Peluarakoa 20:2 - Wunta Mempori

² ”Ongkuemo Ue, Ue Alamu, anu wawakomiu mpeluarako inso i wita Masiri, inso a ntepe'ataa.

Peluarakoa 20:2 ပူးပေါင်းရင်းမြစ်များ

1 Mokole 18:39

Kumitao anu gagi atuu, luwuno palili mpenggolontu, ka dompotae, ”Ondae i Ue, Ondaemo Ue Ala! Ondae i Ue, Ondaemo Ue Ala!”

2 Mokole 17:12

Mpesomba ira a luwuno lahumoa, maupo Dopepaumo i Ue ndi ondae, ”Si mpoweweu kanatuu!”

2 Mokole 17:7

Kai gagi kanatuu, hangano to Isaraeli ntehala iramo ndi Ondae i Ue, Ue Alado anu tumaate iramo mpeluarako inso i wita Masiri, inso a mpabawano i Pirao. Mpesomba iramo a luwuno pinesombai susua,

2 Tawarika 28:5

Hangano atuu Ondae i Ue, Ue Alano meweengakono a ngkaeno mokoledo to Arami. Domenangio ka mpowawa hadio mia tinawa inso i olodo palilino ka i'amba wawao i Damasi. Umarino atuu onae pineweengako a ngkaeno mokole i Isaraeli ka mompembasai tenangia langkai.

Po'unde-unde 50:7

”Rongeomo, hei bawaa-Ku, Aku mepau, hei Isaraeli, Aku mesakosii umewaikomiu: Ongkuemo Ue Ala, Ue Alamu!

Po'unde-unde 81:10

’Si hina i olomu pinesombai susua, ka si pesomba a mpinesombai susua.

Po'unde-unde 81:11

Ongkuemo Ue, Ue Alamu, anu tumaateko meluarako inso i wita Masiri; pengangamo telangkai, ka Aku mokobukeo.’

Po'unde-unde 81:7

”Kutandeomo tinembi inso a oweamu, kaeno tolaomo inso a ngkarandi tinembi;

Peluarakoa 13:14

Tewala lembuiano mpesikeno ira anamiu, ’Hapa pengkonaano atuu?’ Pauako ira nine, ’Hangano kae-Do i Ue anu moroso wawa kita mpeluarako inso i wita Masiri, inso a mpo'ianga tepe'ataa.

Peluarakoa 13:3

Ka i'amba motaeako ira i Musa tongku atuu, ”Impelangkaio oleo andio, nde oleo andio impeluarako inso i wita Masiri, inso a mpo'ianga tepe'ataamiu; hangano kae-Do i Ue anu moroso wawakomiu mpeluarako inso i wita Masiri. Onaemo pu'uno kaanga hapamo koa anu meragi, si kinaa.

Peluarakoa 15:13

A pompehohawa-Miu i taate ira bawaa anu tinolosi-Miu; Hangano roso-Miu i taate ira hawe a mpo'ianga-Miu anu mempori.

Peluarakoa 15:16

Doitoa ka mongkokongiria umalu ira, Hangano rosono kae-Miu mansa ira merodo kana watu, ranta bawaa-Miu mpe'asatowaako, oo Ue, ranta bawaa anu tinolosi-Miu mpe'asatowaako.

Peluarakoa 15:26

Pau-Do i Ue, ”Ipompe'ala-alamo ndi Ongkue Ue, Ue Alamiu ka impoweweu anu moiko a mpongkita-Do, imerongeo luwuno songka-Ku ka tumondao songka-Ku, asalakono nahi Aku mo'ineeo haki hapamo koa metako ndi omiu, kana anu pinotii-Ku a nto Masiri; nde Ongkuemo Ue anu mokotompako.”

Peluarakoa 20:1

Umarino atuu, Ondae Ue Ala mepau,

Peluarakoa 29:46

Iramo mento'orio nine Ongkuemo Ue, Ue Alado, anu wawa iramo mpeluarako inso i wita Masiri, ka Kupo'ia i olodo, Ongkuemo Ue, Ue Alado.”

Peluarakoa 6:6

Aku mokogagi komiu bawaa-Ku ka Ongkue Ue Alamiu, ka imento'orio nine Ongkuemo Ue, Ue Ala anu motola komiu inso a mpedadaido mpo'angga a to Masiri.

