Peluarakoa 20:3 - Wunta Mempori

³ Si hina ndi omiu ue ala anu susua i aro-Ku.

Peluarakoa 20:3 ပူးပေါင်းရင်းမြစ်များ

1 Mokole 11:4

I tempono mota'uomo i Salomo, kombiano atuudo mempopandeio aroano a mpinesombai susua, ranta aroano nami buke metenunu ndi Ondae i Ue, Ue Alano, kana aroano i Daudi, amano.

Po'unde-unde 29:2

Weeako Iramo i Ue marambano nee-Do, impenggolontumo mpesomba ndi Ondae i Ue a laro mewantano mempori-Do!

Po'unde-unde 73:25

Isema mbo'u anu aku me'ueo i suruga, tewala i tolino nahina anu kinekewoiku sangkadio Omiu?

Po'unde-unde 81:10

’Si hina i olomu pinesombai susua, ka si pesomba a mpinesombai susua.

Po'unde-unde 81:9

Rongeomo hei bawaa-Ku, Aku moweeakomiu pepopoto'ori; hei Isaraeli, tewala beheko rumonge Aku:

Peluarakoa 15:11

Isema kana Omiu i olodo pinesombai susua, O Ue? Isema kana Omiu, maramba a laro mempori-Miu, ntengiri hangano wineweu-Miu tepalele, anu moweweu kinohali-haliako?

Peluarakoa 20:23

Si mpoweweu lahumoa pesombaamiu mpongkenao saru Ongkue; inso a nsalaka ke inso a wulaa, si mpoweweu.

Peluarakoa 22:19

Maupo isema anu mewowaliako pinotuwu, manasa onae ta hinuku mate.

Peluarakoa 23:24

Si mpenggolontu mpelangkaio pinesombai susua ke mpesomba ndi onae, ka si mentondao wineweudo luwuno tongku atuu, sine imempokotampulao lahumoado, ka imerawo-rawoo luwuno tugu pelahumoaado.

Peluarakoa 32:8

Tedoa ira ronga mepansia inso a nsala anu Kuparentaako ira. Mpoweweu iramo ana nsapi tinawa ka dompenggolontu mpesombaio. Mpopesombaako ira pesomba ndi onae, ka dompotae: Hei Isaraeli ndiomo Ue Alamiu anu tumaate komiu mpeluarako inso i wita Masiri.”

Peluarakoa 34:14

si mpenggolontu mpesomba a anu pinesombaido susua, hangano Ondae i Ue meneeako ”Mosiri”, Ondae, onaemo Ue Ala anu mosiri.

Yesaya 26:4

Pe'ala-ala Iramo mpiha i Ue, hangano Ondae Ue Ala onaemo torukuno watu anu nahina tampulaano.

Yesaya 42:8

Ongkue Ue, onaemo nee-Ku; nahi Kupeweengakono maramba-Ku a nsusuaano ke telele-Ku a ntinaha.

Yesaya 43:10

”Omiumo sakosii-Ku,” kanandiomo pau-Do i Ue, ”ka tetenaa-Ku anu Kubinikiomo, ka imento'orio ka mpompe'ala-ala ndi Ongkue ka mpokonto'orio nine Ongkuemo Ondae. Se'eluno Ongkue nahina pinesombai wineweu, ka umarino Ongkue nahina mbo'u.

Yesaya 44:8

Siimo pondende ka siimo doito! Kombake inso i ndi'ipua Kupaleleomo ka Kupauomo mongkona atuu ndi omiu. Omiumo sakosii-Ku! Hinaoke pinesombai sangkadio Ongkue? Nahina Torukuno Watu anu susua, nahina anu tino'ori-Ku!”

Yesaya 46:9

pewowoloomo mongkona anu i ndi'ipua inso mompu'u se'eluno ntu'u, menteeano Ongkuemo Ue Ala ka nahina anu susua, Ongkuemo Ue Ala ka nahina anu kana Ongkue.

Yeremia 25:6

Si mpetonda a mpinesombai susua saru mpesomba ka mpenggolontu mpesombaio. Si mpokontesingkaakono wineweuno kaemiu tekuda-Ku, ka si Kupompotiiakomiu masolaa.

