Peluarakoa 2:24 - Wunta Mempori

²⁴ Ondae Ue Ala rumongeo peboolido, onaemo ka Dorambeo pedandia-Do saru i Burahima, i Saki ka i Yako.

Peluarakoa 2:24 ပူးပေါင်းရင်းမြစ်များ

Tegagia 15:13

Pau-Do i Ue ndi Burama, ”To'oriomo ntu'u nine inulemu ira megagi mia mehawe i asa wita, anu komba tiado, ka nine ira mempine'ata ka binobarasai i larono pato etu nta'u.

Tegagia 16:11

Motaeomo mbo'u Mala'eka-Do i Ue ndi onae, ”Omue kontongaamu mentia ka kome'anaako asa ana ntama. Konumeeakono i Sumaila, hangano Dorongeomo i Ue a laro tepokonsiimu.

Tegagia 17:7

Aku pakosio pedandia i olo-Ku ka omue saru inulemu mapa'api-api inule gagi pedandia anu nahina tampulaano, ka Ongkue gagi Ue Alamu ka Ue Alado inulemu.

Tegagia 18:18

Kombake i Burahima ta gagi tongku anu langkai ka pabawa, ka hangano onae luwuno tongku i tolino ira mpohawe ronso?

Tegagia 22:16

Pau-Do, ”Ongkue mesumpa a ngkoroi-Ku,” kanandiomo pau-Do i Ue, ”hangano moweweukomo kanandio, ka omue nahi nanta-nanta meweengakono anamu anu asa-asano ndi Ongkue,

Tegagia 26:2

Ka Do'amba i Ue mepopokita ndi onae saru mepau, ”Siimo lako i wita Masiri, po'iamo i wita anu Aku pauakomu.

Tegagia 26:24

Ia wongi atuu Ondae i Ue mepopokita ndi onae saru mepau, ”Ongkuemo Ue Alano i Burahima, amamu. Si doito, hangano Ongkue kumongkomiko. Aku rumonsoko ka weweuo inulemu hadio hangano tetenaa-Ku i Burahima.”

Tegagia 26:3

Po'iamo i wita andio gagi mia mehawe. Aku kumongkomiko ka rumonsoko, hangano ndi omuemo ka a inulemu Aku meweengakono luwuno wita andio ka Aku umihiio sumpa anu Kupauomo ndi Burahima, amamu.

Tegagia 32:28

Ka i'amba motae mia atuu, ”Neemu nahi ta pinau mbo'u i Yako, sine i Isaraeli, hangano melulukukomo umewai Ira Ue Ala ka mia, ka omue monangi.”

Tegagia 35:11

Ondae Ue Ala mepau mbo'u ndi onae, ”Ongkuemo Ue Ala Anu Tedoa Pabawa. Impo'ulemo ka intetiangimo; asa tongku, tendeano asa tepumpuano luwuno tongku, ira mehina inso ndi omue ka luwuno mokole ira ntepu'u inso ndi omue.

Tegagia 35:12

Wita andio anu Kuweeakonomo i Burahima ka i Saki, Aku weeakomu ka a inulemu.”

Tegagia 8:1

1 Ondae Ue Ala rumambeo i Noho, luwuno kondehora mo'ila ka luwuno pinotuwu anu meronga saru onae a laro bangka atuu, ka i'amba Ondae Ue Ala weweuo angi mepuuri i wawontolino, ranta ka itempae uwoi atuu.

2 Mokole 13:23

Sine Ondae i Ue tedoa mehohawa ira. Mewolili Ira ndi ondae hangano pedandia-Do saru i Burahima, i Saki ka i Yako. Nahi Do'eheakono rumopu ira ka tumadi ira inso i aro-Do ranta kanandio-andio.

Po'unde-unde 102:2

Oo Ue, Irongeomo pekakaiku, ka po'ineeomo pebooliku mepetulungi hawe ndi Omiu.

Po'unde-unde 102:20

”Menteeano melungaako Iramo inso a mpo'ianga-Do anu mantande ka mempori, Ondae i Ue mensiro i tolino inso i suruga,

Po'unde-unde 105:42

hangano Dorambeo pau-Do anu mempori, ka i Burahima tetenaa-Do.

Po'unde-unde 106:45

Dorambeo pedandia-Do saru ondae ka Dopehohawa ira menunu saru langkaino pompehohawa-Do.

Po'unde-unde 138:3

A oleo kupebooli, Isangki aku ka tumiangio roso a laro sumangaku.

Po'unde-unde 22:24

omiu anu doitoako Ira i Ue, unde-unde Iramo, luwuno ana'ueno i Yako, unde-unde Iramo, ka imedoitoako Iramo, hei luwuno ana'ueno i Isaraeli!

Po'unde-unde 22:5

Ndi Omiu uempu'umami dompompe'ala-ala; ondae mpompe'ala-ala, ka Omiu motola ira.

Po'unde-unde 79:11

Po'ineeomo ka ihawe i aro-Miu pompemasusano mia tinorungku; menunu saru langkaino tokia-Miu, po'ineeomo domentuwu mia anu ira mehinuku mate!

Peluarakoa 6:5

Onaemo, pauako iramo to Isaraeli: Ongkuemo Ue, Aku koa motolakomiu inso a mpodadaido mpo'angga to Masiri, ka motolakomiu inso a mpope'ataado. Aku tumandeo kae pabawa-Ku tumolosikomiu, saru luwuno pohuku anu mobea.

Podoaa 20:16

nine mpebooli kami ndi Ondae i Ue, ka Dorongeo peboolimami, montena Ira asa mala'eka, ka tumaate kami mpeluarako inso i Masiri. Kanandio-andio mekongko kami i Kadesi, asa kota i wiwino tida witamiu.

WINEWEUDO TINENA 7:34

Kupepenteeomo ntu'u marasaido bawaa-Ku i wita Masiri ka Kurongeomo pompemasusado, ka metii Akumo motola ira; onaemo pu'uno aiwamo, omue Aku tumenako lumako i wita Masiri.

Puu Mpobitara 2:18

Sompo tempo Ondae i Ue moweeako ira puu pobitara, Ondae i Ue kumongkomi ira puu mpobitara atuu ka tumolosi ira inso ia iwalido, tempono domentuwu puu pobitara atuu. Nde Domongkokolaroako Ira i Uerumongeo rumorandaido i arodo luwudo mia anu bobarasai ira.

1 Samueli 9:16

”Tisomo tempo kanandio, Aku mo'oliwi asa mia tama ndi omue inso i wita Benami. Mia atuu urapiomo ka igagi mokoledo bawaa-Ku Isaraeli. Onae ta kumadudui ira bawaa-Ku inso a ngkaedo to Pelisiti. Nde Kukitaomo marasaido bawaa-Ku atuu hangano peboolido haweomo ndi Ongkue.”