Yesaya 43:3

Hangano Ongkuemo Ue, Ue Alamu, Anu Tedoa Mempori, Ue Alado to Isaraeli, Puu Pongkaduduimu. Kupeweengakono Masiri gagi tolosimu, ka Etiopia saru Sieba gagi eumu.

Yeremia 16:14

Onaemo pu'uno, menteeano tempono ta hawe, kanandiomo pau-Do i Ue, nine mia nahi ira mpotae mbo'u, ’A nee-Do i Ue anu tuwu anu tumaate ira to Isaraeli mpeluarako inso i wita Masiri’,

Yeremia 2:6

Nahi dompesikeno mbo'u: Isua Irake i Ue, anu tumaate kita mpeluarako inso i wita Masiri, anu wawa kita i pada one, a wita anu londa ka mpebobanga, a wita anu tedoa mokari ka wongi-wongi, a wita anu nahi dontelaloio mia ka nahi dompo'iangario mia?

Yeremia 31:1

”I tempo atuu, kanandiomo pau-Do i Ue, Aku gagi Ue Alado luwuno pepe'etuado to Isaraeli ka ondae gagi bawaa-Ku.

Yeremia 31:33

Sine, kanandiomo pedandia anu Kuweweuo saru suku Isaraeli umarino tempo atuu, kanandiomo pau-Do i Ue: Aku numaao songka-Ku a laro nsumangado ka burio i laro aroado. Aku gagi Ue Alado ka ondae gagi bawaa-Ku.

Yeremia 34:13

”Kanandiomo pau-Do i Ue, Ue Alado to Isaraeli: Mowutu Akumo pedandia saru uempu'umiu i tempono Kuwawa ira mpeluarako inso i wita Masiri, inso a mpo'ianga tepe'ataa, ihino:

Yehesikieli 20:19

Ongkuemo Ue, Ue Alamiu. Imentuwumo montonda luwuno pompakosi-Ku saru impe'inimo a luwuno atora-Ku ka imeweweuomo atuu.

Yehesikieli 20:5

Pauakonomo: Kanandiomo pau-Do Ue Ala: A oleo Kubinikio Isaraeli, mesumpa Aku a inuleno sukuno i Yako ka mepopokita ndi ondae i wita Masiri; mesumpa Aku ndi ondae: Ongkuemo Ue Alamiu!

Yehesikieli 20:7

Ongkue mepau ndi ondae: Po'ineeomo sompo mia ka itadi ira pinesombaino anu mokoburu, ba isua ite'aro matano ka koroimu sii kokoburutiakono luwuno lahumoado to Masiri; Ongkuemo Ue, Ue Alamiu.

Hosea 12:10

Sine Ongkuemo Ue, Ue Alamu mompu'u inso i wita Masiri; Aku weweuko mo'ia mbo'u a luwuno kema kana a luwuno oleo tepotowoa atuu.

Hosea 13:4

Sine Ongkuemo Ue, Ue Alamu mompu'u i wita Masiri; omue nahi ponto'ori Ue Ala sangkadio Ongkue, ka nahina Puu mpongkadudui sangkadio Ongkue.

Imama 11:45

Hangano Ongkuemo Ue anu wawa komiumo mpeluarako inso i wita Masiri, kai gagi Ue Alamiu. Imegagimo mempori, hangano Ongkue andio mempori.

Imama 19:36

Asalakono impopake timbanga ka watu timbanga anu mentee, efa ka hini anu mentee; Ongkuemo Ue, Ue Alamiu anu wawakomiu mpeluarako inso i wita Masiri.

Imama 23:43

ka domento'orio inulemiu nine Kutena iramo to Isaraeli mpo'ia a luwuno laika lewe ngkeu tempono Kutaate ira umarido mpeluarako inso i wita Masiri. Ongkuemo Ue, Ue Alamiu.”

Imama 25:38

Ongkuemo Ue, Ue Alamiu, anu wawa komiu mpeluarako inso i wita Masiri, ka weeakomiu wita Kana'a, kai Ongkue gagi Ue Alamiu.

