Ku mo'ia ranta nahina tampulaano!

Po'unde-unde 78:58

aroa-Do dompokomahakiakono luwuno po'ianga pompelangkaia, weweu Ira mahaki aroaako luwuno tinahado.

Po'unde-unde 97:7

Luwuno mia anu mesomba a ntinaha ta mohawe mokoko'ii, kanatuu koa mbo'u anu mompelangka-langkaiako luwuno lahumoa; luwuno pinesombai mpenggolontu mpesomba ndi Ondae.

Peluarakoa 20:23

Si mpoweweu lahumoa pesombaamiu mpongkenao saru Ongkue; inso a nsalaka ke inso a wulaa, si mpoweweu.

Peluarakoa 32:1

Mansado mengkitao tongku atuu, nine i Musa tehineomo nahi hori metii inso i torukuno atuu, mpepumpu iramo melimbuo i Haruni ka dompotaeakono, ”Aiwa, poweweuakami Ue Ala anu ta melempa i aromami. Hangano i Musa, mia anu wawa kita mpeluarako inso i wita Masiri, nahi kimento'orio hapa anu gagi ndi onae.”

Peluarakoa 32:23

Mpotae ira ndi ongkue, ”Aiwa, poweweua kamimo Ue Ala, anu ta melempa i aromami. Hangano i Musa mia anu wawa kitamo mpeluarako inso i wita Masiri, nahi kimento'orio hapa anu gagi ndi onae.”

Peluarakoa 32:4

Itarimao inso a ngkaedo, ka iweweuo tinadeno mompake parewa ka iweweuo ana nsapi wulaa tinawa. Ka do'amba mpotae, ”Hei Isaraeli ndiomo Ue Alamiu, anu tumaate komiu mpeluarako inso i wita Masiri!”

Peluarakoa 32:8

Tedoa ira ronga mepansia inso a nsala anu Kuparentaako ira. Mpoweweu iramo ana nsapi tinawa ka dompenggolontu mpesombaio. Mpopesombaako ira pesomba ndi onae, ka dompotae: Hei Isaraeli ndiomo Ue Alamiu anu tumaate komiu mpeluarako inso i wita Masiri.”

Peluarakoa 34:17

Si poweweu anu pinesombai tinawa.

Yesaya 42:17

Mia anu mompe'ala-ala a lahumoa pina'o ta mewolili i bungkuno ka mokoko'ii, kanatuumo mia anu mpotae a ntinaha tinawa, ”Omiumo pinesombaimami.”

Yesaya 42:8

Ongkue Ue, onaemo nee-Ku; nahi Kupeweengakono maramba-Ku a nsusuaano ke telele-Ku a ntinaha.

Yesaya 45:16

Sine, anu mpoweweu lahumoa asalakono ira mpeliahako bukeako mokoko'iia, ira memokoko'ii ka mpohawe mbo'u mokoko'iia.

Yehesikieli 20:7

Ongkue mepau ndi ondae: Po'ineeomo sompo mia ka itadi ira pinesombaino anu mokoburu, ba isua ite'aro matano ka koroimu sii kokoburutiakono luwuno lahumoado to Masiri; Ongkuemo Ue, Ue Alamiu.

Yehesikieli 8:10

Ka ku'amba mewinso ka kumitao, mentee ntu'u, luwuno gambarano kondehora melele, kondehora susua anu mokoburu, ka luwuno lahumoado suku Isaraeli tenggori a rere watu limbu-limbu.

Yehesikieli 8:3

Ondae tumasiakono asa anu tadeno kana kae ka Do'inio wuu a uluku. Ka i'amba Penaa-Do i Ue atuu tumande aku i olono langi ka tolino saru wawa aku a laro luwuno pongkita-Do Anu Pabawa i Yerusale umpeda pewowa langkaino kintala i larono anu me'aro i utara, i ra'ai po'iangano lahumoa, anu mokomahaki aroa.

Imama 19:4

Si mpewolili a luwuno lahumoa, ka si mpoweweu pesombaamiu susua anu tinawa. Ongkuemo Ue, Ue Alamiu.

Imama 26:1

”Si mpoweweu lahumoa pesombaamiu, si mpompontade tinaha ke tugu pelahumoaamiu, ka si mponaa watu ngginori i witamiu ka impenggolontu mpesomba ndi onae, hangano Ongkuemo Ue, Ue Alamiu.

Podoaa 12:8

Tepo'aro rupa Kupepau saru onae, nahina mo'oloti, komba mesingguru ka ikitao rupa-Do i Ue. Tembio ke nahi imedoito tumatao tetenaa-Ku i Musa?”

WINEWEUDO TINENA 17:29

Hangano ontae te'inso a inule-Do Ue Ala, si tompompewowolo, nine tade-Do Ue Ala mengkena kana wulaa ke salaka ke watu, wineweu pepalindoa ka pandeno ntu'u mia.

ROMA 1:23

Maramba-Do Ue Ala anu nahina tampulaano dome'euakono tinaha kana mia anu ta tampula, manu-manu, kondehora anu mekaru opaa ke kondehora anu melele.

Winali 16:22

Osi'i mbo'u impowangu tugu lahumoa, hangano mongkona atuu Do'o'aliaakono i Ue, Ue Alamiu.

Winali 27:15

’Tetotonaaomo mia anu moweweu tinaha pina'o ke tinaha tinawa, aasa mokoburu-Do i Ue, wineweuno kaeno asa mia puu mpo'angga, ka montadeo mewuni-wuni.’ Luwuno tongku atuu, asalakono mpotae, ’Ami!’

Winali 5:8

Si mpoweweu tinaha tiamiu maupo kana hapa anu kongko i langi i wawono, ke anu kongko i tolino i totono, ke anu kongko a laro uwoi i totono tolino.

MENGKAAA 16:2

Ka lumakoomo mala'eka anu ko'aasa ka i'uwuo tondeno i wawontolino; ka mesabaakoomo kamba anu lambaha ka anu ira memasolaako luwuno mia anu hinao tondonino inso a ngkodehora atuu ka anu mpesomba a ntinahano.

MENGKAAA 9:20

Sine mia mehano, anu nahi mateako marasaia atuu, nahi dontepidi koa mbo'u inso a wineweuno kaedo: nahi dompenaa-naa mpesombai ira onitu nsa'o ka luwuno lahumoa inso a wulaa ka salaka, inso a mala, watu ka keu anu nahi pokompongkita ke moronge ke melempa,

Puu Mpobitara 17:3

Umari atuu ipokuleomo doi salaka asa nsowu ka asa etu atuu ndi ineno: Sine ipotae ineno, ”Aku mokomemporio doi atuu ndi Ondae i Ue, aku metiakono ndi anaku, ka iwineweu tinaha, ka tinaha hinola te'inso ia doi atuu. Kanandio, doi atuu kupokuleo ndi omue.”