Yeremia 35:15

Nahi otu-otu Kutena ira tetenaa-Ku ndi omiu, luwuno nabi, mempauo: Impepokulemo singge mia inso a mpelelumiu anu mosa'o atuu, impokomoikoomo wineweumiu, si mpetonda a mpinesombai susua saru mpesomba ndi ondae, ka komiu koa mpo'ia mpiha i wita anu Kuweeakomiumo ka uempu'umiu. Sine nahi mebehe mpo'aroo birimiu ka nahi mebehe meronge Aku.

Yeremia 7:9

Nde kana'umpe umarimiu mponako, mpompepate, mpososabo ka mpesumpa mpegaupi, mpontunu pesomba a Baala ka mpotonda pinesombai susua anu nahi imento'orio,

Danieli 3:18

Sine ande-andeno naahi, moikoano ka ito'orio ueku, oo mokole, nine nahi kami me'unde-undeo pinesombaimiu ueku, ka nahi kami mpesombaio tinaha wulaa anu pinontademiu atuu ueku.”

Hosea 13:4

Sine Ongkuemo Ue, Ue Alamu mompu'u i wita Masiri; omue nahi ponto'ori Ue Ala sangkadio Ongkue, ka nahina Puu mpongkadudui sangkadio Ongkue.

I MATIU 4:10

Ka motae Ira i Yesu ndi onae, ”Polaimo, Mosa'o! Hangano teburi: Omue asalakono mesombai Ira Ue, Ue Alamu, ka butu ndi Ondae upesomba.”

1 KORINTI 8:4

Mongkona mongkaa bau pesomba a lahumoa tomento'orio, ”nahina lahumoa i wawontolino ka nahina Ue Ala susua sangkadio Ondae Ue Ala anu asa-asa-Do.”

1 KORINTI 8:6

sine ndi ontae butu koa aasa Ue Ala, onaemo Ondae i Ama, anu ndi Ondae insoano luwuakoano ka anu tia-Do tomentuwu, ka aasa koa Ue, onaemo Ondae i Yesu Kerisituu, anu hangano Ondae luwuakoano pinokogagiomo ka hangano Ondae ka tomentuwu.

EPESU 5:5

Hangano impewowoloomo andio temoiko: nahina mia belesu, mia anu mokoburu ke mia modoko, pengkonaano anu mesomba a lahumoa, anu mohawe tia a Poparentaa-Do i Kerisituu ka Ondae Ue Ala.

Winali 5:7

Si hina ndi omiu ue ala susua i aro-Ku.

Winali 6:14

Si mpotonda anu pinesombai susua, inso i olono anu pinesombaido luwuno tongku petengi-tengimiu,

Winali 6:5

Pehohawa Iramo i Ue, Ue Alamu, saru tompaano aroamu ka saru tompaano sumangamu ka saru tompaano rosomu.

PILIPI 3:19

Tompaakoado onaemo masolaa, Uedo onaemo kompodo, marambado onaemo mokoburudo, pinewowolodo butu te'aro a ntuwu tolino.

KOLOSE 2:18

Si mpo'ineeo ponangimiu nahi pokogagio mia anu mo'onde-onde me'urumako ka mesomba a mala'eka, saru me'ini moroso a luwuno pongkita ka nahina pu'uno ka ipompelangka-langkaiako pinewowolono ntolino,

MENGKAAA 19:10

Ka menggolontu akumo a mpuu karuno aku mesombaio, sine ipotaeakune, ”Si poweweu kanandio! Ongkue ata koa, mengkena saru omue ka luwuno pepaekompomu, anu uminio ponsakosii-Do i Yesu. Pesombai Iramo Ue Ala! Hangano ponsakosii-Do i Yesu onaemo penaa mompau anu ta gagi.”

MENGKAAA 22:9

Sine ipotaeakune, ”Si poweweu kanandio! Ongkue onaemo ata, mengkena kana omue ka luwuno pepaekompomu, luwuno nabi ka luwudo anu mentondao luwuno pauno wunta andio. Pesombai Iramo Ue Ala!”

Puu Mpobitara 6:10

Kupauomo ndi omiu: Ongkuemo Ue, Ue Alamiu. Sii mpesomba a anu pinesombaido to Amori, anu witado impo'iangario. Sine omiu nahi mperorongeakono pau-Ku atuu.”