Imama 25:42

Hangano ondae atuu luwuno tetenaa-Ku anu Kuwawa ira mpeluarako inso i wita Masiri, si dome'inasa kana mia mo'asa ata.

Imama 25:55

Hangano to Isaraeli gagi ata ndi Ongkue, ondae atuu tetenaa-Ku anu Kuwawa ira mpeluarako inso i wita Masiri. Ongkuemo Ue, Ue Alamiu.”

Imama 26:1

”Si mpoweweu lahumoa pesombaamiu, si mpompontade tinaha ke tugu pelahumoaamiu, ka si mponaa watu ngginori i witamiu ka impenggolontu mpesomba ndi onae, hangano Ongkuemo Ue, Ue Alamiu.

Imama 26:13

Ongkuemo Ue, Ue Alamiu, anu wawa komiu mpeluarako inso i wita Masiri, kasi megagi mbo'u atado. Kupuduomo keu pasanga anu i wawomiu ka weweu komiu mpelempa moleo.”

Amosi 2:10

Kahinaano Ongkuemo anu tumaate komiu mpeluarako inso i wita Masiri ka wawa komiu i larono pato pulu nta'u i pada one, ka impetorokio witado to Amori.

ROMA 10:12

Hangano nahina teposisinggeno olono to Yahudi ka to Yunani. Hangano Ondae Ue Ala anu aasa atuu Ondaemo Uedo luwuno mia, kaeado luwuno mia anu mpebooli ndi Ondae.

ROMA 3:29

Ke Ondae Ue Ala butu koa Ue Alado to Yahudi? Kombake Ondae mbo'u Ue Alado tongku susua? Humbee, mentee. Ondae mbo'u Ue Alado tongku susua!

Winali 13:10

Asalakono imewunoakono watu, ranta kai mate, hangano montooomo moko'olaikomiu inso ndi Ondae i Ue, Ue Alamiu, anu wawa komiu mpeluarako inso i wita Masiri, a ntepe'ataa.

Winali 15:15

Asalakono upewowoloo nine omue mbo'u i ndi'ipua ata i wita Masiri ka omue Dotolosiko i Ue, Ue Alamu. Onaemo pu'uno kuweeakomu parenta atuu a oleo andio.

Winali 20:1

”Tewala mpeluarako komiu mpetea umewai ira iwalimiu, ka imengkitao ngara ka kareta, sorodadu anu lalu hadio sekono omiu, simedoitoako ira, hangano Ondae i Ue, Ue Alamiu, anu tumaatekomiu mpeluarako inso i wita Masiri, kumongkomikomiu.

Winali 5:15

Asalakono impewowoloo nine omiu i ndi'ipua ata koa mbo'u i wita Masiri ka Dowawa komiu i Ue, Ue Alamiu mpeluarako inso i ra'ai saru kae moroso ka tokia tetande. Onaemo pu'uno, Ondae iUe, Ue Alamiu parenta komiu mpelangkaio oleo Saba.

Winali 5:6

’Ongkuemo Ue, Ue Alamiu anu wawa komiu mpeluarako inso i wita Masiri, inso a mpo'ianga tepe'ataa.

Winali 7:8

Sine hangano Dopehohawa komiu i Ue ka Do'inio sumpa anu Dopauomo ndi ondae uempu'umiu, Dowawa komiumo i Ue mpeluarako saru kae-Do anu moroso ka tumolosi komiu inso a mpo'ianga tepe'ataa, inso a ngkaeno i Pirao, mokole i wita Masiri.

Puu Mpobitara 2:1

Ka i'amba Mala'eka-Do i Ue lumako inso i Giliga tetutu i Bokohi ka mepau, ”Kukongkomi komiumo mpeluarako inso i Masiri ka Kuwawa komiu ia wita anu Kudandiakomiu saru sumpa ndi ue mpu'umiu. Mepau Akumo: Komba Aku balio pedandi-Ku ndi omiu ranta nahina tampulaano,

Puu Mpobitara 6:10

Kupauomo ndi omiu: Ongkuemo Ue, Ue Alamiu. Sii mpesomba a anu pinesombaido to Amori, anu witado impo'iangario. Sine omiu nahi mperorongeakono pau-Ku atuu.”